Salmos 24:1 - Chuj San Sebastian Bible

¹ A Jehová a 'ay yic yolyib'n̈q'uinl tic yet' smasnil tas 'ay 'a sat, yet' smasnil eb' cajn 'a 'a.

Chuj San Mateo Bible

¹ A Jehová ay yic lum luum tic. A ay pax yic masanil tastac ay d'a sat luum.

Salmos 24:1 Referans Kwoze

Salmos 89:11

A satcha'an̈ yet' lum lum tic ecn̈ej yaji, ach xa b'o yolyib'n̈q'uinl tic yet' smasnil tas 'ay 'a 'a.

1 Co 10:26

Yujto a yolyib'n̈q'uinl tic, yet' smasnil tas 'ay 'a 'a, yic Cajlilec.

1 Cr 29:11

Ec yaj jun tzo'n̈ tic, caw niwn el'chi, caw 'ay a poder, tzictzni elxi, ach 'ay ec smasnil tas, rey ach paxi, yujto a smasnil tas 'ay 'a satcha'an̈ yet' 'a sat lum tic, ec yaji. Mamin Jehová, ach yajl ach 'a yib'n̈ smasnil.

Job 41:11

Toc 'ay mach 'a'jnac junc tas 'ayin, yuj cha tzyaln to 'ay in b'oc 'a 'a. ¡A smasnil tas 'ay 'a yolyib'n̈q'uinl tic, wicn̈ej yaji!

Dt 10:14

Tzcham wal e nani, chajtlto a Jehová a 'ay yic satcha'an̈ yet' pax jun tzo'n̈ xo tas 'ay 'a 'a, a pax 'ay yic lum lum tic, yet' pax tas 'ay 'a sat lu'um.

Ex 9:29

'Ix ta'w Moisés 'a win rey chi 'ixtic: —Cojn wal tzin 'el 'a yol chon̈b' tic, ax in mojnq'ue in c'ab' in leslwi 'a Jehová. Ax in c'ann 'a 'a, sec 'oj 'och wan ya'n q'uen sacb'at tic, man̈x 'oj smac' sb'a c'u. 'Ixta 'oj 'aj snachj 'el 'oj ach tic, chajtlto a Jehová yajl yaj 'a smasnil yolyib'n̈q'uinl tic.

Ex 19:5

Palta ax ticnec, yiclum tzeyutj e b'a 'ayin, tzeyiclni in trato eyet'oc, to in chon̈b' ex, sic'b'ilx 'el wuj 'a scal jun tzo'n̈ xo chon̈ab', yujto wic smasnil lum lu'um.

Nahúm 1:5

Caw tz'ib'x eb' lum witz 'a yojltac Dios, caw tz'ulb'x pax 'ejm eb' lum tzaln yu'uj. Smasnil lum lum tic yet' smasnil eb' 'anma cajn ta', caw tz'ib'x eb' yuj xiwlal 'a yic tzch'oxn sb'a Dios.

Salmos 50:12

Q'uinloc 'ay in wejel, ma'oj wal eyab'i', yujto wic smasnil tas 'ay 'a yolyib'n̈q'uinl tic.

Dn 4:25

To 'oj a pechx 'el 'a scal eb' 'anma tic, ax yet' no calte'al noc', ata 'oj aj cajan. A te c'ultc 'oj a lo 'icha no wacax, 'oj 'em chicb'chan̈ 'a eb'an̈. 'Ixtan̈ej 'oj 'aj yec' uque ab'il o'oj, masnto 'oj nachjoc 'el o'oj chajtlto a jun Dios yel xo niwn yel'chi, a yajl yaj 'a yib'n̈ eb' 'anma tz'a'n yajlil, a tz'a'n 'och yajlil eb' tznib'j tzya'chi.

Salmos 98:7

B'itn cab' chan̈ a mar yet' smasnil tas 'ay 'a yojl a', b'itn cab' chan̈ yolyib'n̈q'uinl tic yet' smasnil eb' cajn 'a 'a.

1 Cr 29:16

Mamin Jehová, ach qui Diosal on̈, ec yaj smasnil jun tzo'n̈ ricoal tic. A 'aych tzcot smasnil jun tzo'n̈ 'ix qui yamb'tzej tic, yic tzqui b'on junc n̈a 'a a b'i yuj ach qui'n cha'an̈.

2 Cr 25:9

'Ix sc'anb'n Amasías 'a jun schecb' Dios chi 'ixtic: —Palta, ¿tas pax 'oj 'aj yuj q'uen 75 quintal plata 'ix wac' 'a eb' israel? xchi. 'Ix ta'w jun schecb' Dios cha, xyaln 'a 'ixtic: —A Jehová tztac' ya'n 'ec'b'alocx q'uen 'aych 'a yib'n̈ jun tzo'n̈ cha, xchi 'a 'a.

Job 34:13

May mach 'ix 'a'n yopiso yic tzya'n yajlil 'a yolyib'n̈q'uinl tic smasnil.

Job 41:3

¿'Oj tewoc 'och am no 'ayach, sec tz'o'ch a c'ojl 'a no'? ¿'ojm c'unnoc no 'ayach sec tz'a'l no a libre?

Salmos 50:10

Smasnil no calte'al noc', yet' e no cajb'il noc' 'ay 'a jolmctac witz, wic e no'.

Salmos 89:12

Smasnil tas 'ay 'a stojlal norte masnto tzc'och 'a stojlal sur, ach xa b'o'o. A lum niwquil witz Tabor yet' lum Hermón, til wal sja'l ach sb'itnan eb' lu'um.

Miqueas 4:13

Ex 'aj Sión, q'uen̈ec wa'an, te'c 'ejm jun tzo'n̈ nacion̈ cha, yujto tzyal Jehová 'ixtic: An 'oj wac' eyip e te'n 'ejm jun tzo'n̈ nacion̈ cha, 'icha junc no quelm wacx nab'a hierro sch'a'ac, nab'a pax bronce yech to te'm trigo. Ax eyi'n can 'ec' sricoal jun tzo'n̈ nacion̈ ya'jnac ganar 'a spatc maysch'olnil, ax eya'n 'ayn an Jehová in tic, an tic Yajl waj 'a smasnil yolyib'n̈q'uinal, xchi Dios.