Salmos 24:3 - Chuj San Sebastian Bible

³ ¿Mach eb' tztac' sq'ue'ch 'a jun tzaln to yicn̈ej Jehová yaji? ¿Mach pax eb' tztac' yaj cajn 'a jun lugar to yic 'emmquilal yaji?

Chuj San Mateo Bible

³ ¿Mach eb' syal sq'uec'och d'a jun tzalan to yic Jehová? ¿Mach eb' syal yajec' b'aj syal sb'a eb' anima d'a Jehová chi'?

Salmos 24:3 Referans Kwoze

Salmos 15:1

Mamin Jehová, ¿mach eb' 'oj stac' yaj cajn 'a yol a cajnub'? ¿mach eb' 'oj stac' yaj 'a lum tzaln ecn̈ej yaji?

A Ch'an̈ Carta D'a Eb' Hebreo 12:28

A jun matz tac' yib'x tic, atn jun lugar tzyac' Dios 'ayn̈ec, 'a 'aj 'aych yajlil. Yuj wal jun tic, ca'c yuj diosal 'a 'a. Ca'c 'ejm qui b'a 'a 'a, tzcalnec qui b'a 'a 'icha tznib'ej. Caw xiw coyc 'a 'a,

Salmos 65:4

Caw wach' quic an̈ sic'b'iln̈ 'el oj tic on̈, tzon̈ e'n 'at cajn 'a a tz'ey 'a atut. Caw 'oj qui b'ut'j yuj tas wach' sc'uxx 'ay 'a atut cha, atn tas caw ecn̈ej yaji.

Malaquías 3:1

A Jehová tztac' yuj smasnil, a tzaln 'ixtic: 'Oj in b'ab'l checc 'at jun in checab', sec a 'oj b'ab'l b'onc in b'e an Yajl in tic yic mantzac in c'och 'ayex. An tan̈b'iln xon eyu'uj, wal 'a yajn̈ej ax woch 'a yol watut. Ax tic, tze nib'j xon tzjaw jun in checab' yic tzya'n b'o 'el'chc in trato, palta 'ab'ec, an ton 'oj in jawi.

Salmos 2:6

Tox 'ix wa'cn 'och yopiso jun rey 'a tzaln Sión, atn jun tzaln to wicn̈ej yaji, xchi.

Salmos 68:18

A Dios 'ix q'uecn 'a satcha'an̈, xyi'n 'at eb' 'icha preso yaji. Schan siylab' eb' 'anma', an̈jtona eb' tenmtac, xya' pax eb' yico'. A Jehová Dios 'oj can cajn ta'.

Lv 10:3

Xlajw cha, xyaln Moisés 'a Aarón 'ixtic: —Yuj jun tic, x'el'ch tas yaljnac Jehová 'ayin yic yaln 'ixtic: A eb' tzin 'a'n servil, yowlal 'ay cab' wel'ch 'a sat eb'. 'Oj in ch'oxli to niwn wel'ch 'a smasnil eb' israel, xchi Dios, xchi Moisés. Ax Aarón man̈x 'a tas 'ix yala.

1 Cr 15:1

'Ix ya'n David b'o jun tzo'n̈ xo yatut 'a jun lugar tzcuch Schon̈b' David. Xlajw cha, 'ix ya'n b'o pax 'aj wach' tzcan te scaxail strato Dios, ata sb'o 'a yojl jun mantiado 'ix b'o cha'an̈.

Jn 20:17

—Man̈ in a yama', yujto mantzac in pax q'ue 'a 'aj 'ay in Mam. Palta 'ixic, 'at al 'a eb' wu'tac, yet' 'a eb' wanb' smasnil, chajtlto 'oj in pax q'ue 'a 'aj 'ay in Mam. A in Mam cha, e Mam pax wet'oc. A in Diosal, e Diosal pax wet'oc, xchi Jesús 'a 'ix.

Jn 13:36

Ax Simón Pedro 'ix c'anb'n 'ixtc 'a 'a: —Mamin, ¿'aj wal til 'oj a c'och jun? xchi. —A 'aj 'oj in c'ochi, mant 'oj stac' e c'och wet'oc. C'ojnc'ojnilt 'oj e c'och pax wet' ta', xchi Jesús 'a 'a.

Ez 44:5

Xlajw cha, 'ix yaln Jehová 'ayn 'ixtic: Ach 'anma', tzcham wal elni tas 'oj in ch'ox ela', tzcham pax ab'n sleyl watut 'oj wac' 'ayach. 'Oj ela', mach eb' 'oj stac' yoch 'a yol watut, yet' mach pax eb' 'oj can 'a sti 'elta.

Ez 44:9

Yuj cha, an Jehová in, an tzwal 'ixtic: May wal junc chuc chon̈b'al to may yel'ch in trato 'a 'a, may pax yechl in trato 'a sniwnal, tztac' yoch 'a yol watut cha; wach'xam cajn 'ec' 'a e cal, palta may xon yaln yic yoch ta'.