Salmos 24:5 - Chuj San Sebastian Bible

⁵ A eb' cha, 'oj scha eb' syaxilal Jehová Dios, ax schan pax eb' scolnb'il 'a 'a.

Chuj San Mateo Bible

⁵ A Jehová Dios Scolumal eb', a tz'ac'an vach'ilal d'a eb'. Syac'anpax spac d'a eb' icha smojal yuj svach'il eb' chi'.

Salmos 24:5 Referans Kwoze

A Scarta San Pablo D'a Eb' Aj Filipos 3:9

Junxn̈ej tzin 'ajcn yet'oc. A ticnec, tzyal Dios to wach'n 'a sat, yujn̈ej to tzwa'ch in c'ojl 'a Cristo, man̈ yujoc to tzin yiclj tas tzyal ley yic Moisés. Palta yujn̈ej to tzwa'ch in c'ojl 'a Cristo, tzin 'och wach'l 'a sat Dios.

Ef 1:3

Calc wach' paxti 'a qui Mam Dios, atn 'a Smam Cajlil Jesucristo. C'uxn xyac' jun tzo'n̈ wach'l yic Espíritu 'ayn̈ec, atn jun tzo'n̈ yic satcha'an̈, yujto junxn̈ej cajc yet' Cristo ticnec.

Is 46:13

A colnb'il tzwac'a, la'n xo yaj wu'uj, man̈x najtoc yaj 'a e tz'ey, jab'xoj wal 'oj in colcn 'el Sión; wu'uj ax sb'inax pax chon̈b' Israel, xchi Dios.

A Sb'ab'el Carta San Pedro 3:9

Toto 'ay eb' tu tzyutj sb'a 'ayex, man̈ tuc tzeyutj e b'a 'a eb' jun xo. Toto 'ay eb' tzex b'uchni, man̈ ex b'uchwjoc pax 'a eb'. Ton̈j tze c'an swach'c'ojlal Dios 'a yib'n̈ eb'. Yujto a Dios on̈ 'awtnec 'och yico'oc, yic tzya'n swach'c'ojlal 'ayn̈ec.

Gl 3:14

'Ixta x'aj Cristo Jesús, sec yu'uj, ax ya'n Dios syaxilal 'ayx man̈ ex israeloc, 'icha yutjnac ya'n 'a Abraham pecti'. An̈jtona', yuj Cristo chab'il Yespíritu Dios cujec qui masnil, 'icha yutjnac ya'n can sti'.

Is 12:2

Ach qui Diosal qui Colmal aji; tzach ca'ch yipc qui c'ojol, yuj cha, matz on̈ xiw on̈. A ticnec tzon̈ b'itn 'aych Mamin Jehová, yujto achn̈ej 'aych 'och quipc on̈, tzon̈ a coln paxi, 'oj e chioc.

Salmos 50:23

A eb' tz'a'n yuj diosal 'ayin, 'ay wel'ch 'a sat eb'. A eb' tzb'eylb'an in b'eyb'al, 'oj in colcn 'el eb', xchi Dios.

Gl 5:5

An̈ec xo, yuj Yespíritu Dios, tzca'c 'och yipc qui c'ojol, chajtlto 'oj on̈ yalc Dios wach'il. Atn jun tic wan qui tan̈wniec ticnec, yujto tzca'c 'och qui c'ojl 'a 'a.

Gl 3:9

Yuj cha, toto tzca'c 'och qui c'ojl 'a Dios, lajn tzcutjec qui chan syaxilal 'icha schajnac Abraham cha, yujto ya'jnac 'och 'a sc'ojol.

2 Co 5:21

A Cristo, may xon jac maysch'olnil sb'o'o. Palta ya'jnac 'och Dios smasnil qui mulc 'a yib'an̈, sec junxn̈ej tzon̈ 'ajc yet'oc. Yujn̈ej wal cha, tzyaln Dios to wach'n̈ec 'a sat ticnec, 'icha tznib'ej.

1 Co 1:30

Yujto a on̈ 'i'nec 'och yico'oc Cristo Jesús. Atn sjelnal Cristo tzyac' 'ayn̈ec. Yuj Cristo, tzyalni to wach'n̈ec 'a sat, tzon̈ yi'nec pax 'och Cristo yico'oc. An̈jtona' yujto colchjnacn̈ec xo 'el yu'uj.

Ro 3:22

Yujn̈ej to tzca'c 'och qui c'ojl 'a Jesucristo, wach'n̈ec 'a sat Dios, yujto tzann̈j mach tz'a'n 'och 'a sc'ojol, wach' eb' 'a sat. Lajn on̈cn̈ej qui masnil an̈ 'anman̈ec tic 'a sat Dios.

Jn 7:17

Toto 'ay mach tzyal sc'ojl tzb'o 'icha tznib'j Dios, 'oj nachjoc 'el yu'uj, to yic Dios jun tzo'n̈ cuynb'il tic, man̈ munoc tzwal 'a yol wico'.

Is 61:10

Caw wal tzin tzalj ticnec yuj Jehová. Caw wal tzjaw in tzaljc'ojlal yuj in Diosal, yujto caw wach' xyutj ya'n in colnb'il, a tojlal, a chi 'icha to x'och in pichloc yu'uj. 'Icha tz'aj junc quelem mto junc cob's 'ix tz'och 'a nupnel, 'ixta in yutj in sb'oni.

Is 54:17

Palta ach xo tic, may xon junc mach tztac' sb'on junc yamc'ab' tztac' ach satn 'eli. A eb' tzach cob' 'a'n queja, sictac xoj 'oj 'ajcn eb' o'oj. Atn jun tic tzwac' in ti wa'n 'a eb' in checab', an Jehová in, an 'oj in col-l eb', xchi Dios.

Is 51:8

Yujto 'oj lajwc 'ejm eb' 'icha junc pichl 'aych yijal, mto 'icha junc lana pichl tzc'ux lajwc no 'ij cha. Palta a 'in tojlal yet' in colwal, 'ayc'n̈ej 'a smasnil tiempo, xchi Dios.

Is 45:17

Ax pax an̈ israel on̈ tic on̈, caw ach 'oj on̈ a colnc 'el 'a jun 'ejmn̈ej on̈, man̈x 'a cab' b'a'n̈ 'oj quijx 'ejm on̈, man̈x 'a pax cab' b'a'n̈ 'oj qui q'uixw can pax 'el on̈.

Salmos 88:1

Mamin Jehová in Diosal ach, in Colmal aji, sc'ual yac'wlil in c'ann a colwal 'a wib'an̈.

Salmos 72:17

B'inax cab' sb'i win rey 'a smasnil tiempo, ya' sb'a 'ayt 'ec' c'u. Smasnil nacion̈ 'a yolyib'n̈q'uinl tic, scha cab' eb' yaxilal yuj winac, yal cab' eb', chajtlto wach' yic eb' yuj winac.

Salmos 68:19

Calc wach' paxti 'a Cajlil, atn qui Diosalec, qui Colmalec paxi; yujto 'a junjn c'u tzon̈ stan̈wniec 'a swach'ilal.