Salmos 19:12 - Chuj San Sebastian Bible

¹² May wal junc on̈ tztac' quilnec cot qui b'a yuj qui paltail. Ach in Diosal, coln 'el 'a jun tzo'n̈ xo in paltail matz nachj cot wu'uj.

Chuj San Mateo Bible

¹² ¿Tom ay junoc mach syal yilan sb'a d'a spaltail? Mamin Jehová, ac' in nivanc'olal yuj juntzan̈xo in paltail max vil in c'ulani.

Salmos 19:12 Referans Kwoze

Salmos 90:8

A qui mul yet' qui maysch'olnilal on̈, checln̈ej yaj 'a a sat.

Job 6:24

'A'c in cuynb'il chi wab'i', 'oj in cha wab' 'ayex; tzeyaln pax wab'i', 'ajtil 'ix laj 'och in mul cha.

Jeremías 17:9

Toc 'ay junc tas yel xo tz'ixtw paxti 'icha snab'en eb' 'anma', a jun nab'en cha, may xon tz'aj sb'o'i. ¿Mach wal tztac' yojcan 'eli?

Salmos 40:12

Yujto til wal tas tu tz'ec' 'a wib'an̈, man̈xtzac b'ischj wu'uj. Wan in telw can 'ejm yuj in mul tzwab'i. 'Ix 'och pax 'a yol in sat, 'ec'b'al xo sb'isl in mul chi 'a yib'n̈ xil in jolom, caw somc'ojlal xoj waji.

1 Co 4:4

Toto 'ay junc in paltail man̈ wojcoc, palta an̈ja matz tac' walni, to may jac in paltail, yujto cojn Cajlilec tztac' in sb'eyc'ojlani.

1 Jn 1:7

A Dios sacq'uinl yaji. Toto tzqui b'eylb'ejc 'icha sacq'uinlal cha, caw junxn̈ej yaj qui nab'enec qui masnil. Ax schic'l Jesucristo Yunnal, a tz'i'n 'el smasnil qui mul 'aych 'ayn̈ec.

A Ch'an̈ Carta D'a Eb' Hebreo 9:7

Palta ax 'a jun schab'l cuarto cha, cojxn jun sat ya'mal 'och sti eb' 'anma 'a Dios 'ochnac. Cojn jun 'ejm tz'och 'a junjn ab'il. A yic tz'ochi, yowlal yet' schic'l no noc', yic tzya'n yuj smul, yet' pax yuj smul eb' quit chon̈b'ec.

Salmos 139:6

Caw wal satjub'tac yilx a jelnal tic, matz nachj 'el xon wu'uj. Caw wal niwn yel'chi, ton̈j tzsat in c'ojl yu'uj.

Is 64:6

Qui masnil on̈, lajn quilx 'icha junc mach man̈ wach'c yaji. Smasnil tas wach' xlaj cob' qui b'o 'on̈, lajn xoj yilx 'icha junc nip yajb'entac yilxi. Yuj tas maysch'olnil xlaj qui b'o 'on̈, yuj cha, lajn on̈ xoj 'icha te xil te tzpucli, c'un xoj s'at yuj 'ic'.

Salmos 139:2

Ojc wali tas tz'el in b'oni, ojc paxi tas wanto in nani.

Salmos 51:2

B'icl in maysch'olnilal, sacb'tzej in 'a scal in mul,

Salmos 65:3

A wal qui maysch'olnilal on̈, a chi tzon̈ 'a'n telwc on̈, palta ach xo tzac' lajwc qui mul chi 'on̈.

Ex 24:12

'Ix yaln pax Jehová 'a Moisés chi 'ixtic: —Q'uen̈ta 'a sjolm lum witz 'a 'aj 'ayn 'ec' tic, tzach jaw 'a in tz'ey, yujto 'oj wac' chapachn̈ q'uen q'uen 'ayach, 'a 'aj tz'ib'b'il 'och jun tzo'n̈ in checnb'il wu'uj, yic tz'och e cuynb'iloc, xchi Dios.

Dt 5:29

Comnoc wal 'ichn̈jta snab'en eb', sec 'ay wel'ch 'a sat eb', tzyiclni eb' smasnil in checnb'il 'a junjn c'u. Toto 'ixta', 'icha wal swach'l tz'aj yec' yuj eb', 'ixta pax 'oj 'ec' yuj yunnal eb' b'aq'uin̈.

Dt 5:32

Yuj cha, yowlal tze b'eylb'ej smasnil schecnb'il Jehová qui Diosalec. Man̈ eyi'l e nab'en 'a 'a.

Pr 13:13

Toto may yel'ch jun tzo'n̈ checnb'il 'a qui satec, tzjaw yailal 'a quib'n̈ec; ax toto 'ay yel'ch 'ayn̈ec, caw wach' 'oj cajc 'el'chi.