Salmos 144:4 - Chuj San Sebastian Bible

⁴ An̈ 'anman̈ tic on̈, lajn on̈ wal 'icha qui'n quic' jun 'ejmoc, 'ixta quec' on̈, ax qui q'uinl tic on̈, lajn wal yec' 'icha wewen.

Chuj San Mateo Bible

⁴ A on̈ anima on̈ tic, lajan on̈ icha val b'aj squic' quic', axo co q'uinal icha val junoc en̈ul tz'eq'ui.

Salmos 144:4 Referans Kwoze

Salmos 102:11

A 'in q'uinal, lajn wal yec' 'icha junc wewen, wan in tacj chan̈ 'icha te c'ultac.

Salmos 109:23

Wan in lajw 'ec' 'icha tzyac' wewen, a 'ic' tzin ma'n chan̈ 'icha tzyac' no c'ulub'.

Job 8:9

An̈ec tic, 'icha to 'ewt on̈ jawc 'a yolyib'n̈q'uinl tic, mant 'a jac tas cojquec; ax jab' qui q'uinlec 'a sat lum tic, lajn wal yec' 'icha wewen.

Ec 12:8

An alm in 'el 'ab'x tic, an tzwal jun 'ejm xo: to a smasnil jun tzo'n̈ tic, may xon jac yel'chi.

A Ch'an̈ Schab'l Libro Samuel 14:14

Yujto an̈ 'anman̈ tic, toxn 'oj qui chami. Lajn on̈ 'icha a a tztob' 'a sat lu'um, man̈xtzac stac' smolb'tzaxi. Ax pax Dios jun, may mach tzyij 'ec' sq'uinal, a yico', to tzsay tas tz'aj smeltzj junc mach to 'aycn 'at 'elc 'a 'a.

Ec 8:13

A eb' maysch'olnil sb'eyb'al, may jac wach'l 'oj yil eb', ax sq'uinl eb', lajn yec' 'icha junc wewen, yujto may yel'ch Dios 'a sat eb'.

Ec 1:14

Ata snachj 'el wu'uj, to a smasnil tas tzcob' qui b'oc 'a yolyib'n̈q'uinl tic, matz c'och qui c'ojlec yu'uj, 'icha wal yic tzcob' qui pechnec qui b'a yet' 'ic' yic tzcob' ca'lnoc qui yamni.

Ec 1:2

¡Caw wal nab'an̈ej! ¡Smasnil tas may xon jac yel'chi!

Salmos 89:47

Na cot nab'an to c'ochn yoc jab' in q'uinl 'ix ac'a. An̈ 'anman̈ tic on̈ jab' wal tiempo tzac' quil on̈.

Salmos 62:9

Caw matz tac' ca'nec 'och eb' quit 'anmal yipc qui c'ojol, wach'xam meb'a eb' mto rico eb'. Lajn eb' 'icha junc tas man̈ alc xon jab'oc tz'ejm 'a yojl junc libra, wach'xam junxn̈ej tzcutjec quechtan eb' smasnil, toxn matz 'ejm xon jun libra chi yuj eb'.

Salmos 39:11

Ach tzon̈ a cuy on̈, tza'n 'och qui yailal yuj qui mul on̈, 'icha to 'ijctac xo tzotjcan tas yel xo tzqui chamc'ojlej on̈. Qui masnil on̈, caw may yel'ch yec' qui q'uinal, lajn 'icha qui'n quic' jun 'ejmoc.

1 Cr 29:15

Yujto an̈ tic on̈, 'e'lb'a quec' 'a a sat on̈, lajn quec' 'icha 'e'nc smasnil eb' qui mam quichm on̈; a qui q'uinl 'a sat lum lum tic on̈, lajn 'icha xob' lum lu'um, caw yajn̈ej tz'eq'ui.

Job 4:19

Ocxom wal eb' 'anma', caw wal may ste'nal eb'. Lajn eb' 'icha junc xamit n̈a b'ob'il q'ue 'a yib'n̈ poc. Wach' yic tzq'uin̈lb'i, ax 'a yic yemc'ual juwnc xo paxi. Lajn pax eb' 'icha no 'ij tzte'x can 'ejm 'a sat lum, jun 'ejmn̈ej tzcham muc'uc, toc 'ay mach tzcus yu'uj.