Salmos 22:16 - Chuj San Sebastian Bible

¹⁶ 'Ay nan̈l eb' 'anma maysch'olnil, 'ix 'och oyn eb' 'ayn 'icha no tz'i', 'ix yoln eb' in c'ab' yet' pax woc.

Chuj San Mateo Bible

¹⁶ Jun val n̈ilan̈ eb' chuc ix och b'uyan d'ayin icha val noc' tz'i', ix yol in c'ab' eb' yed' voc.

Salmos 22:16 Referans Kwoze

Jn 19:37

Tzyaln pax junx tic 'a Ch'an̈: A eb' tecjnac, 'oj yil eb' jun tecb'il yuj cha, xchi.

Mt 27:35

Xlajw cha, xya'n 'och ewin 'a spenc culus. Ax ewin soldado cha, 'ix yac' ewin b'ul, yic tzpojn 'ec' ewin spichl Jesús 'a scal. ['Ixta x'aj yel'ch tas tz'ib'b'il can yuj jun schecb' Dios pecti, yic yaln 'ixtic: 'Ix spojc' eb' in pichl 'a 'a, xya'n 'och eb' b'ul 'a yib'an̈, xchi 'a Ch'an̈ U'un̈.]

Zacarías 12:10

'Oj wac' jun espíritu yic wach' nab'enal 'a eb' yin̈tl David yet' 'a eb' cajn 'a Jerusalén, sec wach' 'oj leslwoc eb' 'ayin. Ax yic 'oj in yilnc eb' tecjnac in, 'oj 'oc' eb' 'icha yoc' junc mach tzcham jun c'otn̈ yunnal, mto yuj junc sb'ab'l 'unnal.

Jn 20:25

Yuj cha, xyaln eb' yit cuywumal chi 'a 'ixtic: —An̈ tic on̈, 'ix quil Cajlilec chi on̈, xchi eb'. —'A... 'oj wila', toto tzwil 'aj x'och q'uen lawx 'a yol sc'ab', tzwa'n 'och yune in c'ab' 'a yolnil 'aj x'och q'uen cha, tzwa'n pax 'och in c'ab' 'a yolnil scostil, cojn 'ixta', 'oj stac' wa'n 'och 'a in c'ojol, to caw a Jesús cha, xchi 'a eb'.

Jn 19:23

Ax ewin soldado cha, xlajw st'un̈n can q'ue ewin Jesús, xyi'n 'el ewin spichul. 'Ix spojn 'ec' ewinac. Chan̈e x'eli, junjn yic junjn ewinac. Palta ax jun spotil, junn̈j yaj sjalxi, may stz'isul.

Mr 15:24

Xlajw cha, xya'n 'och ewin 'a spenc culus. Ax ewin soldado cha, 'ix yac' ewin b'ul yic tzpojn 'ec' ewin spichl Jesús 'a scal, a tzyala tas tzyij junjn ewinac.

Jn 19:34

Palta 'ay jun soldado 'ix stecch slanza 'a scostl Jesús. Yajn̈j wal cha, 'ix 'el-l pulnjoc chic' yet' a'.

Lc 23:33

'Ix c'och eb' 'a jun lugar tzcuch Calavera. Ata 'ix st'un̈ q'ue eb' Jesús. 'Ix t'un̈x pax q'ue ewin 'ay smul cha, jun 'a swach' c'ab', jun 'a surito, junjn sculsal junjn eb'.

A Scarta San Pablo D'a Eb' Aj Filipos 3:2

Caw tzeyil wal e b'a 'a jun tzo'n̈ eb' 'anma tu snab'en. Caw maysch'olnil tzyutj sb'a eb', yujto tznib'j eb' tzpol-l jac stz'umal e niwnal. A sb'eyb'al eb' cha, lajn 'icha no tz'i', caw yajb'entac tzyutj sb'a eb'.

Lc 23:23

Palta ton̈j xcaw wach' q'ue somnjoc eb' yawj cha'an̈, chajtlto yowlal tz'och 'a spenc culus. Caw 'ip x'awj chan̈ eb' yet' eb' sat ya'mal 'och sti eb' 'anma 'a Dios. Xya'n ganar eb' 'icha tznib'ej.

