Salmos 149:3 - Chuj San Sebastian Bible

³ Tzon̈ laj q'uec b'atnjoc calnec qui wach' paxti 'a 'a, qui b'itquec yet' qui arpa yet' pax qui pandero.

Chuj San Mateo Bible

³ Con̈ q'ueec cheneljoc scalanec vach' lolonel d'a Jehová, yic scac'an ejmelal d'ay. Con̈ b'itanec d'ay yed' te' arpa yed' pandereta,

Salmos 149:3 Referans Kwoze

Jeremías 31:13

Caw 'oj b'atjoc chan̈ eb' 'ix cob'stac yuj tzaljc'ojlal. 'Oj tzaljoc pax chan̈ eb' quelmtac, yet' pax eb' 'ichmtac winac. An 'oj wac' sniwnal sc'ojl eb', 'oj meltzjoc 'och scusc'ojlal eb' 'a tzaljc'ojlal, yel xo niwn stzaljc'ojlal eb' 'oj wac' 'a yib'n̈ jun tzo'n̈ yailal 'ix laj yil eb'.

Salmos 81:2

B'itn coyc yet' qui pandero, yet' qui arpa mto qui salterio.

Ex 15:20

A 'ix María schecb' Dios yanb' Aarón, xyij chan̈ spandereta, sjucb'tzan eb' yit 'ixl cha yic tzyucn eb' spandereta, xlaj b'atj chan̈ eb' yuj stzaljc'ojlal.

Salmos 30:11

Ach in Diosal, a 'in yailal xa meltztej 'och in tzaljc'ojlaloc; 'ix ej can 'el in cusc'ojlal, ax tzaljc'ojlal 'ix a'cn 'och 'ayin.

A Ch'an̈ Schab'l Libro Samuel 6:16

A yic xjaw te scaxail strato Jehová chi 'a yol schon̈b' David, c'uxn wal q'ueln 'elt 'ix Mical 'ix yisl win Saúl 'a swentnual yatut, ax xyilni to a win rey David, caw wal tzb'atj chan̈ yuj tzaljc'ojlal 'a yojltac Jehová; yuj cha, schab'c'ojlan 'el 'ix win 'a spixan.

A Ch'an̈ Schab'l Libro Samuel 6:14

Ax jun chaleco nab'a lino yic eb' ya'mal 'och sti eb' 'anma 'a Dios, a 'aych yuj David, caw wal tzb'atj chan̈ yet' smasnil yip yuj tzaljc'ojlal 'a yojltac Jehová.

Jueces 11:34

Ax yic xlajw owl cha, 'ix pax Jefté 'a yatut 'a Mizpa, ax jun c'otn yisil, a 'ix x'elt chanoc sc'ochi. Xoj schan̈lwi 'ix yet' spandereta yuj stzaljc'ojlal. Cojn wal jun yisl win cha, may junc xo snul'j 'ix.

Salmos 33:2

¡Alc wach' paxti 'a Jehová yet' arpa! B'itnejec sb'i yet' salterio.

Esdras 3:10

A yic 'ix ya'n 'ejm eb' albanil yich yatut Jehová, 'ix q'ue wan lin̈n eb' ya'mal 'och sti eb' 'anma 'a Dios, xya'n 'och eb' spichl yic yopiso cha, xyutz'n eb' strompeta. Ax eb' levita yin̈tl Asaf, syucn eb' jun tzo'n̈ q'uen címbalo, yic wan yaln eb' swach' paxti 'a Jehová, 'icha yaj yaln can David win ya'jnac reyl 'a chon̈b' Israel 'a pecti'.

1 Cr 16:42

A eb' tic, 'ix yutz'j eb' trompeta, syucn eb' platillo yet' jun tzo'n̈ xo yamc'ab', yic tzb'itn eb' 'a Dios, ax pax eb' yunnal Jedutún tan̈m puerta yaj eb'.

2 Cr 29:25

An̈jtona', xya'n pax 'och rey Ezequías eb' levita 'a yatut Jehová, yet' jun tzo'n̈ yamc'ab: Atn q'uen platillo, salterio yet' arpa, 'icha yutjnac rey David yaln can yet' Gad. A win cha, ya'mal 'och snab'en rey David yaji. Locn pax Natán, schecb' Dios 'ix alni. Yujto a jun tzo'n̈ checnb'il cha, a Jehová x'a'n yalcn eb' schecab'.

1 Cr 25:6

Ax smasnil jun tzo'n̈ eb' cha, a smam eb' tzjucb'tzani yic tz'och b'it 'a yatut Jehová yet' jun tzo'n̈ yamc'ab', atn platillo, salterio yet' arpa yic tz'och 'emmquilal 'a Dios. A Asaf, Jedutún yet' Hemán, 'aych eb' 'a yaln̈ schecnb'il win rey.

2 Cr 20:28

A yic 'ix jaw eb' 'a Jerusalén, x'at eb' 'a yatut Jehová, 'aych salterio, arpa, yet' trompeta yuj eb'.

Salmos 81:3

A yic tzpac' 'uj tzcutz'nec qui trompeta, tzcutz'nec pax 'a yic tzc'ojn sb'a 'uj, yujto niwquil q'uin̈ jun chi 'ayn̈ec.

Salmos 87:7

Ax eb' tzb'itni yet' eb' tzsonni, 'oj yal eb' 'ixtic: A smasnil tas wach' 'ay 'ayn̈ec, ata tzcot 'a Sión, 'oj schic eb'.

Jeremías 31:4

'Oj ex wi' chan̈ jun 'ejm xo. 'Oj e b'atj chan̈ pax yuj tzaljc'ojlal jun 'ejm xo yet' e pandereta.