Salmos 147:19 - Chuj San Sebastian Bible

¹⁹ An̈ israel on̈c tic, yin̈tl on̈c can Jacob, 'ix yac' qui Diosalec cojcoquec 'el spaxti', sley yet' schecnb'il.

Chuj San Mateo Bible

¹⁹ A slolonel yed' sc'ayb'ub'al, ix yac' cojtaquejel a on̈ israel yin̈tilal on̈ vin̈aj Jacob tic.

Salmos 147:19 Referans Kwoze

Malaquías 4:4

Nac cot in checnb'il wa'jnac can 'a in checb' Moisés yic 'ayc' 'a sjolm lum witz Sinaí. A jun tzo'n̈ ley yet' jun tzo'n̈ checnb'il cha, smoj wal to tzeyiclj e masnil ax israel ex tic.

Salmos 78:5

A Dios 'ix 'a'n can jun ley 'a eb' qui mam quichmec atn eb' yin̈tl Jacob. Xya'n can jun tzo'n̈ checnb'il chi 'ayn̈ an̈ Israel on̈c tic. 'Ix yaln can 'a eb' qui mam quichmec to tzon̈ scuyc can eb'. An̈ec xo 'oj qui cuyc can pax eb' cunnalec,

Dt 5:31

Palta ach xo tic, tzach can wet' 'a tic, yujto 'oj wal smasnil in checnb'il 'ayach, in ley yet' cuynb'il 'oj ac' scuy eb', sec a chi 'oj sb'eylb'oc eb' 'a sat lum lum 'oj wac' yico'oc eb' cha, xchi Dios 'ayin.

Dt 5:22

'Ix yaln pax Moisés 'ixtic: Atn jun tzo'n̈ schecnb'il Jehová tic, caw 'ip 'ix yutj yaln 'elt 'a scal c'ac' yet' 'a scal jun q'uic' 'asun, yic yamnon̈c 'a yich lum witz cha, man̈x 'a junc xo checnb'il 'ix yala. Xlajw cha, stz'ib'n can 'och jun tzo'n̈ paxti tic 'a chapachn̈ q'uen q'ue'en, xya'n 'ayin.

Dt 4:1

'Ix yaln pax Moisés 'ixtc 'a eb' yit israelal cha: A ticnec ex wit chon̈ab', chajec eyab' jun tzo'n̈ ley yet' jun tzo'n̈ checnb'il tzwac' 'ayx tic, sec 'oj e b'eylb'oc, ax eyiclni yic 'oj e c'och cajn 'a sat lum lum 'oj yac' Jehová 'ayex, atn qui Diosalec yet' eb' qui mam quichmec.

Ro 9:4

A eb' cha, yin̈tl Israel eb' wet'oc. A Dios si'jnac 'och eb' yunnaloc. Caw sch'oxjnac stzictznil 'a eb', yic yec' yet' eb'. A 'a'jnac can jun tzo'n̈ strato 'a eb'. Ya'jnac can pax sley 'a eb'. Yaljnac can 'a eb', tas tzyutj eb' yaln sb'a 'a 'a. 'Ay pax jun tzo'n̈ tas 'aj ya'jnac can sti 'a eb'.

Ro 3:2

Ma'ay, 'oj walb't 'ayex tas yaji. A wal 'a eb' 'aj ya'jnac Dios spaxti'.

Salmos 103:7

'Ix yac' 'ojcaxc 'el snab'en yuj Moisés, ax sb'ob'en satjub'tac yilxi, 'ix sch'ox yil eb' schon̈ab'.

Salmos 76:1

'Ojcab'il Dios 'a Judá, caw niwn yel'ch sb'i 'a smasnil yol yic Israel.

Dt 4:8

¿Tom 'ay junc xo nacion̈ to 'ay sley mto 'ay schecnb'il tojl yalx 'icha jun wan waln can 'ayx tic?

Dt 6:1

'Ix yaln pax Moisés 'ixtic: Atn wal jun tzo'n̈ checnb'il tic, ley yet' cuynb'il tzyac' Jehová qui Diosalec wal 'ayex, sec a jun tzo'n̈ tic 'oj e b'eylb'oc 'a sat lum lum 'oj eyico'oc cha.

Esdras 7:6

A Esdras tic paxncta 'a Babilonia cha. Caw cuywjum 'a sley Jehová, atn sDiosal chon̈b' Israel, atn jun ley ya'jnac Jehová 'a Moisés. Yujto 'ix colwj Jehová Dios yet'oc, yuj cha, xya'n win rey Artajerjes smasnil tas 'ix sc'ana.

Ez 20:11

'Ix wa'n yojcoc 'el eb' in ley yet' in checnb'il 'a jun lugar cha. A eb' tzb'eylb'ani mto tzyiclni, 'ay sq'uinl eb' yu'uj.

Os 8:12

Wach'xam til wal cuynb'il xwac' tz'ib'xoc can 'a eb', palta comn paxti xoj xyutj can eb'.