Salmos 21:9 - Chuj San Sebastian Bible

⁹ A yic 'oj a ch'oxn a b'a 'a scal eb', ax a satn can 'el eb', ata tza'ch eb' 'a junc jorna 'aych sc'aq'uil. Yuj yowl sc'ojl Jehová 'oj a satl eb' 'icha tz'aj stz'a junc tas yuj c'ac'.

Chuj San Mateo Bible

⁹ Ayic ol a ch'oxan a b'a d'a scal eb', ol a satancanel eb', icha val tz'aj junoc tas slajviel yuj c'ac'. A Jehová ol satanel eb' yed' yoval sc'ool, axo c'ac' ol ac'an lajvoquel eb'.

Salmos 21:9 Referans Kwoze

Malaquías 4:1

A Jehová tztac' yuj smasnil, a tzaln 'ixtic: Wan sjaw jun c'u yic 'oj wa'nc yowl in c'ojol, yic 'oj wa'nc satxoc 'el smasnil eb' b'uchwjum, yet' eb' tzb'on maysch'olnil, man̈x 'a junc eb' 'oj canoc. 'Icha wal tz'aj stz'a 'ejm te 'ac 'a yol junc jorna, 'ixta wal 'oj 'aj eb'.

Salmos 50:3

'Oj jawc qui Diosalec, palta man̈toc sictac 'oj 'aj sjawi. 'Ay jun c'ac' b'ab'l sjaw yu'uj, a jun chi tzsatn 'el smasnil tas. Oyn 'och pax jun niwquil 'ic' 'a 'a.

Salmos 18:8

'Icha to 'ix 'elt tab' 'a yol a n̈i', ax 'a yol a ti 'ix 'elt c'ac' yic tza satn 'el smasnil tas. 'Ix 'elt jupljoc stzac'ac' 'a yol a ti cha.

2 Ts 1:8

Ata 'oj yac' syailal eb' matz 'ojcan 'el Dios, eb' matz yiclni wach' 'ab'x yic Cajlil Jesucristo.

Lm 2:2

C'uxn 'ix satl Cajlilec smasnil eb' lum chon̈b' 'aj cajn eb' yin̈tl Jacob. Yuj yowl sc'ojl cha, caw wal yajn̈ej 'ix ya'n lan̈chjoc 'ejm smuroal chon̈b' Judá; 'ix yi'n can 'ejm jun nacion̈ tic 'a sat lu'um, yet' eb' 'aych cob' yajlil 'a 'a.

Nahúm 1:6

May junc mach tztac' ste'wtzan sb'a 'a yowl sc'ojl Dios. May mach tztac' stenn 'och wa'an. A yowl sc'ojl cha, caw lajn sn̈ilchj 'icha te c'ac', tzpoj q'uen niwc tenm 'a yojltac.

Is 26:11

Mamin Jehová, caw wach'x yaj yailal o'oj, palta matz nachj 'el yuj eb' 'anma'. A yic 'oj yilnc eb' a niwquil chamc'ojlal 'a eb' a chon̈ab', caw 'oj q'uixwc can 'el eb' 'ajc'ojl yajch 'ayach, satl cab' eb' yuj yowl a c'ojl tzn̈ilchj 'icha te c'ac'.

Salmos 2:12

'Emn̈ec n̈ojn 'a yojltac Yunnal Dios yet' e xiwc'ojlal. Man̈ eyi' cot yowl sc'ojl 'a eyib'an̈, sec matz ex satl yu'uj, yujto yajn̈j wal cha, tzcot yowal. ¡Caw tzaljc'ojlal yic eb' to a Dios tzya'ch yipc sc'ojol!

Salmos 2:5

Tzcotn̈j yowl 'a eb', tzlaj xib'tx eb' yu'uj. Yet' wal yowl sc'ojl cha, ax yaln 'a eb' 'ixtic:

Dt 32:22

A wal yowl in c'ojol, 'ix n̈ilchjchan̈ 'icha junc c'ac' tz'at 'a yol lu'um. Smasnil tas 'ay 'a sat lum lum tic, tz'a smasnil yet' lu'um, caw wal tzxexni yilx sn̈ilchj c'ac' 'a yich lum niwc witz.

Apoc 20:14

Ax jun chaml cha, yet' jun yet'l spixn eb' chamnac, 'ix julx can 'at 'a scal jun niwquil c'ac' tzn̈ilchji, jun 'icha pama'. A jun c'ac' cha, atn jun schab'l chamel.

