Salmos 148:14 - Chuj San Sebastian Bible

¹⁴ A 'ix 'a'n qui jelnal an̈ schon̈b' on̈c tic, sec tzon̈ b'inaxec an̈ yiclum on̈c tic, yujto an̈ yin̈tl on̈c Israel tic, an̈ on̈ yijec 'ochch 'a stz'ey. ¡Alx cab' wach' paxti 'a Jehová!

Chuj San Mateo Bible

¹⁴ A' ix ac'an quipal a on̈ schon̈ab' on̈ tic. Calec vach' lolonel d'ay a on̈ israel on̈ tic, a on̈ton te xajanab'il on̈ yuuj. Calec vach' lolonel d'a Jehová.

Salmos 148:14 Referans Kwoze

Salmos 75:10

A 'oj satnc 'el sb'an̈quinal eb' maysch'olnil, ax ya'n niwtjoc sjelnal eb' wach' sb'eyb'al.

Ef 2:17

A Cristo xwul alnc 'el wach' 'ab'x yic junc'ojlal 'ayn̈ec qui masnil. An̈ israel on̈ tic on̈, yictax yalan̈, 'icha to la'n caj 'a Dios on̈. Ax xo, 'icha to najt to eyaj 'a stz'ey. Palta sch'ox Cristo 'ayn̈ on̈, sch'oxn pax 'ayex, chajtl tzon̈ 'aj cochc 'a junc'ojlal yet' Dios.

Dt 4:7

May junc xo niwquil nacion̈ to 'ayc' sdiosal yet' 'icha wal ya'jc Jehová qui Diosalec 'a qui calc tic. A yic tzqui c'annec junc tas 'a 'a, tzyac' 'ayn̈ec.

A Ch'an̈ B'ab'el Libro Samuel 2:1

'Ix leslwi 'ix Ana 'ixtic: ¡Mamin Jehová, caw wal tzalj in c'ojol! Ach 'ix ac' wip, yuj cha, tzin tzalj 'ayach. Tzax stac' waln 'a eb' 'ajc'ojl yajch 'ayin, to ach colwj wet'oc.

A Sb'ab'el Carta San Pedro 2:9

Palta an̈ec xo tic, junxn̈ej quin̈tl qui masnil 'a sat Dios, yujto sic'b'iln̈ec xo 'el yu'uj. 'Ayx copisoec ca'n 'och qui ti 'a Dios, tzca'nec servil qui Reyal. Caw junxn̈ej chon̈b'al cajc 'a sat Dios. Cojn wal 'a tzca'c servil. Yic on̈c xo qui masnil ticnec. 'Ixta tzon̈ 'ajec, sec wach' calnec 'eli, chajtlto man̈ jantcoc swach'l Dios. Yujto a on̈ 'awtnec 'elt 'a scal q'uic'q'uinal, yic on̈ 'ochc 'a jun sacq'uinl caw wach', atn jun yico'.

Dt 10:21

Yujto cojn 'a sb'i 'aj wach' calnec qui wach' paxti', qui Diosalec wal yaji. Cujec til wal tas satjub'tac 'ix sch'ox 'ilxoc.

Salmos 112:9

Tzyac' eb' siylab' 'a eb' meb'a', ax swach' nab'enal eb' cha, 'oj naxoc cot 'a smasnil tiempo. Til wal 'aj 'oj b'inaxc eb' yuj swach'l cha.

Ef 2:13

Palta ax ticnec, junxn̈ej eyaj yet' Cristo Jesús. Wach'xam 'icha to najt eyajcn 'el 'a Dios 'a yic yalan̈, ax ticnec, la'n xo eyaj 'a stz'ey, yujto 'elnc can schic'l Cristo cujec, yic xchami.

Salmos 149:9

sec 'ixta tz'aj yel'ch tas tz'ib'b'il can 'a yib'n̈ eb'. A jun tic, qui wach'loc qui masnil an̈ yic on̈c xo Dios. ¡Alx cab' wach' paxti 'a Jehová!

Ef 2:19

A 'a yic yalan̈, 'icha jun tzo'n̈ eb' chuc chon̈b'al yaji, 'ixta ex 'a sat Dios, yujto man̈ ex schon̈b'oc. Al ticnec, man̈x ex 'ichcta 'a 'a. Yujto schon̈b' ex xo quet' on̈. Yunnalx xo quet' qui masnil an̈ yic on̈ xo on̈.

Lc 2:32

A jun tic 'oj 'a'nc sacq'uinl 'a eb' man̈ israeloc, ax sb'inax chon̈b' Israel yu'uj, xchi Simeón cha.

Lc 1:52

Xyi'n can 'el eb' yajl 'a yopiso, ax eb' 'emmquilal yeq'ui, a eb' 'ix yij cha'an̈.

Jeremías 17:14

'Ac' jawc in c'ojl Mamin Jehová, sec tzin b'ox cani. Coln 'eli, sec wach' tzin colchj can pax 'eli, yujto cojn 'aych 'aj tzwal in wach' paxti'.

Salmos 145:10

A tas b'ob'il oj cha, 'oj yal eb' swach' paxti 'ayach. A eb' 'anma ec xo yaji, 'oj ach sb'inoc eb' smasnil.

Salmos 92:10

Palta ach tza'ch wip 'icha no simron wacax, ach 'ix ac' in tzaljc'ojlal.

Salmos 89:17

Yujto ach ton wal tzac' quip on̈, yuj a wach'c'ojlal tza'n cac' ganar on̈.

Salmos 89:18

Ach 'ix ac' jun qui Colmal on̈. Ach qui Diosal on̈, Cojxn ach toni, ach 'ix a sic' 'elt jun qui reyl on̈.