Salmos 26:9 - Chuj San Sebastian Bible

⁹ Man̈ junnjoc tzotj e'n 'ec' in q'uinl yet' eb' maysch'olnil sb'eyb'al. Man̈ in a mil cham yet' eb' milm cham 'anma'.

Chuj San Mateo Bible

⁹ Man̈ iq'uel in q'uinal yed' eb' sc'ulan chucal. Man̈ in a satel yed' eb' milum anima,

Salmos 26:9 Referans Kwoze

Salmos 139:19

Ach in Diosal, mil cham eb' tzb'on maysch'olnil, ax eb' milm cham 'anma', najt cab' tzej can 'el eb' 'a in tz'ey,

Mt 25:46

A eb' cha, 'oj 'atcn eb' 'a yailal 'a jun 'ejmn̈ej. Palta ax eb' tojl sb'eyb'al, 'oj scha eb' sq'uinl 'a jun 'ejmn̈ej, xchi Jesucristo 'a eb'.

Mt 25:44

Yuj cha, ax yaln eb' 'ixtc 'ayin: Mamin, ¿b'a'n̈i ach quil chi 'on̈, yic yoch a wejel, a tacn̈til cha, yic a b'eyq'ui, yic may wal a pichl cha, yic ya'ay ach, yic preso aji? ¿Tom 'ay 'aj ma'on̈ colwj 'aych on̈? 'oj schic eb' 'ayin.

Mt 25:32

Ax junjn nacion̈al eb' 'anma', 'oj jawc eb' 'a wojltac. 'Icha junc 'ilm calnelu tzpoj 'elt no calnelu 'a scal no chiwo, 'ixta 'oj wutc in pojn snan̈l eb'.

Mt 24:51

ax ya'n 'och win patron̈ chi jun niwn yailal 'a yib'n̈ eb', ax ya'n can 'at win eb' yet' eb' yit chab'satil cha. Ata 'oj 'oc' eb', caw 'oj juch'ch'oc ye eb' yab'n syail.

Malaquías 3:18

Atta 'oj nachjoc 'el eyuj ax tic, chajtlto chuc spac yic eb' wach' sb'eyb'al tzin 'a'n servil, chuc pax spac yic eb' maysch'olnil sb'eyb'al matz in 'a'n servil, xchi Dios.

Salmos 55:23

Ach in Diosal, a eb' milm cham 'anma', yet' eb' 'a'm 'es, caw may sq'uinl eb', ma'oj nan̈lb'oc sq'uinl eb' yilni. Ach 'oj a'cn 'ejm eb' 'a yich sjul-l eb' chamnac, palta an xo tic, ach tzach wa'ch yipc in c'ojol.

Salmos 51:14

Ach in Diosal milm in ton cham 'anma', palta coln 'el 'a yol sc'ab' jun tic. Caw 'ac' in colnb'il, sec 'oj wal-l a tojlal yet' in b'it.

A Ch'an̈ Schab'l Libro Samuel 21:1

A 'a yol stiempoal rey David, 'oxe ab'il 'ix yac' wejel. Yuj cha, 'ix scanb'n David 'a Jehová tas yuj 'ixta wan yuji. 'Ix yaln Jehová 'a 'ixtic: A jun wejl tic, yuj smul Saúl yet' yuj eb' yin̈til, yuj cha, tzeyab'n syail, yujto milb'il cham eb' gabaonita yu'uj, xchi.

A Ch'an̈ Schab'l Libro Samuel 16:7

A yic tzb'ajwj win Simei cha, xyaln win 'ixtic: —'Eln̈ 'a tic ach ma'm cham 'anma', caw may a ch'olnil.

A Ch'an̈ B'ab'el Libro Samuel 25:29

Wach'xam 'ay mach tzach pechni mto tznib'n tzach miln chamoc, may 'oj e'ni, a 'a yol sc'ab' Jehová qui Diosalec 'aych 'eq'ui. Ax eb' 'ajc'ojl yajch 'ayach, 'oj a julnc 'el eb' 'icha junc mach tzjul-l junc q'uen yet' mejech'.