Salmos 146:6 - Chuj San Sebastian Bible

⁶ A b'ojnac satcha'an̈, lum lu'um, a mar yet' smasnil tas 'ay 'a junjn c'aj. Caw wal tzyac' 'el'choc tas tzyala.

Chuj San Mateo Bible

⁶ A Jehová b'oannac satchaan̈, lum luum, a' mar yed' masanil tastac ay d'a junjun macan̈ chi'. Tz'eln̈ejc'och tas syala'.

Salmos 146:6 Referans Kwoze

Apoc 14:7

Caw 'ip yaln 'a eb' 'ixtic: —Xiwn̈ec 'a Dios. Alc wach' paxti 'a 'a, yujto tox xjaw stiempoal ex sb'eyc'ojlani. Alc e b'a 'a 'a, yujto a b'ojnac satcha'an̈, sat lu'um, a mar, yet' jun tzo'n̈ spac'b'a', xchi.

Salmos 100:5

Yujto a Jehová caw wach' snab'en; a schamc'ojlal may xon slajub'. Tzyac' 'el'chocn̈ej sti ya'jnac can 'ayn̈ec.

Ex 20:11

Yujto an Jehová in, waquen̈ej c'u in munlji yic xin b'on satcha'an̈, lum lu'um, a mar yet' smasnil tas 'ay 'a 'a, ax 'a yucl c'ual, in 'ilji. Yuj cha, a jun yucl c'u cha, wic yaji, niwn yel'ch cab' 'ayex.

A Scarta San Pablo D'a Eb' Aj Colosas 1:16

Yu'uj, b'onc smasnil tas 'ay 'a satcha'an̈, yet' tas 'ay 'a sat lum tic. Wach'xam jun tzo'n̈ tzquila, toxn̈ej jun tzo'n̈ matz quila, an̈j b'ojnac smasnil. Yet' pax smasnil jun tzo'n̈ xo eb' 'aych yajlil, eb' 'ay spoder, wach'xam matz tac' quiln eb', palta a b'ojnac eb', sec wach' tz'ajx servil yuj eb'.

Jeremías 32:17

Mamin Jehová, yet' wal a niwn poder yet' pax a jelnal 'ix a b'on satcha'an̈, yet' lum lum tic. Caw may tas 'ajltac sb'o 'ayach.

Gn 1:1

A 'a yic x'el yich sb'o smasnil, 'ix sb'o Dios satcha'an̈ yet' lum lu'um.

Salmos 95:5

A pax 'ay yic a mar, yujto a b'ojnac pax yet' spoder, sb'ojnac pax lum tacn̈ lum tic.

Salmos 89:2

'Oj wal-li to a 'a chamc'ojlal may slajub', tzac' 'el'chocn̈ej tas tzala. Matz tac' sjelmji, 'icha satcha'an̈ may xon 'aj tzjelmji.

A Ch'an̈ Carta D'a Eb' Hebreo 6:18

Caw ya'jnac Dios sti', slocjnac sb'i, yuj cha, a tas yaljnac, may b'a'n̈ 'oj jelxoc, yujto a Dios, matz tac' ya'n 'es. A tas yaljnac cha, caw tzyac' sniwnal qui c'ojlec, yujto ca'jnaquec qui b'a 'a 'a, tzon̈ scolni. Wan qui tan̈wniec tas 'oj yac' 'ayn̈ec, yujto a tzca'c 'och yipc qui c'ojol.

Tito 1:2

'Ixta tzwutj in b'a, sec tzya'ch eb' 'anma yipc sc'ojol, to 'oj qui cha qui q'uinl 'a jun 'ejmn̈ej. A Dios, may 'aj tzyac' 'es jun 'ejmoc. A yic mantzac sb'o yolyib'n̈q'uinl tic, ya'jnac can sti', to 'oj yac' qui q'uinal.

Salmos 117:2

Yujto a schamc'ojlal 'ayn̈ec, caw wal niwquil, ax tas tzyala, tzyac' 'el'chocn̈ej 'a smasnil tiempo. ¡Alx cab' wach' paxti 'a Jehová!

Salmos 33:6

Yujn̈ej spaxti', 'ix b'o satcha'an̈ yet' smasnil tas 'ay 'a 'a, cojn to 'ix yala, 'ix b'o smasnil.

A Tas Sc'ulejnac Eb' Schecab' Jesús Hechos 14:15

—Ex winac, ¿tas yuj tze b'o jun tic 'ixtic? An̈ tic on̈, caw 'anman̈n̈ej on̈, 'icha ex tic. To tzwul 'ajxc cal jun wach' 'ab'x 'ayx on̈, 'actjec eyaln e b'a 'a jun tzo'n̈ comn dios may jac yel'chi. Tzeya'n 'och e nab'en 'a Dios pitzan. A b'ojnac satcha'an̈, yet' lum lum tic. Sb'ojnac pax a mar, yet' smasnil tas 'ay 'a 'a.

Jn 1:3

A yet' jun chi sb'ojnac can Dios smasnil tas. Yujto a jun chi 'ix mol b'on smasnil yet'oc.

Salmos 115:15

A Jehová b'ojnac satcha'an̈ yet' lum lum tic, ya' cab' swach'c'ojlal 'a quib'n̈ec.

Jn 10:34

Yuj cha, 'ix yaln pax 'ixtc 'a eb': —A 'a ch'an̈ ley 'aycn 'ayn̈ec, ata tz'ib'b'il can 'ixtic: An tzwala, ax tic, dios ex, xchi Dios 'a Ch'an̈ Un̈ cha.

Dn 9:4

In leslwi wal 'a Jehová in Diosal, xwaln in b'a 'a 'ixtic: Ach Wajlil, in Diosal ach, caw niwn el'chi, 'ay 'a poder. Tzac' 'el'choc tas aljnac cani, caw tza chamc'ojlej eb' tzach chamc'ojlani, atn eb' tzyiclni a checnb'il.

Salmos 98:3

Caw wal 'ayn̈j 'ec' schamc'ojlal yet' stojlal 'a qui calc an̈ israel on̈c tic. Smasnil 'anma 'a yolyib'n̈q'uinal tic 'ix yil eb' scolwj qui Diosalec quet'oc.

Salmos 89:33

Palta man̈ yujoc cha, ax wactn in chamc'ojlan David, caw yel 'aynn̈ej 'ec' yet'oc.

Dt 7:9

A ticnec, tzeyojquej 'eli to a Jehová qui Diosalec, to cojni. A eb' 'ay schamc'ojlal 'a 'a, tzyac' 'el'choc strato yet' eb'. A eb' tzyiclni schecnb'il, tz'o'ch sc'ojl 'a eb', yet' 'a yin̈tl eb' b'aq'uin̈.

Miqueas 7:20

'Ayn̈j 'ec' a wach'c'ojlal yet' a chamc'ojlal 'ayn̈ on̈ Mamin, 'icha otjnac a'n can a ti 'a eb' qui mam quichm 'a yictax pecti 'on̈, atn 'a Abraham yet' 'a Jacob, xchi Miqueas.