Salmos 27:14 - Chuj San Sebastian Bible

¹⁴ Ex wit 'anma'il, 'a'c pax 'och Jehová yipc e c'ojol. Te'n tzeyutj e b'a, man̈ e chab'c'ojloc e b'a. Cojxn̈ej wal Jehová tzeya'ch yipc e c'ojol.

Chuj San Mateo Bible

¹⁴ Ex vetchon̈ab', aq'uecoch Jehová yipoc e c'ool. Tec'tec' tzeyutej e b'a, man̈ eyac' chab'ax e c'ool. Val yel, aq'uecn̈ejoch Jehová yipoc e c'ool.

Salmos 27:14 Referans Kwoze

Is 40:31

Ax pax eb' cojn Jehová tzya'ch yipc sc'ojol, caw tzwach' 'och yip eb'. 'Oj stac' sb'ey eb' 'icha wal sjen̈w no salt'iw, 'oj stac' ya'n eb' carela, palta ma'oj c'unb'oc eb', ma'oj 'el pax yip eb' sb'eyi.

Salmos 31:24

Ex to 'aych Jehová yipc e c'ojl wet'oc, tzlaj eya'lac e nab'enoc.

Is 30:18

Palta tic wal tan̈b'ilx yuj Jehová, yic tz'o'ch sc'ojl 'ayex, sec tzex ya' niwnc'ojlal. A Jehová caw tojl snab'en, a smasnil 'anma tz'a'n 'och yipc sc'ojol, caw wach' yic eb'.

Salmos 37:34

Ca'c 'och Jehová yipc qui c'ojol, yiclum tzcutjec qui b'a 'a 'a, ax 'oj qui'nec cha'an̈, ax ya'n lum lum quicooquec. Q'ueln on̈c wal 'ochi, ax satx can 'el eb' maysch'olnil sb'eyb'al cha.

Salmos 130:5

'A smasnil in c'ojol, tzin tan̈wni a colwal Mamin Jehová, ax a paxti tzwa'ch yipc in c'ojol.

A Scarta San Pablo D'a Eb' Aj Filipos 4:13

Tzann̈j tas tzta'n̈j wu'uj, yujto a Cristo tzyac' spoder 'ayin.

Habacuc 2:3

Wach'xam a tas wan in ch'oxn 'aych tic, 'ayt sjaw stiempoal yuji, palta yowlal 'oj ujoc. Tan̈wj ela', wach'xam 'oj 'ec' tiempo, palta 'oj 'el'chn̈ej.

Ef 6:10

A ticnec ex wu'tac, ex wanab', caw te'n tzcutjec qui b'a 'a yol sc'ab' Cajlilec. 'Och cab' qui te'nalec yuj spoder.

Salmos 62:5

Cojn 'a Dios 'aj tz'ilchj junc'ojlal wu'uj, cojn yipc'ojlal yaj wu'uj.

A Scarta San Pablo D'a Eb' Aj Colosas 1:11

Tzon̈ leslwi pax eyuj on̈, sec a tz'a'n e te'nal yet' spoder, yujto a spoder cha, caw niwn yel'chi. To 'ixta', 'oj techjoc smasnil tas eyu'uj. Caw te'n 'oj eyutcn̈ej e b'a, 'oj e tzaljn̈ej paxi.

Salmos 138:3

A yic xwaln in b'a 'ayach, in a ta'wej, 'ix a'n in te'nal yic x'ochx wip.

Pr 20:22

May cab' b'a'n̈ tzeyala, to tze pac e b'a, 'a'c 'och e c'ojl 'a Jehová, sec a 'oj e colni.

Salmos 33:20

An̈ec tic, a Jehová a 'aych yipc qui c'ojol, a tzon̈ colnec, tzon̈ stan̈wni paxi.

Ro 8:25

Palta a jun tzca'c 'och yipc qui c'ojol, mantzac quilc yet' qui sat. Yuj cha, yowlal te'n tzcutjec qui b'a qui tan̈wniec sjawi.

