Salmos 22:15 - Chuj San Sebastian Bible

¹⁵ 'Icha wal junc lum tacn̈ texu, 'ixta wal x'aj stacj 'el yol in jaj, tox 'ix can tzayn wac' 'a yol in jom. In a'cn 'ejm 'a scal spoccal yet'l eb' chamnac.

Chuj San Mateo Bible

¹⁵ Toxo ix tacji yol in jaj, icha val junoc taquin̈ luum. Toxo ix q'ue lotzan vac' stacji, ix in ac'anem d'a scal pococ icha val junoc chamnac.

Salmos 22:15 Referans Kwoze

Jn 19:28

Xlajw cha, a Jesús, yojc xoni, to tox 'ix lajw 'el'ch smasnil tas tz'ib'b'il can 'a yib'an̈. Yuj cha, 'ix yaln 'ixtic: —Caw tztacj in ti', xchi. 'Ixta xyutj yalni, sec tz'el'ch tas tz'ib'b'il can 'a Ch'an̈ U'un̈.

Salmos 69:3

Caw 'ix poj yol in jaj wawji, xq'ue syal yol in jaj. Caw 'ix c'unb' c'och yol in sat yuj in macn wil a jaw ach in Diosal.

Is 53:12

Yujn̈ej cha, ax ya'n Dios jun yopiso 'a scal eb' niwn yel'chi. 'Ay yaln yic yet' eb' x'a'n ganar owal, yujto 'ix ya'sb'a 'a yol sc'ab' chamel, 'icha tz'ajx 'och 'a yib'n̈ eb' maysch'olnil sb'eyb'al, 'ixta x'ajx 'och 'a yib'n̈ jun xo. Caw yel 'ix ya'cn 'och sb'a 'a yaln̈ smul smasnil 'anma', 'ix leslwi yuj eb', sec tz'ajx lajwc smul eb' cha.

Salmos 69:21

'Ix yac' 'ejm eb' veneno 'a scal tas tzin c'uxu, ax yic xtacj in ti', xya'n eb' wuc' vinagre.

Salmos 38:10

Caw wal tz'ib'x chan̈ in pixan, caw c'uxmtac yel wip, an̈jtona', x'och pax 'a in sat.

1 Co 15:3

A jun tzo'n̈ cuynb'il in chajnac, atn in b'ab'l aljnac 'ayex. To a Cristo 'ix cham yuj qui mulec, 'icha yaj stz'ib'x can 'a Ch'an̈ U'un̈.

Salmos 104:29

Toto tzej 'el a sat 'a e no', wal xiw chan̈ e no cha; toto tzej 'ec' sq'uinl e no', 'oj cham e no', ax yochx can e no poccal.

Mt 27:50

Ax Jesús, caw 'ip 'ix 'awj chan̈ jun 'ejm xo. 'Ixta to b'i'an 'ix chami.

Pr 17:22

A tzaljc'ojlal, lajn wal 'icha junc remel, ax pax cusc'ojlal, ton̈j tzyij 'el quipec.

Job 29:10

A eb' niwc yajl cha, caw c'un xoj spaxtin eb', 'icha to tzlaj can tzayn yac' eb' 'a yol sjom.

Dn 12:2

Til wal eb' chamnc xo 'oj pitzwc paxi. 'Ay eb' 'oj scha sq'uinl 'a jun 'ejmn̈ej. 'Ay pax jun tzo'n̈ xo eb' jun, 'oj 'atcn eb' 'a q'uixwc'ojlal 'a scal yailal 'a jun 'ejmn̈ej.

Lm 4:4

A eb' 'unn tzat chuwi, caw wal 'ay stacn̈til eb', tzcan tzayn yac' eb' 'a yol sjom. Tzcob' sc'an eb' tas tzc'uxu, palta may mach tz'a'n 'a eb'.

Salmos 30:9

¿Tas to a ganar wet'oc, q'uinloc tzin chami, tzlajw cha, tzin mucxi? Ax in poccal ¿tom tztac' to ach sb'itnani? ¿Tom tztac' to yaln wach' paxti 'aych yuj tas wach' tza b'o'o?

Job 34:15

to 'ixta', jun 'ejmn̈ej tzon̈ chamc qui masnil, tzon̈ 'ochx canec poccal.

Job 10:9

Na cot nab'an, to an tic b'ob'iln 'oj 'a lum pococ; ax ticnec ¿tom tzin a'x can 'och pococal muc'uc?

Gn 18:27

'Ix yaln pax Abraham 'ixtic: —'Ac' niwnc'ojlal 'ayin, to tzin paxtin to jacx et'oc, ach tic Yajl ach, an tic 'anmann̈ej, may jac wel'chi.

Gn 3:19

'Oj 'el yalil snan̈l a sat, ax yilchj tas 'oj a c'uxu', masnto 'oj a meltzj 'a lum lum tic jun 'ejm xo, yujto a 'a lum ach coti, yuj cha, 'oj a meltzj can pax 'och lumal jun 'ejm xo, xchi Dios.

Job 7:21

¿Tom wal matz tac' in a'n niwnc'ojlal yuj in mul? ¿Tom matz tac' in a'n niwnc'ojlal yuj tas maysch'olnil tzin b'o'o? 'In to jab'xoj in 'atcn 'a scal pococ, 'oj in a sayq'ui, palta man̈x 'oj wilchji, xchi Job.

A Ch'an̈ Schab'l Libro Samuel 14:14

Yujto an̈ 'anman̈ tic, toxn 'oj qui chami. Lajn on̈ 'icha a a tztob' 'a sat lu'um, man̈xtzac stac' smolb'tzaxi. Ax pax Dios jun, may mach tzyij 'ec' sq'uinal, a yico', to tzsay tas tz'aj smeltzj junc mach to 'aycn 'at 'elc 'a 'a.

Job 19:20

A in tz'umal, tox 'ix tacj 'och 'a spatc in b'aquil, teb'il xoj pitzn in tzwab'i.

Job 30:16

A ticnec wan in chami, tas to yuj pitzn in; man̈xtzac 'och wan in yailal tic.