Is 53:5

'Ix lajw sniwnal yuj qui mulec, xyab' syal sniwnal chi yuj qui tu'al. Yuj jun yailal 'ix 'och 'a yib'n̈ cha, yuj cha, 'ix 'och junc'ojlal 'a qui calc yet' Dios. Yujto 'ix yab' syal sniwnal, yuj cha, 'ix 'ajx qui q'uinlec.

Salmos 22:20

Man̈ in a cha tzu'xoc cham yuj eb' maysch'olnil cha. Man̈ in ac' milxoc cham yuj eb' 'icha tz'i cha.

Salmos 22:1

Ach in Diosal, ach in Diosal, ¿tas yuj tzin actj can in ch'ocoj? ¿Tas yuj matz in a colo yic tz'el waw yuj in yailal?

Jn 20:27

Xlajwn̈ej cha, xyaln 'ixtc 'a Tomás: —'Ilt in c'ab' tic, 'a'ch yune a c'ab' 'a yolnil tic. Tza'n pax 'och a c'ab' 'a yolnil in costl tic. 'A'ch a c'ojl 'ayin, man̈x a chab'c'ojloc a b'a, xchi Jesús.

Salmos 59:6

A yic tzq'uic'b'i tzjab'x can eb', tz'el yaw eb' 'icha no tz'i tz'el swom sti'. Tz'ec' yoymtanc eb' chon̈ab'. Tzlaj yalnc eb' ya paxti', tzyaln eb' 'ixtic: May mach tz'ab'n tas tzcalec, xchi cob' eb'.

Apoc 22:15

Palta 'ay pax jun tzo'n̈ eb' ma'oj stac' yochi. Atn eb' tu snab'en, 'icha junc tz'i', yet' eb' 'ajchum, eb' tzb'on 'ajmulal, eb' milm cham 'anma', eb' tzyal sb'a 'a jun tzo'n̈ yechl tzalx 'och diosal, yet' jantcn̈ej eb' 'aych snab'en 'a jun tzo'n̈ 'es, tzlaj yalnc pax eb' 'es cha. Atn eb' tic, ma'oj stac' yochi.

Salmos 86:14

Ach in Diosal, 'ay wal jun b'uln̈ eb' 'anma tzyij chan̈ sb'a, tzmeltzj 'och eb' 'ajc'ojlal 'ayin. Tznib'j eb' tzin smila, caw may el'ch 'a sat eb'.

Mt 26:57

Ax ewin xyamn Jesús cha, 'ix yij 'at ewin 'a win Caifás, atn win sat ya'mal 'och sti eb' 'anma 'a Dios. Ata 'ix syam sb'a eb' cuywum 'a ley yic Moisés yet' ewin 'ichmtac winc 'ay yopiso.

Mt 7:6

A spaxti Dios, yicn̈ej yaji, lajn 'icha jun tzo'n̈ q'uen ton̈ perla sb'i, caw chan̈ stojol. Yuj cha, matz tac' ca'nec 'a eb' toxn may jac yel'ch Dios 'a sat. Yujto 'a eb' cha, lajn eb' 'icha jun tzo'n̈ tz'i tzcot 'ayon̈, tzon̈ schini. 'Ay pax eb' lajn 'icha jun tzo'n̈ no chitam, ton̈j tztec' 'ejm tas tzcac' 'a 'a.

Jeremías 12:6

A eb' o'tac, yet' eb' ecan, caw wal 'ajc'ojl xo yajch eb' 'ayach, c'ultacl tz'el yaw eb' yaln tas 'a a patquil. Wach'xam caw wach' tzyutj paxtinc sb'a eb' 'ayach, palta man̈ a'ch eb' yipc a c'ojol, xchi 'ayin.

Salmos 59:14

A yic tzq'uic'b'i tzjapx can eb', tz'el yaw eb' 'icha no tz'i', tzyoymtan eb' chon̈ab'.

Salmos 38:11

Ax eb' in wach'c'ojol yet' eb' jun waj yet'oc, c'uxn xlaj 'el eb' 'a in tz'ey, yujto caw xniwtj in yailal.