Lm 3:26

Yel xo wach' sictacn̈ej tzon̈ 'ajc qui tan̈wni, masnto yic tzcolwj Jehová 'ayn̈ec.

1 Co 16:13

Macwjan̈ec, caw te'n tzeyutj e b'a eya'n 'och e c'ojl 'a Cajlilec. Man̈ ex xiwoc. Caw tze te'wtzej e b'a junjn ex.

Is 25:9

A 'a yic jun c'ul cha, 'oj calc 'ixtic: Atn wal Jehová qui Diosalec tic, a ca'jnaquec 'och yipc qui c'ojol, yuj cha, on̈ scolnec. Ca'c wal tzaljoc qui c'ojol, yujto a 'on̈ colnec, 'oj qui chioc.

Salmos 25:21

Coln 'el yuj in wach' b'eyb'al yujto may in mul, cojn ach tzach wa'ch yipc in c'ojol.

Salmos 25:3

Wojtac, to a smasnil eb' tzach 'a'n 'och yipc sc'ojol, may xon b'a'n̈ 'oj 'el sq'uixwel eb'. 'El cab' sq'uixwel eb' ton̈j tzcomn meltzj 'och 'aych 'a nab'an̈ej.

Gn 49:18

¡Mamin Jehová tzin tan̈wj in a colni!

Lc 2:25

Ax 'a jun tiempoal cha, ata 'ayc' jun winc 'a Jerusalén, Simeón sb'i. Caw tojl snab'en, an̈j 'a Dios tzyal sb'a. Caw tztan̈wj sjaw jun tiempoal, yic 'oj colchjoc eb' yit israelal. Caw 'aych pax Yespíritu Dios 'a 'a.

Is 8:17

Wach'xam tzc'ub'j 'el sb'a Jehová 'a 'ayn̈ an̈ yin̈tl on̈ Jacob tic, palta an tic, tzwa'ch 'a in c'ojol, to a yipc'ojlal yaj wu'uj.

Ef 3:16

Man̈ jantcoc swach'l qui Mam Dios. Yuj cha, tzin c'an 'a 'a, sec 'oj swach' 'a'c ste'nal e nab'en, ax swach' 'a'n spoder 'ayx yuj Yespíritu.

Salmos 62:1

Cojn 'a Dios 'aj tz'ilchj junc'ojlal wu'uj, a 'a tzcot in colnb'il.

Salmos 40:1

'Ix wac' techjoc in tan̈wni scolwal Jehová, 'ix smaclni yab' tas xwala.

Is 26:8

Mamin Jehová, an̈ tic on̈ caw wal tzqui b'eylb'ej jun tzo'n̈ b'eyb'al tzyal a ley. A wal tas tzqui nib'ej, to nab'ilchn̈ej cuj on̈.

Lc 2:38

A 'a jun rato cha, 'ix c'och 'ix 'a eb', xya'n 'ix yuj diosal 'a Dios. Xlajw cha, 'ix syamn 'och 'ix yaln 'el yab'xil Jesús 'a scal jantcn̈ej eb' wan stan̈wni sjaw jun tiempoal yic 'oj colchjoc 'el chon̈b' Jerusalén.

A Tas Sc'ulejnac Eb' Schecab' Jesús Hechos 28:15

Ax eb' creyente 'aj Roma cha, xyab'n eb', to wan qui c'och on̈, yuj cha, on̈ wul schanc eb' 'a b'e on̈. 'Ay eb' on̈ wul chanc 'a lugar Apio, 'a 'aj 'ay jun mercado, 'ay pax eb' 'a aldea 'Oxe Posada. Ax xyiln 'at Pablo, wan sjaw eb' 'a 'a, 'ix ya'n yuj diosal 'a Dios, caw 'ix tzalji.

Salmos 37:7

Sictac tzon̈ 'ajc 'a yojltac Jehová; tzqui tan̈wniec scolwj quet'ec. Man̈ ca'c somchjoc qui nab'enec yuj eb' tzq'ue'ch yuj tas maysch'olnil tzb'o'o.