Salmos 25:7 - Chuj San Sebastian Bible

⁷ Ax pax jun tzo'n̈ in mul jun, man̈ a na coti, man̈ a na cot jun tzo'n̈ in tu nab'enal 'ix in b'o 'a yic quelm in 'unin. Tzin a na cot yet' a chamc'ojlal, yet' a wach'c'ojlal.

Chuj San Mateo Bible

⁷ Axo pax juntzan̈ in mul jun, man̈xo a nacoti. Man̈xoocab' a nacot in chucal d'a yictax ix vac'an quelemal. Mamin, tzin a nacot yed' a nivan chamc'olal yed' a vach'c'olal.

Salmos 25:7 Referans Kwoze

Is 43:25

Palta an tic, yuj swach'l in nab'en, yuj cha, tzin sucsat e maysch'olnilal, man̈x 'a b'a'n̈ 'oj in na cot e mul cha.

Is 38:17

Caw niwquil in yailal 'ix 'eq'ui, palta 'ix 'och in wach'loc. 'Ix 'el pax 'a a c'ojl in a coln can 'el 'a yol sc'ab' chamel, yujto 'ix ac' niwnc'ojlal smasnil in mul.

Job 13:26

Caw wal ya tas tzal 'ayn tzwab'i, tza c'anb'n cot 'ayin, 'aj xlaj 'och in paltail 'a yic quelm in 'unin.

Jeremías 3:25

'Oj quic' 'ejm qui b'a yuj qui q'uixwc'ojlal on̈, yujto an̈ tic yet' eb' qui mam quichm on̈, caw wal x'och qui mul 'aych Jehová qui Diosal on̈. Yictax quelm on̈t 'unn on̈, masnto ticnec, caw wal ma'ix qui yiclj tas 'ix al 'ayn̈ on̈, xchi eb'.

Salmos 51:1

Caw 'ay a chamc'ojlal ach in Diosal, 'o'ch cab' wal a c'ojl 'ayin, suc sat in paltail.

A Ch'an̈ Carta D'a Eb' Hebreo 8:12

'Oj wac' niwnc'ojlal smul eb'. Man̈x 'a b'a'n̈ 'oj in na cot smul eb' cha, xchi Cajlil 'a Ch'an̈.

Salmos 109:26

Mamin Jehová in Diosal ach, colwjan̈ wet'oc. Coln 'el yet' a chamc'ojlal.

Salmos 79:8

Man̈ 'ac' qui tup lajwc smul eb' qui mam quichm on̈; cot cab' a chamc'ojlal 'a quib'n̈ mu'c on̈, yujto caw man̈x 'a quip on̈.

Salmos 31:16

'Ochn̈ wal q'ueln 'ayn an a checb' in tic, coln 'el yet' a chamc'ojlal.

Salmos 6:4

Coln Mamin Jehová, coln yet' a chamc'ojlal.

Job 20:11

Caw wal te'nto yip eb' yuj quelmal, ax s'atcn eb' 'a yol lum 'a yet'l chamel.

Jn 5:14

At 'a jun 'ejm xo, 'ix sc'umn sb'a Jesús yet' win 'a yamq'uil yatut Dios, 'ix yaln 'ixtc 'a winac: —'Ab'i, a ticnec 'ix b'ox a c'ojol. Man̈x a b'o junc maysch'olnil, sec man̈x 'oj jawc jun niwn yailal 'a eb'an̈, xchi 'a winac.

Jn 5:5

Ata 'ay jun winac, 38 ab'il xo sjuw cani.

Is 64:9

Mamin, man̈ ye'n̈joc cab' 'ay cot owl 'a quib'n̈ on̈, comnoc man̈xtzac a na cot 'aj xlaj 'och qui mul on̈. ¡'Ilt nab'an, to a chon̈b' caj qui masnil on̈!

Salmos 119:124

Wach' tzotj a nab'en 'ayn an a checb' in tic, 'icha yaj in a chamc'ojlani. Cuyn 'a jun tzo'n̈ a checnb'il tic.

Salmos 109:16

yujto may xon 'aj sna sb'a jac sc'ojol yic tz'o'ch sc'ojl 'a eb' meb'a', 'a eb' 'emmquilal yeq'ui yet' 'a eb' 'ay scusc'ojlal. A yico', to tzyixtjn̈ej eb' masnto tzcham eb'.

Salmos 109:14

Sna cab' cot Jehová smul eb' smam yichm winac, may cab' b'a'n̈ tzsat 'ejm yalx smul snun winac.

Salmos 106:3

Caw wach' yic eb' to yiclum tzyutj sb'a 'a 'a, eb' to a stojlal tzb'o 'a smasnil tiempo.

Salmos 106:4

Tzin a na cot Mamin Jehová, yic tza'n a wach'c'ojlal 'a quib'n̈ an̈ a chon̈b' on̈ tic, tzin a na coti, yic tzin a coln can 'eli,

Is 48:11

Yuj in b'inaxi, yuj cha, 'ixta ex wutej, yic wach' matz in alx tu'al. A wach' paxti smoj tzalx 'ayin, matz in chaj alxoc 'a junc comn dios, xchi Dios.

Jeremías 31:34

Man̈x yowlalc 'ayt junc mach 'oj alnc 'a junc xo yit chon̈b' 'ixtic: 'Ojquej 'el Jehová, man̈ xchioc. Yujto an Jehová in, an tzwala, to smasnil eb' 'oj in yojcoc 'eli, wach'xam 'unin, wach'xam 'ichm 'anma'. 'Oj wac' lajwc smul eb', man̈x 'a b'a'n̈ 'oj in na cot smul eb' cha, xchi Dios.