Apoc 19:15

A 'a yol sti jun 'aj tza'n 'och eb' cha, ata 'ay 'elt jun espada caw jay ye, yic tzya'n lajwc junjn nacion̈ yet'oc. A 'oj 'och Yajlil 'a eb', yet' sq'uen c'ococh. 'Icha ste'x 'el yal uva, 'ixta 'oj 'aj eb' yu'uj. Caw 'oj 'ajxc syailal eb' si'mb'il yuj yowl sc'ojl Dios, atn Dios tztac' yuj smasnil.

1 Ts 2:16

A yic tzcaln 'el 'ab'x 'a eb' man̈ israeloc on̈, sec tzcolchj eb', palta ax eb' israel, caw matz chaj eb' cal-l on̈. Yuj cha, yel xo wal tzwach' niwtj smul eb' 'a Dios. Yuj cha, a ticnec tox xya'ch jun niwn yailal 'a yib'n̈ eb' 'a jun 'ejmn̈ej yuj yowl sc'ojol.

Mt 25:46

A eb' cha, 'oj 'atcn eb' 'a yailal 'a jun 'ejmn̈ej. Palta ax eb' tojl sb'eyb'al, 'oj scha eb' sq'uinl 'a jun 'ejmn̈ej, xchi Jesucristo 'a eb'.

Mt 25:41

'Oj lajwc cha, ax waln 'a eb' 'ayc' 'a in surito: 'Eln̈ec ax tic 'a in tz'ey, yujto 'ay yowl sc'ojl Dios 'a eyib'an̈. 'Ixquec 'a jun c'ac' may b'a'n̈ tztupi, 'a jun lugar sb'ojnac Dios yico'oc win diablo, yet' eb' yángel winac.

Mt 22:7

Ax win rey cha, caw xcot yowl winac. Yuj cha, 'ix checn 'at win jun tzo'n̈ eb' soldado 'at smil cham eb', ax jun schon̈b' eb' cha, 'ix n̈usx can tz'a'oc.

Mt 13:50

Ax sjulx can 'at eb' 'a yol jun 'icha jorna 'aj 'aych c'ac'. Caw 'oj 'oc' eb' ta', 'oj juch'ch'oc ye eb' yoq'ui, xchi Jesucristo.

Mt 13:42

Ax sjulx can 'at eb' 'a yol jun 'icha jorna 'aj 'aych c'ac'. Caw 'oj 'oc' eb' ta', 'oj juch'ch'oc ye eb' yoq'ui.

Mt 3:12

A jun cha, lajn 'icha junc winc tzchayj strigo, tz'el stzapil 'a scal. Tzlajw schayni, tzmoln strigo chi 'a yet'ul. Ax stzapil 'ixm cha, tzlan̈cn 'at 'a yib'n̈ junc c'ac' may b'a'n̈ tztupi, xchi Juan chi 'a eb'.

Mt 3:10

A jun niwn yailal 'oj jawc cha, lajn 'icha junc winc lista yaj yet' sch'acb' 'a yich te 'awb'ente'. Jantcn̈ej te maysch'olnil sat tzyac'a, c'uxn tzu'l win smasnil, ax sjuln can 'at win 'a yib'n̈ c'ac'.

Salmos 106:17

Yuj cha, 'ix jat lum lu'um, 'ix sb'u'n 'ejm lum win Datán yet' pax win Abiram, yet' pax smasnil eb' ajun yet' eb'.

Job 6:3

Tecn yel xo 'al 'a yib'n̈ q'uen arena 'ay 'a sti a mar. Yuj cha, yajn̈ej xwaln jun tzo'n̈ in paxti chi muc'uc.

Gn 19:28

'Ix yilni to a 'a Sodoma, 'a Gomorra yet' 'a smasnil ya'lical jun lugar cha, wacqui sq'ue wan stab'il, 'icha sq'ue wan stab'l junc niwquil jorna.

Esdras 6:12

A Dios 'ix si'n 'el 'aj tz'och 'emmquilal 'a sb'i 'a Jerusalén, a cab' tzsatn 'el smasnil eb' rey yet' eb' chon̈b' tzya'ch sc'ab' sjeln 'el jun ley tic, mto tzmac' 'ejm lan̈chjoc yatut Dios cha. An Darío in tic, an tzwac' jun checnb'il tic. Smasnil tastc tz'ib'x can tic, yowlal tzyiclx muc'uc, xchi win rey cha.

Salmos 18:38

Choc' xwutj can eb', sec wach' man̈xtzac q'ue wan eb' jun 'ejm xo. 'Ix telw can 'ejm eb' 'a scal woc.