Salmos 19:6 - Chuj San Sebastian Bible

⁶ A jun c'u cha, tzq'uel 'a yib'cha'an̈, tzlajw cha, tz'ejm can pax 'a junx yib'cha'an̈. May wal junc tas tztac' scoln sb'a 'a sc'aq'uil.

Chuj San Mateo Bible

⁶ Sq'ueul yoc c'u d'a yichchaan̈, sb'atxican d'a b'aj tz'emxicani, malaj junoc tas syal scolan sb'a d'a sc'ac'al.

Salmos 19:6 Referans Kwoze

Ec 1:5

Tzq'uel c'u, tz'ejm can paxi, 'ixta tz'aj s'atx can 'a 'aj tz'ejmi, yic tzq'uex wul jun 'ejm xo.

Job 22:14

Tzaln paxi, matz yil Dios, yujto 'ajm tz'ec' b'eyc'oc 'a sti 'el satchan̈ cha, 'oyn 'och 'asn 'a 'a, toc tzyila, xa chi.

A Scarta San Pablo D'a Eb' Aj Colosas 1:23

Palta yowlal tzeya'ch 'a e c'ojl 'a smasnil tiempo. Caw te'n tzeyutj e nab'en, 'icha junc te caw 'ay sch'an̈l yib'. A jun wach' 'ab'x yic colnb'il eyab'jnac xo, man̈ eyactc can eya'n 'och yipc e c'ojol. A jun wach' 'ab'x tic, wan yalx 'el 'a smasnil yolyib'n̈q'uinl tic. An xo Pablo in tic, wan waln 'el pax jun xo.

Salmos 113:3

B'itnax cab' 'a stojlal 'aj tzq'uel c'u masnto 'a stojlal 'aj tz'em c'u.

Job 25:3

A eb' yángel Dios 'a satcha'an̈, man̈x yalnb'ilc sb'isl eb', ax sacq'uinlal 'ayc' 'a yib'n̈ eb' smasnil.

Salmos 139:9

Wach'xam cob' tz'och pax in c'axil, yic tzin 'at 'a stojlal 'aj tzq'uel c'u, sec tzin can cajn 'a sc'axpil 'ec' sti a mar,

Jueces 5:31

Mamin Jehová, 'ixta cab' wal tz'aj satl eb' 'aych 'ajc'ojlal chi 'ayach, ax eb' tzach chamc'ojlani, 'icha cab' stzictznil yoc c'u, 'ixta cab' yilx eb', xchi 'ix Débora chi yet' win Barac 'a sb'it. A yic xlajw ye'cn jun tzo'n̈ owl cha, chawinc ab'il x'ochcn junc'ojlal 'a chon̈b' Israel.