Salmos 149:7 - Chuj San Sebastian Bible

⁷ sec a yet' 'oj ca'c qui pac 'a eb' chuc chon̈b'al, ax ca'nec can 'och syailal jun tzo'n̈ xo nacion̈.

Chuj San Mateo Bible

⁷ yic scac'anec' co pac d'a eb' ch'oc chon̈ab'il, scac'anoch yaelal d'a juntzan̈ nación,

Salmos 149:7 Referans Kwoze

Jueces 5:23

Ax jun yángel Jehová xaln 'ixtic: Jaw cab' scatb' Jehová 'a yib'n̈ chon̈b' Meroz, yet' 'a yib'n̈ smasnil eb' 'anma cajn 'a 'a, yujto ma'ix 'och eb' yet' Jehová yic xya'n owal, 'icha xyac' jun tzo'n̈ xo eb' soldado ma'ix xiwi, xchi.

Josué 10:26

Xlajw cha, xya'n Josué milxoc eb' rey cha, 'ix ya'n t'un̈xoc q'ue eb' 'a sc'ab' te', junjn te te chi 'aj xq'ue t'un̈n junjn eb'. 'Ix cann̈j eb' ta', masnto 'ix 'em c'u.

Ester 9:16

A smasnil eb' israel cajn 'a jun tzo'n̈ xo chon̈ab', 'ix syam sb'a eb' 'a yic 'oxlajn̈e yoch 'uj cha, yuj stan̈wni sb'a eb', yuj pax scoln sb'a eb' 'a eb' 'ajc'ojol. 'Ix smil cham eb' 75 mil eb' 'ajc'ojl cha, palta may jac tas 'ay 'a eb' xcham chi xyij 'at eb'. Ax 'a yic chan̈lajn̈e yoch 'uj cha, 'ix 'ilj eb', xya'n 'och eb' jun q'uin̈, caw xwa eb' 'a tzaljc'ojlal.

Ester 9:22

Yujto a 'a jun tzo'n̈ c'u cha, ata 'ix yac' lajwc eb' israel eb' 'ajc'ojl yajch 'a 'a. A wal 'a jun c'ul cha, 'aych wal eb' 'a 'oq'uel, tz'el yaw eb' yuj chamel. Palta 'ix jelmji, tzaljc'ojlal xo x'aj 'el'chi. Yuj cha, a 'a jun tzo'n̈ c'u cha, ata tzna eb' q'uin̈, tzsiyn eb' tastc 'a 'a, tzya'n eb' scolwal 'a eb' meb'a'.

Miqueas 5:14

'Oj in to' chan̈ smasnil te niwc te 'aj tzeyac' 'emmquilal, ax in satn 'el jun tzo'n̈ lugar 'aj tzeyac' e xajmb'al 'a jun tzo'n̈ comn dios cha.