Salmos 15:5 - Chuj San Sebastian Bible

⁵ Eb' tzya' stumn majnil, palta matz c'an eb' yune stumn cha. Eb' matz ya'ch sb'a schan q'uen c'ultac tumn 'a junc mach yic tzyixtn junc may smul. A eb' tzb'eylb'an jun tzo'n̈ tic, caw may b'a'n̈ 'oj 'em eb'.

Chuj San Mateo Bible

⁵ Eb' tz'ac'an stumin majanil, palta max sc'anlaj yune' stumin eb' chi'. Eb' max schon̈laj sb'a d'a es testigoal d'a spatic eb' malaj smul. A eb' icha chi' sb'eyb'al, val yel malaj b'aq'uin̈ ol ac'joc ganar eb'.

Salmos 15:5 Referans Kwoze

Dt 16:19

Man̈ ya'ch sb'a eb' 'a man̈ nab'enal, man̈ chucchcoc cab' yilx eb' 'anma 'a sat eb'. Matz chaj eb' q'uen c'ultac tumn 'a junc mach, yujto a jun tumn chi tzjun 'el snab'en eb' 'ay snab'en cha, a pax q'uen tumn chi tzjeln 'el spaxti eb' 'anma tojl snab'en.

Ex 22:25

Toto tzeyac' e tumn majnil 'a junc meb'a 'anma', mto 'a junc eyit chon̈b' 'ayc' eyet'oc, man̈ e c'an yune 'e tumn cha.

Ez 22:12

'Ay eb' eyajlil tzchan tumin yic tzya'n 'och eb' chaml 'a yib'n̈ junc xo mach. 'Ay eb' tz'a'n q'uen tumn majnil 'a junc xo yit 'anma'il, palta niwn yune q'uen tumn chi tzc'an eb', tzya'n eb' sat sc'ojl 'ayin.

Ez 18:8

May 'aj tzyac' tumn majnil yic tzc'ann yune'; may mach tzyixtej, tojl tzyutj sb'on yaj eb' 'anma 'ay yowal.

Jn 13:17

Toto tznachj 'el jun tzo'n̈ tic eyu'uj, tzeyiclni, caw wach' eyico'.

Pr 12:3

A eb' a maysch'olnil 'aych yipc sc'ojol, lajn wal eb' 'icha junc n̈a b'ob'il 'a yib'n̈ arena; ax pax eb' wach' sb'eyb'al, tec'tec' yaj eb' 'icha junc te 'ay sch'an̈l yib'.

Salmos 112:6

A eb' tojl snab'en, nab'il cot eb' 'a smasnil tiempo, may xon b'a'n̈ 'oj can eb' 'a yalan̈.

Salmos 106:3

Caw wach' yic eb' to yiclum tzyutj sb'a 'a 'a, eb' to a stojlal tzb'o 'a smasnil tiempo.

Salmos 55:22

'A'ch smasnil a somc'ojlal 'a yol sc'ab' Jehová, ax 'oj 'a'nc a te'nal. A mach yiclum 'a 'a, may xon b'a'n̈ 'oj chaxc telwc yu'uj.

Salmos 16:8

Smasnil tiempo caw nab'ilchn̈ej wu'uj. 'Aych 'ec'n̈ej 'a in wach' c'ab', yuj cha matz somchj 'el in nab'en.

Mt 26:15

'ix yaln 'a ewin 'ixtic: —Toto 'oj wa'ch Jesús 'a yol e c'ab', ¿jantc tzin e tojo? xchi 'a ewinac. Yuj cha, xya'n ewin 30 q'uen tumn plata 'a 'a.

Miqueas 7:3

Caw cuywjum eb' sb'on maysch'olnil. A eb' 'ay yopiso, tzc'an eb' q'uen c'ultac tumn 'a eb' yit chon̈ab'. Ax eb' juez tzchaj eb' q'uen c'ultac tumn cha. Yuj cha, a eb' rico tzb'on̈j eb' tas 'icha wal tznib'ej. A eb' cha, jun tzyutj sb'a eb', tzyixtn eb' yit 'anma'il.

Ez 18:27

Palta a junc maysch'olnil sb'eyb'al, toto tzyactjcan tas maysch'olnil, ax tas tojl tzb'o'o, 'oj colchjoc, ma'oj chamoc.

Ez 18:17

Matz yixtj eb' meb'a', matz c'an yune q'uen majn tumin. A yico' to tzyiclj tas tzwala, tzb'eylb'an in checnb'il. A jun mach 'ixta tzb'o cha, ma'oj cham yuj smul smam, to 'oj najtxb'oc sq'uinal.

Is 33:15

A eb' caw yel tzb'ey 'a stojlal, matz nib'j eb' tz'och ricoal yuj schan q'uen c'ultac tumin, matz ya'ch sb'a eb' yaln yic 'a junc milj cham 'anma', atn eb' tzyij 'el sb'a 'a maysch'olnil.

Ex 22:24

Caw 'oj cot wowl 'ayex, ax ex in miln cham yet' q'uen espada. 'Oj can eyistl 'a man̈x 'a yichmil, ax scan pax eyunnal 'a man̈x 'a smam.

Dt 23:21

A yic tzeya'n e ti eya'n junc tas 'a Jehová Dios, matz 'ec' cab' tiempo eya'ni. Toto ma'ay 'oj sc'anb'c 'ayex, ax yoch jun chi e muloc.

A Ch'an̈ B'ab'el Libro Samuel 12:3

A ticnec waj 'a yojltac Jehová, yet' 'a yojltac jun rey si'ch qui reyloc tic. Alc b'i'an toto 'ay mach xwixtej, mto 'ay 'aj xwij 'ec' swacax, mto sb'uru, mto 'ay 'aj x'och in mul 'a 'a, mto 'ay 'aj in chajnac q'uen c'ultac tumn 'a junc mach. Toto 'ixta', tztac' in tojn can 'a ticnec, xchi Samuel cha.

Pr 10:30

A eb' tojl sb'eyb'al, najtl 'oj 'ec' eb', ax eb' tu sb'eyb'al, jab' wal tiempo 'oj 'ec' eb' 'a sat lum lum tic.

Pr 15:27

A mach til wal tas tznib'j 'ochi, caw tzjuw 'el yol yatut yu'uj; ax toto matz chaj q'uen c'ultac tumin, 'oj najtxb'oc sq'uinal.