Salmos 18:27 - Chuj San Sebastian Bible

²⁷ Yujto ach tza col eb' 'emmquilal yeq'ui, ax pax eb' b'an̈quintac, ach tzejcan 'ejm eb'.

Chuj San Mateo Bible

²⁷ Tza col eb' emnaquil, axo eb' syic'chaan̈ sb'a, tziq'uemta eb'.

Salmos 18:27 Referans Kwoze

Santiago 2:5

Ex wu'tac, ex wanab', chamc'ojlb'ilx wu'uj. 'A'c 'och e chicn 'a junx tic. A eb' meb'a 'a yolyib'n̈q'uinl tic, atn eb' tzsi'x 'elt yuj Dios, sec wach' tzya'ch eb' sc'ojl 'a 'a. Yuj cha, 'icha to rico tz'aj eb' 'a sat, yujto a 'oj 'i'nc 'at eb' 'a yol sc'ab'. A ya'jnac sti', chajtlto 'ixta 'oj yutc eb' 'ay schamc'ojlal 'a 'a.

Is 66:2

An Jehová in, an tzwala. An b'ojnac smasnil tas, 'ixta 'ajnc spitzw chan̈ smasnil. Palta an tic tz'o'ch in c'ojl 'a eb' 'anma 'emmquilal yeq'ui, eb' tzlaj yab' syal yuj smul, eb' to 'ay yel'ch in paxti 'a sat.

Is 57:15

Yujto a jun mach caw niwn yel'chi, atn jun Dios To Cojxni, pitznn̈ej 'a jun 'ejmn̈ej, a tzaln 'ixtic: An tic, ata cajn in 'a jun wet'l to yel xo chan̈ yaj'ti, jun to wicn̈ej yaj in ch'ocoj. Palta 'ayn pax 'ec' yet' eb' 'emmquilal tzyutj sb'a, yet' eb' tzna sb'a sc'ojol, an tzwac' pax sniwnal sc'ojl eb'.

Salmos 101:5

A eb' tzc'ultac aln tu paxti 'a yib'n̈ junc xo yit 'anma'il, 'oj in satl eb'. Ma'oj wac' sgana eb' yi'n chan̈ sb'a yet' scomn nab'en.

A Ch'an̈ Schab'l Libro Samuel 22:28

Yujto ach tza col eb' 'emmquilal yeq'ui, ax eb' b'an̈quintac, ach tzejcan 'ejm eb'.

2 Co 8:9

Yujto cojquec, a Cajlil Jesucristo, caw niwn swach'c'ojlal. Til wal sricoal 'a satcha'an̈, palta wul ya'jnac 'och sb'a meb'a'il, yuj schamc'ojlal 'ayn̈ec, 'ixta yutjnac sb'a, sec wach' yuj smeb'a'il cha, ax cochc ricoal 'a sat Dios.

Salmos 9:18

Palta a eb' meb'a', man̈ ye'n̈joc tz'atcn eb' 'a satc'ojlal o'oj, 'oj jawc sc'ul schan eb' tas 'aych yipc sc'ojol.

Is 10:12

A yic tox xlajw 'el'ch 'icha tas nab'il yuj Dios 'a yib'n̈ tzaln Sión yet' Jerusalén, 'ixta to b'i'an, ax ya'n 'och syailal win sreyl Asiria cha. Yujto cob' xyij chan̈ sb'a, sb'an̈n sb'a yuj tas xlaj sb'o cha.

Is 3:9

A sat eb' 'anma chi tzch'oxn 'eli to b'an̈quintac eb', tzch'oxn 'el eb' to 'ay smul eb' 'icha eb' 'aj Sodoma, toc tzq'uixw eb' sb'on 'a sat 'anma'. 'Oltac wal eb', mun wal tzyij cot eb' yailal 'a yib'an̈.

Pr 30:12

'Ay pax mach tznani to caw may xon jac smul, palta mantzac sb'o yaj smul 'a yib'an̈.

Salmos 40:17

Caw wal 'oltaquin, cusc'ojlaln̈ej waji; ach in Diosal cotn̈ muc'uc, wul colin. Ach tzach colwjn̈ej wet'oc. Caw man̈ e'c tiempo Mamin.

Salmos 34:19

A eb' 'anma wach' sb'eyb'al, wach'xam til wal yailal tzjaw 'a yib'n̈ eb', palta ax Jehová a tzcoln 'el eb' 'a yol sc'ab' smasnil jun tzo'n̈ cha.

Salmos 34:6

'Ix wal in b'a 'a 'a, yujto caw 'oltac wilxi; yajn̈ej 'ix yab'ni, in scoln can 'el 'a scal smasnil in somc'ojlal.

Salmos 17:13

Mamin Jehová cotan̈, mac sjaw eb' 'ajc'ojl yajch 'ayin, 'ac' telwc 'ejm eb'. Coln 'el yet' a poder 'a yol sc'ab' eb' maysch'olnil snab'en.

Salmos 17:10

Yujto matz 'o'ch sc'ojl eb' 'a yit 'anma'il, niwc winc tzyutj paxtinc sb'a eb'.

Salmos 10:4

A eb' tu sb'eyb'al may xon el'ch 'a sat, caw niwn yel'ch eb' snani, man̈ ach 'ayc' 'ec' 'a snab'en eb'.

Lc 18:14

An tzwal 'ayex, a win tecm 'el tumn cha, yic mantzac pax win 'a yatut, yajn̈j cha, xyaln Dios to wach' win 'a sat. Palta ax win fariseo cha, ma'ix yal Dios to wach' win 'a sat. Yujto a eb' tzyij chan̈ sb'a, man̈x 'a jac yel'ch 'oj 'aj eb'. Ax eb' tzyij 'ejm sb'a, caw niwn yel'ch 'oj 'aj eb', xchi Jesús.

Os 4:6

'Oj in satl jun in chon̈b' tic, yujto man̈x in nanoc jac yu'uj. Ax xo ax ya'mal 'och sti eb' 'anma eyaj 'ayin, yel xo man̈x in nanoc jac eyu'uj. Yuj cha, 'oj ex wi'l 'a eyopiso, yujto 'ix 'at satc'ojlal in cuynb'il eyu'uj, yuj cha, man̈x 'oj in na cot eb' eyin̈tl b'aq'uin̈.