Salmos 17:8 - Chuj San Sebastian Bible

⁸ 'Icha wal tzyutj junc mach sya'iln sc'ul yol sat, 'ixta tzin otej. C'ub'j in 'el yet' a poder, 'icha tzyutj no caxtiln̈ smoyn yune'.

Chuj San Mateo Bible

⁸ Ya'ilej in, icha syutej junoc mach syailan yol sat, icha chi' tzin utej. C'ub'ej in el icha val syutej noc' caxlan̈ smoyanq'ue yune'.

Salmos 17:8 Referans Kwoze

Dt 32:10

Ata on̈ 'ilchjec yuj 'a lum cusltac lu'um, 'a lum caw tacn̈ sat, 'a 'aj caw ow 'ic'. Ata on̈ sme'c cot Jehová, caw xon̈ ya'ilxec yu'uj, 'icha wal tzcutj qui ya'iln sc'ul yol qui sat.

Salmos 91:4

'Oj on̈ sc'ub'c 'el yet' spoder, sec may tas 'oj qui'nec. 'Icha junc no caxtiln̈ tzmoy yune', 'ixta 'oj on̈ yutquec yet' spoder. 'Oj on̈ scolc 'el 'icha yaj yaln cani, 'icha tzyac' junc q'uen tzmacn sat jul-lab'.

Salmos 91:1

A eb' tzcol sb'a 'a yaln̈ spoder Jehová, atn jun caw niwn yel'chi, tztac' yuj smasnil,

Pr 7:2

Yiclj jun tzo'n̈ in checnb'il yet' in cuynb'il tic; 'icha tzotj a ya'iln sc'ul yol a sat, 'ixta tzotj eb', sec 'ay a q'uinal.

Lc 13:34

Ax wal tic ex 'aj Jerusalén, caw tzlaj e mil cham eb' schecb' Dios. Ax jun tzo'n̈ xo eb' tzchecx cot yuj Dios 'ayex, ton̈j tzlaj e jul cham eb' yet' q'uen q'ue'en. Til xo wal 'ejm tzex wawtj cot 'ayin, 'icha junc caxtiln̈ tzyawtj cot yune', tzmoyni. 'Ixta tzex wutej, palta toxn matz yal e c'ojol.

Zacarías 2:8

A Jehová tztac' yuj smasnil, a in checn coti yic tzwaln jun tzo'n̈ paxti 'a yib'n̈ jun tzo'n̈ nacion̈ 'ix 'i'n can 'ec' tas 'ay 'ayex. A Jehová a tzaln 'ixtic: Tzann̈j mach tz'och sc'ab' 'ayx in chon̈b' ex tic, 'icha to a 'a sc'ul yol in sat tzlow sc'ab'. Yuj cha, an wal 'oj wac' owl yet' jun tzo'n̈ nacion̈ cha, an 'oj in chec eb' nacion̈ 'aych 'a yaln̈ schecnb'il yic tzya'n owl yet' eb', yic tzcan eb' 'a yaln̈ yuj eb', xchi Dios. 'Ixtnta 'oj yutc Jehová sch'oxn stzictznial, ax eyojcan 'eli chajtlto checb'iln cot yu'uj.

Salmos 36:7

Ach in Diosal, man̈x jantcoc satjub'tacl yilx a chamc'ojlal, yuj cha, a 'aych tzqui col qui b'a on̈, 'icha no cotc caxtiln̈ tzcol sb'a 'a yaln̈ sc'axl snun.

Salmos 57:1

Ach in Diosal, 'o'ch cab' a c'ojl 'ayin. A 'aych tzin col in b'a masnto tz'ec' jun yailal tic 'a wib'an̈. Tzin nib'j tzin col in b'a 'aych 'icha tzyutj scoln sb'a no yune caxtiln̈ 'a yaln̈ sc'axl snun.

Rt 2:12

A Jehová a 'oj 'a'nc spac 'ayach, yuj smasnil a wach'c'ojlal. 'Ajx cab' spac a wach' nab'enal yuj Jehová qui Diosal an̈ israel on̈ tic on̈, jun 'aj tzach jaw wul a col a b'a, xchi Booz.

Salmos 61:4

Tzin nib'j tzin 'aj cajn 'a atut 'a smasnil tiempo. Tzin col in b'a 'aych 'icha tzyutj scoln sb'a no yune caxtiln̈ 'a yaln̈ sc'axl snun.

Mt 23:37

Ax wal tic ex 'aj Jerusalén, caw ton̈j tzlaj e jul cham eb' schecb' Dios yet' q'uen que'en, atn eb' tzchecx cot 'ayx yu'uj. Til xo wal 'ejm tzex wawtj cot 'ayin, 'icha junc caxtiln̈ tzyawtj cot yune', tzmoyni, palta toxn matz yal e c'ojol.

Salmos 63:7

In a colo yujto 'ayn 'ec' 'a yaln̈ a poder, yuj cha, caw tzin tzalj 'a en̈l 'icha tzyac' no cotc caxtiln̈ 'a yaln̈ sc'axl snun.

Salmos 16:1

Ach in Diosal caw tan̈wj in, yujto cojxn ach tzach wa'ch yipc in c'ojol.

Salmos 36:8

Ach tzac' tas tzqui c'ux on̈, tza'n cuc' a a caw wach', caw wal tzon̈ b'ut'j si'mb'il on̈.

Salmos 57:2

Ach in Diosal caw niwn el'chi, 'oj wal in b'a 'ayach, colwjan̈ wet' 'a smasnil tas.

Salmos 61:5

'Ix ab' tas 'ajtil 'ix wac' in ti 'ayach, 'ix ac' in macl 'a scal eb' to 'ay el'ch 'a sat.