Salmos 23:4 - Chuj San Sebastian Bible

⁴ Wach'xam tzin 'ec' 'a junc lugar 'aj caw q'uic'q'uinal, 'a 'aj 'ay smay in chami, palta matz in xiw yuj junc tas, yujto 'aych 'ec' wet'oc. 'Icha junc 'ilm calnelu tztan̈wj scalnelu yet' sc'ococh yet' pax sjixc'ab'te', 'ixta tzin otj in a tan̈wni.

Chuj San Mateo Bible

⁴ Mamin, vach'chom tzin ec' d'a ch'olquixtac b'aj te q'uic'q'uinal, max in xivlaj yuj junoc tas ay smay, yujto ayach ec' ved'oc. Icha junoc vin̈ tan̈vum calnel yed'nac te' sc'ococh yed' pax jun te' ay sch'ocal, icha chi' tzutej in a tan̈vani, yuj chi' max in xivlaj.

Salmos 23:4 Referans Kwoze

Is 41:10

Man̈ ex xiwoc, 'ayn 'ec' eyet'oc. Man̈ ex 'och 'il, yujto an ton e Diosal in. An tzwac' eyip, an tzex in colo, an tzex in yamch wan yet' wip tzin c'anlb'ej 'a stojlal.

Salmos 118:6

A 'ayc' wet'oc, yuj cha, matz in xiw yuj tas tzin yutj eb' wit 'anma'il.

Salmos 138:7

Mamin Jehová, yic 'ayn 'ec' 'a scal xiwc'ojlal, ach ton wal xac' in q'uinal, 'a' cot a poder 'ayin, sec tzin colchj 'el 'a yowl sc'ojl eb' 'ajc'ojl yajch 'ayin.

Salmos 3:6

Wach'xam caw niwn eb' soldado tz'och oyn 'ayin, tznib'j eb' yac' owl wet'oc, palta matz in xiw yuj eb'.

Lc 1:79

Ax ya'n sacq'uinl 'a eb' 'ay 'a scal q'uic'q'uinal, atn eb' wan s'at 'a chamel. A 'oj ch'oxnc pax 'ayn̈ec, tas tzcutjec qui b'eyb'al, sec junc'ojlal tzon̈ 'ajc yet'oc, xchi win Zacarías cha.

Miqueas 7:14

Mamin Jehová, tan̈wj eb' a chon̈b' to ec yaji. Lajn eb' 'icha no calnelu 'aycn 'a caltcte sch'ocoj, ax 'a spatquil 'el no', 'ay te c'ultc to caw wal ya'ax. 'Ij 'at eb' a chon̈b' tic 'icha wal otjnac 'a yic pecti', 'ij 'at eb' 'a 'aj wach' tz'aj eb' 'icha no cajb'en noc' 'ay 'a yol yic Basán yet' 'a yol yic Galaad.

Salmos 46:11

A Jehová tztac' yuj smasnil, a 'ayc'n̈ej quet'ec. A qui Diosalec an̈ yin̈tl on̈c Jacob tic, ata tzqui colc qui b'a.

Mt 28:20

Tz'ec' laj e cuy eb', sec wach' jantcn̈ej tas waljnac can 'ayex, 'oj laj syiclc eb'. An tic 'ayn 'ec' eyet' 'a smasnil tiempo, masnto 'oj lajwc 'ec' yolyib'n̈q'uinl tic, xchi Jesús 'a eb'. [B'o cab' 'ixta']

Mt 1:23

'Ay jun cob's 'ix, mant 'a xon junc winc tzyi'aj, palta 'oj pitzwc chan̈ jun 'unn 'a 'ix. 'Oj 'aljoc jun swinc 'unin, ax ya'n sb'ic Emanuel, xchi. (Emanuel tzyal 'el'chi, 'ayc' Dios quet'oc).

2 Ti 4:22

Tzin nib'j 'aych Cajlil Jesucristo et'oc. Ya' cab' Dios swach'c'ojlal 'ayx e masnil ta'. [Ya' cab'i'.]

Jeremías 2:6

Ma'ix snalb'ej meltzjoc cot sb'a eb' 'ayin, wach'xam an wijnac 'elt eb' 'a Egipto. 'Ix wi'n b'ey eb' 'a lum cusltac lu'um, lum tacn̈ sat, lum pa'ctac, lum 'ajtil caw 'ay smay, lum may junc mach cajn 'a sat, may pax junc mach tz'ec' 'a sat.

Salmos 44:19

Wach'xam 'ixta', palta ach on̈ a'cn 'at 'a scal no noc' 'ay smay, on̈ a macn can pax 'ejm 'a scal q'uic'q'uinl yic chamel.

Salmos 14:5

Caw 'oj 'ib'xoc eb' yuj xiwlal, yujto a Dios 'ayc' yet' eb' tojl sb'eyb'al.

Job 3:5

Comnoc 'ay junc tas q'uic'q'uinl x'ajch 'a yib'an̈ sec xq'uic'b' 'eli, mto a junc q'uic' 'asn tzc'ub'n 'eli, mto pax junc xo tas tz'ec' 'a sat sec x'och xiwc'ojlal 'a jun c'u cha.

Zacarías 11:10

Xlajw cha, xwi'n chan̈ te in c'occh tzcuch Wach'c'ojlal cha, xin wecchtan te', atn jun tic ch'oxnb'il x'aji chajtlto 'ix lajw strato Jehová yet' smasnil nacion̈.

Salmos 110:2

A Jehová 'oj yac' a c'occh yic opiso 'a lum Sión, ach xo 'oj ac' yajlil 'a yib'n̈ eb' 'ajc'ojl yajch 'ayach.

Job 24:17

A sacq'uinl cha, caw tzxiw eb' 'a 'a; ax q'uic'q'uinal, caw wal tzalj eb' yet'oc, yujto ata tzxiw jun tzo'n̈ xo eb' 'anma'.

Zacarías 8:23

A 'a yic jun c'ul cha, lajn̈wan̈ eb' chuc chon̈b'al 'oj 'och yamn 'a spichl junc israel, ax yaln eb' 'a 'ixtic: Tzqui nib'j tzon̈ 'at eyet'oc, yujto 'ix cab'i chajtlto 'a Dios 'aych eyet' ax tic, 'oj xchic eb', xchi Dios.

Zacarías 11:14

Yajn̈ej xin wecchtan 'at junx te c'occh xwac' scuch Junn̈j yaj cha, 'ixta x'aj slajw 'ejm 'u'tacab'ilal 'a scal Judá yet' Israel.