Salmos 26:4 - Chuj San Sebastian Bible

⁴ May 'ajtil jun wec' yet' eb' 'ixtm 'anma', may pax 'ajtil jun wec' yet' eb' chab'satl yaji.

Chuj San Mateo Bible

⁴ Man̈ junn̈ejoclaj tzin ec' yed' eb' ixtum anima. Malaj b'aj junn̈ej tzin ec' yed' eb' chab' sat.

Salmos 26:4 Referans Kwoze

Jeremías 15:17

An tic, man̈ junc wec' yet' eb' cojn tzaljc'ojlal tz'ec' sayq'ui. Yuj wal jun wopiso a'jnac, yuj cha, in ch'ocj tzin 'eq'ui, yujto tzwab' syal yuj yowl a c'ojl jun xo.

Salmos 1:1

Caw wach' yic eb' matz yiclni tas tzyal eb' tu snab'en, matz 'och tza'n eb' yuj eb' tzb'on maysch'olnil, matz ya'ch pax sb'a eb' yet' eb' tzb'uchwj 'a Dios.

Pr 13:20

Toto jun tzon̈ 'e'c yet' eb' wach' snab'en, caw 'oj qui jelnb'iec; ax toto a yet' eb' tu snab'en tzon̈ 'eq'uec, 'oj qui satc 'eli.

Salmos 119:115

'El cab' eb' maysch'olnil snab'en tic 'a in tz'ey, yujto tzin nib'j in yicl a checnb'il ach in Diosal.

2 Co 6:17

Yuj cha, yaljnac can pax Cajlil 'ixtic: 'Eln̈ec 'a scal eb', 'ijec 'el e b'a, man̈ eyam junc tas maysch'olnil. Toto 'ixta', 'oj ex in cha wico'oc.

Salmos 119:63

An tic, witb'eym in b'a yet' eb' tzyal sb'a 'ayach, atn eb' tzyiclni a checnb'il.

1 Co 15:33

Caw man̈ e cha 'ixtxoc paxti e b'a yuj junc 'es. Toto 'ay eb' maysch'olnil jun tzon̈ 'ec' yet'oc, 'oj juwc 'el qui wach' b'eyb'alec yuj eb'.

Pr 12:11

Toto tzon̈ munljec 'a sat qui lu'um, caw 'ay tas tzqui c'uxec; ax toto cojn 'a tas may jac yel'chi, an̈jta tz'ec' tiempo cujec, to 'ixta', caw may qui nab'enec.

Pr 9:6

'Actjec can e man̈ nab'enal, sec wach' pitzn exn̈ej; b'eylb'ejc sb'eyb'al eb' 'ay snab'en, xchi eb' 'ix schecb' 'ix cha. A jun 'ix cha, tzyal 'el'chi, atn jelnal.

Job 31:5

Tzwac' in ti', to may 'aj xwa'ch in b'a 'a scal maysch'olnil, may 'aj x'ec' 'a in nab'en wixtn junc wit 'anma'il.

Salmos 101:4

A jun tzo'n̈ nab'en maysch'olnil, najt tzwijcan 'el eb' 'a in tz'ey, matz in nib'j tzwojquej 'el tas maysch'olnil.