Salmos 145:1 - Chuj San Sebastian Bible

¹ Ach in Diosal, 'oj wal-li to niwn ton wal el'chi, Reych paxi, 'oj wal wach' paxti 'ayach.

Chuj San Mateo Bible

¹ Ach in Diosal, a ach ton in Reyal ach, ol valcanel a b'inajnaquil. D'a masanil tiempo ol vac' yuj diosal d'ayach.

Salmos 145:1 Referans Kwoze

Salmos 45:6

Ach in Diosal Reych 'a smasnil tiempo. Ach tic 'aych 'och Yajlil, caw tojln̈ej tzotj a b'eyc'ojlwi.

Salmos 30:12

Ma'oj stac' to sictac 'oj waji. 'Oj ach in b'itnoc, ax waln wach' paxti 'aych 'a smasnil tiempo.

Salmos 34:1

'Oj wi'chan̈ sb'i Jehová 'a smasnil tiempo, 'oj waln̈j in wach' paxti 'a 'a.

Mt 25:34

An Rey in tic, 'oj wal 'ixtc 'a eb' 'ayc' 'a in wach' c'ab': Ax tic, ya'jnac in Mam swach'c'ojlal 'ayex, 'ochn̈ec wet' 'a 'aj tzwac' Yajlil, yictax sb'on Dios yolyib'n̈q'uinl tic, sb'on can jun tic eyico'oc.

Is 33:22

A Jehová a 'aych qui juezaloc, a tzb'on qui leyal, a pax 'aych qui Reyloc, a tzon̈ colnec paxi.

Salmos 45:1

'Ay wal paxti caw wach' 'ayc' 'a in nab'en. A chi tzin c'anlb'ej yic tzwaln in wach' paxti 'a win rey. A 'in paxti', lajn 'icha spaxti junc mach jeln stz'ib'ni.

Salmos 44:4

Ach qui Diosal on̈, caw yel qui Reyl ach on̈. Ach tzac' cac' ganar an̈ a chon̈b' on̈ tic on̈.

Salmos 30:1

Mamin Jehová tzach in b'itnej yet' in wach' paxti', yujto ach in a sic'q'ue wan 'a scal in yailal; ma'ix a nib'j in sb'uch eb' 'ajc'ojl yajch 'ayin.

Apoc 19:16

A 'a spichl 'a sat xub', ata tz'ib'b'il 'och jun sb'i 'ixtic: A sRreyl eb' rey, sYajlil eb' yajal, xchi.

Malaquías 1:14

An tic Rey in niwn wel'chi, smoj xiw smasnil nacion̈ 'ayin. A eb' tzta'wj sti ya'n junc scalnelu xajmb'al-l 'ayin, no may spaltail, ax tz'aji, tzjeln eb', ax junc no 'ay spaltail tzyac' eb' 'ayin, a jun tzb'o eb' cha, caw wal catb'tzab'il, xchi Jehová tztac' yuj smasnil.

Dn 4:37

A ticnec jun, an Nabucodonosor in tic, tzwij chan̈ sb'i jun sReyl satcha'an̈, tzwaln pax wach' paxti 'a 'a. Yujto caw wach'n̈j tas tzb'o'o, caw tojln̈ej smasnil, a tz'i'n 'ejm eb' cob' tzyij chan̈ sb'a 'a yol yico', xchi win rey cha.

Salmos 149:2

Ex wit israelal, tzaljan̈c yuj jun mach 'ijnac 'el yich sb'on qui chon̈b'ec tic,*f3* ex 'aj Sión tzaljan̈c yet' qui Reyal.

Salmos 145:21

Tzach in b'itnej wal Mamin. Smasnil tas b'ob'il o'oj, yal cab' swach' paxti 'ayach, ticnec yet' 'a smasnil tiempo.

Salmos 100:1

Qui masnil an̈ cajn on̈c 'a sat lum lum tic, b'itn coyc yet' qui tzaljc'ojlal 'a Dios.

Salmos 95:3

Yujto a Jehová Dios, caw niwn yel'chi, Rey 'a yib'n̈ jun tzo'n̈ xo comn dios.

Salmos 68:4

B'itn coyc 'a Dios, qui b'itquec b'it 'a sb'i. Calc wach' paxti 'a jun mach tz'ec' 'a yib'n̈ 'asun, atn Jehová. Tzalj coyc 'a sb'i. Caw tzalj coyc 'a yojltac.

Salmos 52:9

Ach in Diosal, caw wach' tas xa b'o 'ayin. Sat wal eb' ecxo yaji ax waln in wach' paxti 'ayach. 'A smasnil tiempo 'oj ach wa'ch yipc in c'ojol.

1 Cr 29:13

Yuj cha, a ticnec, ach qui Diosal on̈, tzcal yuj diosal 'ayach, tzcaln pax qui wach' paxti 'a a b'i to wach' yochi.

Salmos 5:3

A 'a yic sq'uin̈b'ial, 'oj ab' wawj 'ayach; yic caw sq'uin̈b'ilto ax waln in b'a 'ayach, ax in tan̈wni a pacn 'ayin.

Salmos 30:2

Ach in Diosal, xin c'an a colwal, 'ix a'n b'oxc in c'ojol.

Salmos 75:9

Palta an tic, 'oj waln̈j 'el yab'xil qui Diosal an̈ yin̈tl on̈ Jacob tic, ax in b'itn yet' in wach' paxti 'a 'a.

Salmos 96:2

B'itn coyc 'a 'a, tzcalnec qui wach' paxti 'a 'a; 'a junjn c'u tzcalnec 'el yab'xil colnb'il tzyac'a.

Salmos 118:28

Ach qui Diosal on̈, tzcal yuj diosal 'ayach, yujto niwn el'chi. Smoj caln qui wach' paxti 'ayach.

Salmos 146:2

'Oj wal in wach' paxti 'a Jehová ya' sb'a pitzn in. 'Oj in b'itnoc in Diosal ya' sb'a 'aynto 'ec' 'a sat lum lum tic.

Is 38:20

Mamin Jehová qui Colmal aji, yuj cha, smoj wal ach qui b'itnan yet' qui arpa, tzqui b'itnan a b'i 'a atut, ya' sb'a 'ayt jacx qui q'uinl on̈, xchi rey Ezequías.