Salmos 24:2 - Chuj San Sebastian Bible

² Yujto a xb'on 'ejm sb'achnub'al yaln̈ lum lum tic 'a yojl eb' a mar, yet' 'a eb' a niwc a'.

Chuj San Mateo Bible

² Yujto a ix b'oanem yich lum luum tic d'a yich a' mar yed' d'a yich a' nivac a'.

Salmos 24:2 Referans Kwoze

Jeremías 5:22

An Jehová in, an tzwala: Ax tic, caw may jac wel'ch 'a e sat, matz ex xiw xon jac 'ayin. An in b'ojnac 'ejm q'uen arena smacnb'ilc stitc a mar, sec matz 'e't a 'a yib'n̈ q'ue'en. Wach'xam caw ow sq'ue wan chel-loc a', wach'xam caw ow yib'x sat a', palta matz 'ec' a 'a yib'n̈ jun cha. Wach'xam 'ixta in yet' in poder, palta caw matz ex xiw jac 'ayin.

Salmos 136:6

A xlich'n 'at lum lum 'a yib'n̈ a a'. A schamc'ojlal Dios 'ayn̈j 'a smasnil tiempo.

Salmos 96:10

Calc yab' smasnil nacion̈, to a Jehová rey toni. A 'ix b'on yolyib'n̈q'uinl tic, yuj cha matz 'ib'xi. Caw tojln̈ej tzyutj sb'eyc'ojlan smasnil chon̈ab'.

Job 38:4

¿'Ajtil 'aych 'eq'ui yic xin b'on 'ejm yipnub'al yich lum lum tic? Al wab'i', tom yel xo niwn tas ojtac.

Salmos 33:6

Yujn̈ej spaxti', 'ix b'o satcha'an̈ yet' smasnil tas 'ay 'a 'a, cojn to 'ix yala, 'ix b'o smasnil.

Gn 8:22

Ya' sb'a 'ayt 'ec' yolyib'n̈q'uinl tic, 'ay tas 'oj 'awxoc, 'oj molb'tzaxc sat 'awb'en; 'ay stiempoal c'ac', 'ay stiempoal si'ic; 'ay n̈ab'lq'uinal, 'ay cuaresma, 'ay c'ual, 'ay pax 'ac'wal, xchi Dios 'a snab'en.

Salmos 95:4

A 'a yol sc'ab' 'ayc' jun tzo'n̈ xab'l yich lum lum tic. Yic pax yaj eb' lum niwc witz chan̈ yajb't ste'il.

Salmos 93:1

Mamin Jehová Reych xoni, a 'a tzictznial, a chi 'icha to 'aych a pichloc. Ax a poder, 'icha to oyn 'och 'ayach. Ach b'ojnac yolyib'n̈q'uinl tic, yuj cha, matz 'ib'xi.

Salmos 89:12

Smasnil tas 'ay 'a stojlal norte masnto tzc'och 'a stojlal sur, ach xa b'o'o. A lum niwquil witz Tabor yet' lum Hermón, til wal sja'l ach sb'itnan eb' lu'um.