Salmos 147:10 - Chuj San Sebastian Bible

¹⁰ A 'a Jehová may yel'ch yip no chej mto yip junc 'anma 'a 'a, yic tzcoln sb'a 'a junc owal,

Chuj San Mateo Bible

¹⁰ A Jehová, max tzalajlaj yed' eb' anima tz'ac'anoch yip noc' chej, ma yipal eb' soldado yipoc sc'ool.

Salmos 147:10 Referans Kwoze

Salmos 20:7

'Ay jun tzo'n̈ eb', a scaruaje eb' yet' schej eb' yic owal a tzya'ch eb' yipc sc'ojol. A eb' cha, tz'el yip yoc eb', tztelw can 'ejm eb'. Palta an̈ec xo pax tic, a Jehová qui Diosalec, a tzca'c 'och yipc qui c'ojol, yuj cha, te'tec' cajec, lin̈n on̈c cha'an̈, xchi win rey cha.

A Ch'an̈ B'ab'el Libro Samuel 16:7

Palta xyaln Jehová 'ixtc 'a Samuel: Man̈ ach 'och q'ueln 'a win tic yuj tas yilx 'ochi, man̈ elch ste'il, yujto matz in nib'j winac. Ax 'anmax tic, a wal yilx 'och junc mach, a chi tzeyilchi, palta an tic a snab'en eb' tzwilchi, xchi.

Is 31:1

'Oltac wal ex tz'at e sayc' scolwal Egipto. A eb' soldado yet' schej, yet' scaruaje to caw niwn sb'isul, a chi tzeya'ch yipc e c'ojol, palta matz ex q'ue q'ueln jac 'a Jehová, atn jun Dios To Cojxni.

Ec 9:11

'Ay junx tas xwil 'a yolyib'n̈q'uinl tic: Man̈ smasnilc tiempo an̈j eb' jeln sb'ey tz'a'n ganar, man̈ smasnilc pax eb' jeln ya'n owl tz'a'n ganar; man̈ smasnilc eb' jelan, wach' yec' tiempo yu'uj. Man̈ smasnilc eb' 'ay snab'en tz'och ricoal, man̈ smasnilc eb' cuywnac tz'och 'a niwc 'opiso; palta a tzyala tas tzchachj yuj junjn mach.

Pr 21:31

A eb' soldado, tzyac' lista eb' schej yic tz'at eb' 'a owal, palta cojn yuj Jehová tzya'n ganar eb'.

Os 1:7

Palta ax chon̈b' Judá, 'oj 'o'ch in c'ojl 'a 'a. An Jehová in tic, sDiosal in jun chon̈b' cha, an 'oj in colo', man̈oc yet' owl 'oj in colo', man̈oc yet' jul-lab', man̈oc yet' q'uen espada, man̈oc pax yet' eb' soldado 'ay q'ue 'a yib'n̈ chej, palta a yet' in poder 'oj in col eb', xchi Dios cha.

A Ch'an̈ Schab'l Libro Samuel 1:23

Ach Saúl yet' 'ach Jonatán, caw chamc'ojlb'ilx wu'uj, caw nib'b'ilx paxi, junn̈j eyec' 'a yic pitzn ex to, junn̈j ex 'aj pax e chami. 'Ec'b'al sjelnal e b'ey 'icha no salt'iw. Yel xo 'ec'b'al eyip 'a e no león.

Job 39:11

¿Tom yuj caw 'ay yip no', yuj cha, ax cob' a'nc yipc a c'ojl no yuj a munljel?