Salmos 148:8 - Chuj San Sebastian Bible

⁸ raya, sacb'at, sacb'acum, 'asun, yet' 'ic'n̈ab', yiclumn̈ej cab' eb' 'a tas tzyala,

Chuj San Mateo Bible

⁸ yed' leb'lon, q'uen sacb'at, q'uen sacb'acom, q'uic'al asun yed' chacxuxum ic', c'anab'ajumocab' syutej sb'a d'a slolonel Jehová chi'.

Salmos 148:8 Referans Kwoze

Apoc 16:21

Xlajw cha, 'ix 'ejm wal jun tzo'n̈ sacb'at caw niwac. 'Aym junjnoc quintal yal-l jun jun. Ax eb' 'anma', caw xlaj b'uchwj eb' 'a Dios yuj jun tzo'n̈ sacb'at cha, yujto caw niwn xyab' eb' syal yu'uj.

Jonás 1:4

Palta ax Jehová x'a'n cot jun niwquil 'ic' caw ow 'a yib'n̈ a mar cha, caw wal 'ijn tzpoj te barco chi yuj jun 'ic' cha.

Am 7:4

'Ix sch'oxn pax Jehová Dios junx tic 'ayin: 'Ix wilni to c'ac' 'ix sc'anlb'ej yic xya'n 'och yailal, caw tzxexni 'icha stzac'ac', 'ix tup chan̈ a niwquil mar yu'uj, xtacj pax chan̈ lum lum tic.

Am 4:13

'In an b'ojnac eb' lum niwc witz, yet' pax 'ic'. Tzwac' yojcoc 'el eb' 'anma cha tas nab'il wu'uj. An tzin jelmtej 'och sacq'uinl 'a q'uic'q'uinlal, tzin 'ec' pax 'a caw schan̈il yib'n̈ lum lum tic. Jehová Dios tztac' yuj smasnil, 'ixta yalx in b'i, xchi Dios.

Jl 2:30

'Oj in ch'ox jun tzo'n̈ tas satjub'tac yilx 'a satcha'an̈, yet' pax 'a yolyib'n̈q'uinl tic, atn chic' yet' c'ac', yet' pax jun niwn tab' 'icha 'asun.

Is 66:16

A Jehová, 'oj sb'eyc'ojloc smasnil 'anma 'a yolyib'n̈q'uinl tic yet' c'ac' mto yet' owal, til wal 'anma 'oj cham yuj jun tzo'n̈ cha.

Salmos 103:20

Ex yángel Jehová to 'ay eyip, alc e wach' paxti 'a 'a, ex to yiclum ex 'a tas tzyala.

Salmos 18:12

Xlaj 'elt raya 'a ojltac, 'ix cot sacb'at 'a scal 'asun, yet' pax stzac'ac'.

Josué 10:11

'Ay pax eb' xcob' yac' ganar s'at 'elc 'a eb' israel cha, ya' sb'a wan spichlj 'ejm eb' 'a lum span̈nil Bet-horón. Ax Jehová 'ix 'a'n cot jun tzo'n̈ niwc sq'uenal sacb'at 'a yib'n̈ eb', masnto 'a Azeca. Yel xo wal caw niwn eb' xcham yuj q'uen sq'uenal sacb'at cha, 'a yib'n̈ pax eb' xtzu'x cham yuj eb' israel cha.

Nm 16:35

An̈jtona', 'ix ya' cot Jehová jun c'ac' 'a yib'n̈ eb' 250 'ix c'och 'a yojltac Jehová yet' stz'ab'c'ac', jun tzo'n̈ 'ay 'ejm incienso 'a yojol.

Lv 10:2

Yuj cha, x'elt c'ac' 'a yojltac Jehová, 'ix tz'a eb' yu'uj, 'ixta x'aj eb' scham 'a yojltac.

Ex 14:21

'Ix ya'n cot Moisés sc'ab' yet' sc'occh 'a yib'n̈ a mar, ax Jehová 'ix 'a'n cot jun niwquil 'ic' caw ow. 'Ix cot jun 'ic' chi 'a stojlal 'aj tzq'uel c'u, jun 'ac'wl xyac' jun 'ic' cha. A x'a'n spoj sb'a a mar, 'ix ya'n checljoc lum tacn̈ lum 'a snan̈l a'.

Ex 10:19

Xlajw xoj cha, 'ix ya'n cot Jehová jun niwquil 'ic' 'a stojlal 'aj tz'em c'u, ax 'a yol a Chac Mar, ata 'ix 'atcn no c'ulb' chi yu'uj. Man̈x 'a junc no 'ix can 'a yol yic Egipto cha.

Ex 10:13

'Ix ya'n 'at Moisés te sc'occh chi 'a yib'n̈ Egipto cha. Ax Jehová 'ix 'a'n cot jun niwquil 'ic' 'a yib'n̈ smasnil yol yic Egipto, 'ix cot jun 'ic' chi 'a stojlal 'aj tzq'uel c'u; jun c'u jun 'ac'wl 'ix yac' jun niwquil 'ic' cha. Ax yic sacb' 'el 'a junx c'u cha, man̈x yalnb'ilc no c'ulb' xyij cot jun 'ic' cha.

Gn 19:24

Ax 'a satcha'an̈, ata 'ix ya' cot Jehová c'ac' yet' azufre 'a yib'n̈ chon̈b' Sodoma yet' Gomorra.

Job 37:12

Cojn 'aj tznib'j Dios tzyac' n̈ab', cojn ta tz'och 'asn 'a satcha'an̈; 'ixta tzyutj 'asn chi syiclni tas tzalx 'a 'a, yic tzya'n 'emt n̈ab' 'a sat lum lu'um.

Jonás 1:5

Ax eb' ch'umn barco cha, caw xiw chan̈ eb'. Junjn eb' 'ix laj yal sb'a eb' 'a sdiosal. 'Ix syamn 'och eb' sjuln can 'at yictz te barco chi 'a yojl a mar cha, sec tzseb'b' yal-l te'. Palta ax win Jonás, tox x'ejm win 'a jun cuarto 'a 'aj 'ay syamc'ab'il te 'a yalan̈, ata waync winac.