Salmos 19:9 - Chuj San Sebastian Bible

⁹ A 'emmquilal 'a Jehová, caw wach' tz'el'chi, 'ayc'n̈ej 'a smasnil tiempo. A sley Jehová caw tojln̈ej smasnil, yeln̈j pax tas tzyala.

Chuj San Mateo Bible

⁹ A emnaquilal d'a Jehová te vach'n̈ej, ayn̈ejec' d'a juneln̈ej. A tas nab'il yuj Jehová te yel, tojol toni.

Salmos 19:9 Referans Kwoze

A Ch'an̈ B'ab'el Libro Samuel 12:24

Cojnto tzex xiw 'a Jehová, tzeya'n servil wal yet' smasnil e c'ojol, tze nan coti, jantc tas wach' 'ix sb'o cujec.

Salmos 119:142

A 'a tojlal 'ayc' 'a smasnil tiempo, ax jun tzo'n̈ a cuynb'il tic, caw yel eb'.

Salmos 119:1

Mamin Jehová, a eb' tojl sb'eyb'al 'a a sat, wach' yic eb', yujto tzb'eylb'ej eb' a cuynb'il.

Apoc 15:3

'Ix sb'itnan eb' sb'it Moisés, atn jun schecb' Dios. 'Ix sb'itnan pax eb' sb'it jun tzcuch Calnelu. Xchi jun b'it chi 'ixtic: Mamin, ach qui Diosal, smasnil tas tztac' o'oj. Caw niwn yel'ch jantcn̈ej tas xa b'o'o, xcaw sat qui c'ojl quiln on̈. Caw yel, tojln̈ej a b'eyb'al, sReyl ach junjn nacion̈.

Salmos 115:13

'Oj yac' swach'c'ojlal 'a quib'n̈ec an̈ yiclum tzcutjec qui b'a 'a 'a, 'a mach niwn yel'chi, yet' pax 'a mach may wal yel'chi.

Salmos 111:10

Toto tzqui nib'jec to jeln tzon̈ 'ajec, yowlal tzqui yicljec tas syal Jehová. Smasnil eb' tzcuyn schecnb'il, jeln tz'aj 'el'ch eb'. Smasnil cab' tiempo tzalx wach' paxti 'a 'a.

A Ch'an̈ B'ab'el Libro Yic Yab'ixal Eb' Rey 18:12

Ax 'oj 'ajoc, a yic 'oj in 'atcni, ax ach yi'n can 'at Yespíritu Jehová 'a 'aj man̈ wojcoc. A yic 'oj in c'och 'a win Acab, ax scot win ach wul yila', ax 'oj 'ajoc, ma'oj elchj yuj winac, ax in smiln can winac. An a checb' in tic, yictax quelm in to in 'och 'emmquilal 'a Jehová.

Dt 4:8

¿Tom 'ay junc xo nacion̈ to 'ay sley mto 'ay schecnb'il tojl yalx 'icha jun wan waln can 'ayx tic?

Gn 42:18

Ax 'a schab'jial xyaln José 'a ewin 'ixtic: —An tic tzin xiw 'a Dios; toto tzeyiclj jun xwal 'ayx tic, tzex colchj 'eli.

Apoc 19:2

Tojln̈ej tzyutj sb'eyc'ojlwi 'a yel. Yujto 'ix sb'eyc'ojlej jun 'ix yajl 'ajmul 'ix. Atn 'ix x'a'n juwc 'el eb' 'anma 'a yolyib'n̈q'uinl yuj yajmulal. A Dios 'ix 'a'n spac 'a jun 'ix cha, yujto 'ix milx cham eb' schecb' Dios yu'uj, xchi eb'.

Apoc 16:7

Ax xwab'ni, 'ay jun 'ayc' 'a yet'l xajmb'al, xyaln pax 'ixtic: —Yel Mamin, Dios ach, smasnil tas tztac' o'oj. Caw yel tojl xotj a b'eyc'ojlan eb' 'anma', xchi.

Ro 2:2

Palta cojquec, tzann̈j mach 'ixta tzyutj sb'a, a Dios 'oj b'eyc'ojlanc 'a yel, ax ya'n 'och 'a yib'an̈.

Is 26:8

Mamin Jehová, an̈ tic on̈ caw wal tzqui b'eylb'ej jun tzo'n̈ b'eyb'al tzyal a ley. A wal tas tzqui nib'ej, to nab'ilchn̈ej cuj on̈.

Salmos 119:106

'Ix wac' in ti', to yowlal 'oj in yiclc tas xwala', yuj cha, 'oj in b'eylb'oc jun tzo'n̈ a ley tic, yujto tojl eb'.

Salmos 119:7

Yet' wal stojlal in nab'en, ax waln in wach' paxti 'ayach, yic tox xcuychj 'el a ley to tojl tic wu'uj.

