Salmos 20:2 - Chuj San Sebastian Bible

² A 'a scajnub' 'a Sión, ata cab' tzya' cot scolwal 'ayach,

Chuj San Mateo Bible

² Yac'ocab'cot scolval d'ayach masanto d'a stemplo d'a Sion.

Salmos 20:2 Referans Kwoze

A Ch'an̈ B'ab'el Libro Yic Yab'ixal Eb' Rey 6:16

An̈jtona', xya'n b'o jun cuarto 'a yol jun n̈a cha, 'a'nte c'ute 'ix 'och 'a 'a. Tzchaj 'el yich 'a sat lu'um, masnto 'ix q'ue'ch 'a yaln̈ patzab', b'aln̈e metro x'aj junjn spac'b'il. 'Ixtnta 'ix yutj ya'n b'o jun slugar Dios 'a yojol, atn jun Lugar cojn Dios 'ay yico'.

Is 14:32

¿Tas wal 'oj yutc eb' sta'w 'a eb' checb'il cot yuj jun nacion̈ cha? 'Oj yal eb' 'ixtic: A Jehová a 'ix 'a'n ste'nal eb' aj Sión, sec a eb' 'ay somc'ojlal 'a scal eb', 'oj 'at scol sb'a eb' 'a jun chon̈b' cha, 'oj schic eb', xchi Isaías.

Is 12:6

Ex 'aj Sión, 'el cab' eyaw yuj tzaljc'ojlal yujto a qui Diosal an̈ israel on̈c tic, atn jun Dios To Cojxni, caw 'ay smay, 'ayc' 'a qui calec, 'oj e chioc.

Salmos 73:17

At 'a yic in c'och 'a a cajnub' ach in Diosal, 'ix nachj 'el wu'uj 'ajtil 'oj lajwc c'och eb' cha.

Salmos 3:4

A yic tzin 'awj 'aych Mamin Jehová, tzach ta'w cot 'ayn 'a jun tzaln to ecn̈ej yaji.

A Ch'an̈ Schab'l Libro Samuel 6:17

Ax yic xjaw te scaxail strato Jehová chi yuj eb', 'ix sb'on 'och eb' 'a yet'l 'a yol jun Mantiado b'ob'il yuj David cha. Xlajw cha, xya'n David tz'a no xajmb'al, yet' no xajmb'al yic junc'ojlal 'a yojltac Jehová.

A Ch'an̈ Schab'l Libro Samuel 5:7

A 'a yic jun tiempoal cha, ata xyal David 'a eb' soldado 'ixtic: E masnil ax 'oj eyoch a owal, b'eyn̈ec 'och 'a yojl 'aj tzb'ey a a tz'o'ch 'a yol chon̈ab'. Tzlajw cha, tze miln cham eb' cob' tzyalch sb'a to matz uj yilni, yet' smasnil eb' tz'em sb'eyi. A jun tzo'n̈ eb' cha, caw wal tzin yajl eb', xchi. Yuj cha, yalx can jun paxti 'ixtic: A eb' matz 'uj yilni, yet' eb' tz'em sb'eyi, matz tac' yoch eb' 'a yol sdespacho win rey, xchi. Ax x'aji, x'ejm jun niwquil cuartel 'a Sión chi yuj David, yuj cha, scuchn can Schon̈b' David.

Salmos 54:3

yujto a eb' b'an̈quintac 'ix 'och eb' 'ajc'ojlal 'ayin, tznib'j eb' tzin smil chamoc. Caw may el'ch 'a sat eb'.

Pr 18:10

A 'a Jehová, ata tzcol sb'a eb' 'anma tojl snab'en, lajn yaj 'a eb' 'icha junc cuartel caw wach' yaji.