Salmos 22:21 - Chuj San Sebastian Bible

²¹ Coln 'el 'a yol sc'ab' jun tzo'n̈ eb' 'anma tznib'j tzin milni, eb' lajn 'icha no león c'awn sti', mto 'icha no simron wacx caw 'ay smay yet' sch'a'ac.

Chuj San Mateo Bible

²¹ Colinel d'a sti' juntzan̈ eb' icha noc' choj chi', colinel d'a sch'aac juntzan̈ icha val noc' c'ultaquil vacax chi'.

Salmos 22:21 Referans Kwoze

2 Ti 4:17

Palta ax Cajlil, a 'ix 'och wet'oc. 'Ix colwj wet'oc. Yuj cha, xin wach' aln 'el wach' 'ab'x yic colnb'il. A wal eb' man̈ israeloc, c'uxn xlaj yab' eb' smasnil. A 'a jun 'el, 'icha to yamchjnacn yuj junc no león, 'ijn schin 'ejm no'. Palta ax Cajlil, a 'in coln can 'el 'a yol sti no'.

A Sb'ab'el Carta San Pedro 5:8

Caw lista tzcutjec qui b'a, macwjcoyec. Yujto 'icha junc no león tz'el yaw, tz'ec' saync 'ec' junc mach tzyac' lajwoc, 'ixta yec' jun 'ajc'ojl yajch 'ayn̈ec, atn win diablo.

Nm 23:22

A Dios, a 'ix 'i'n 'elt eb' 'a Egipto, yuj cha, a 'aych yipc sc'ojl eb'. 'Icha no simbron wacax, a sch'ac no 'aych yipc sc'ojol, 'ixta yaj eb' yet' Dios.

A Tas Sc'ulejnac Eb' Schecab' Jesús Hechos 4:27

Wal yel, a win Herodes, win Poncio Pilato, eb' man̈ israeloc, yet' pax eb' quit israelal on̈, 'ix syam sb'a eb' 'a yol chon̈b' tic. 'Ix sc'umj sb'a eb' 'a spatc Onnal, atn jun sic'b'il 'el o'oj. Palta ach a'jnac can yopiso.

Jn 14:30

Man̈x niwnoc tas 'oj wal 'ayex, yujto wan sjaw win syajlil yolyib'n̈q'uinl tic. A win cha, may yaln win yic 'ayin.

Jn 8:59

Xlajw cha, 'ix laj si'nc chan̈ ewin q'ue'en, snib'n ewin sjul chamoc. Ax Jesús 'ix sc'ub'j 'el sb'a 'a ewinac. 'Ix 'elt 'a yamq'uil yatut Dios cha.

Is 34:7

A eb' syajlil eb', caw wal 'ay smay eb' 'icha no simron wacax, no quelm wacax, yet' no mam wacx caw ow; palta junn̈j 'oj 'aj eb' scham yet' eb' comn 'anma'. Caw 'oj macchjoc 'el sat slum eb' yet' schiq'uil, 'oj 'atcn xepual eb' 'a scal spoccal lum lu'um.

Dt 33:17

Caw wach' yilx eb' yin̈tl José, 'icha junc sb'ab'l 'unnal junc no quelm wacax, caw jelan. 'Ay yip 'icha junc no simrón wacx caw niwc sch'a'ac. 'Oj stec smasnil chon̈ab', masnto 'aj tzlajw c'och yolyib'n̈q'uinl tic. A sch'ac chi tzch'oxn 'eli to caw 'ay yip, atn smil-l sb'isl eb' yin̈tl Efraín, yet' smil-l sb'isl eb' yin̈tl Manasés, xchi.

Lc 22:53

'Aynn̈ej 'ec' eyet' 'a yatut Dios 'a junjn c'u, palta ma'in eyama. Palta atn yorail tic e b'on 'icha tze nib'ej, yujto a win 'aj q'uic'q'uinl 'aych eyet'oc, xchi 'a ewinac.

Salmos 35:17

Mamin Jehová, ¿jantcto wal tiempo ton̈j tzach 'och q'ueln 'ayn yet' jun tic? Tzin a colcn 'el 'a yol sc'ab' eb' 'icha león tzyutj sb'a 'ayin.