Salmos 36:6

Caw wal tojl a nab'en, lajn wal 'icha lum niwc witz, ax a b'eyc'ojlal, lajn yaj 'icha a mar caw xab' yich. Ach tza tan̈wj eb' 'anma', yet' pax no noc'.

Salmos 36:1

A maysch'olnil, a tzjucb'tzan eb' 'anma maysch'olnil sb'eyb'al, toxn may yel'ch Dios 'a sat eb'.

Salmos 10:5

Caw tu tas tzb'o eb' 'a smasnil tiempo; matz nachj 'el yuj eb', toto ach 'oj a b'eyc'ojloc eb'. Tzpatquiln can 'el eb' smasnil eb' 'ajc'ojl yajch 'a 'a.

Nehemías 5:15

Palta 'icha eb' gobernador 'e'nc 'a yaln̈taxi, caw wal 'icha 'ictz yaj eb' 'a eb' chon̈ab', junjn c'u tzya'n eb' 40 q'uen tumn plata yuj tas tzc'ux eb', yet' yuj yal uva tzyu'j eb'. An̈jtona', caw wal tz'ixtx eb' chon̈b' yuj eb' schecb' eb'. Palta an xo tic, man̈ 'ixta'oc tzwutej, yujto caw niwn yel'ch Dios 'a in sat.

Ex 21:1

'Ix yaln pax Jehová 'a Moisés 'ixtic: Atn jun tzo'n̈ checnb'il tic 'oj ac' c'anlb'axc 'a scal eb' et israelal.

Gn 22:12

'Ix yaln jun ángel chi 'ixtic: —Man̈ a mil cham onnal, a ticnec wojcxo to tzach xiw 'ayin, 'in xa yiclj a'n jun c'otn̈ onnal chi 'ayin, xchi jun ángel cha.

Ro 11:22

Nachj cab' 'el eyu'uj, to niwn swach'c'ojlal Dios. Palta an̈jtona', caw 'a'm cuenta pax si'mb'il. A eb' juwnac 'el cha, caw 'ajxnac cuenta eb' yu'uj. Palta ax xo, til wal swach'c'ojlal tzch'ox 'ayex. Yowlal tzex can 'a swach'c'ojlal cha. To ma'ay, an̈jtona 'ex, 'oj eyijx pax 'el jun xo.

A Tas Sc'ulejnac Eb' Schecab' Jesús Hechos 10:22

'Ix yaln eb' 'a 'ixtic: —'Ay jun win syajlil eb' soldado Cornelio sb'i. Caw wach' sb'eyb'al. 'Ay pax xiwc'ojlal 'a Dios. Caw wach' a sat smasnil eb' et israelal. 'Ay schamc'ojlal eb' 'a 'a. Ax jun yángel Dios 'ix aln 'a 'a, to tzchec cot eb' schecb' tic ach wul yi't 'a yatut, sec wach' 'oj yab' tas 'oj al 'a 'a, xchi eb' 'a Pedro cha.

Pr 8:13

Toto 'ay yel'ch Jehová 'a qui satec, yowlal tzquijec 'el qui b'a 'a scal maysch'olnil. Toto jeln on̈ec, man̈ qui b'an̈c qui b'a, man̈ qui'c chan̈ qui b'a, man̈ qui b'oc tas tu', man̈ ca'c pax 'es.

Salmos 147:19

An̈ israel on̈c tic, yin̈tl on̈c can Jacob, 'ix yac' qui Diosalec cojcoquec 'el spaxti', sley yet' schecnb'il.

Salmos 119:75

Wojc wal si'mb'il, to a jun tzo'n̈ a ley tic caw tojl eb', yujto 'ay wal yel'chi, yuj cha, tzin a'n 'och 'a in yailal.

Salmos 119:62

A 'a yic chim'ac'wal tzin q'ue wan wac' yuj diosal 'ayach, yujto caw tojl jun tzo'n̈ a ley tic.

Salmos 119:39

Yuj jun tzo'n̈ a ley caw wach', tu yaln eb' 'anma 'a in patic. Coln 'el 'a jun tzo'n̈ spaxti eb' cha, atn jun tzo'n̈ 'aj tzin xiwi.

Salmos 12:7

Mamin Jehová, ach tzon̈ a tan̈wj on̈, tzon̈ a coln pax 'a jun tzo'n̈ 'anma tic 'a smasnil tiempo.

Salmos 119:111

A jun tzo'n̈ a paxti 'ix al 'ayin, a chi tzwa'ch yipc in c'ojl 'a smasnil tiempo, yujto a 'a eb' 'aj tzwij in tzaljc'ojlal.

Is 45:19

An tic, man̈ c'ultacloc tzin paxtini, man̈oc pax 'a q'uic'q'uinl 'a yol lum 'aj tzwala. May tas waljnac 'a eb' yin̈tl Jacob 'ixtic: Saynec 'ec' 'a nab'an̈ej, man̈ xin chic 'a eb'. An Jehová in tic, an̈j tas yel, yet' tas tojol, an̈j tzwala, xchi Dios.