Salmos 144:1 - Chuj San Sebastian Bible

¹ ¡Alx cab' wach' paxti 'a Jehová, yujto a 'aj tzin col in b'a! A tzin cuyni, tzya'n in jelnal sec tztechj wa'n owal.

Chuj San Mateo Bible

¹ Aljocab' vach' lolonel d'a Jehová, aton tz'ac'an vip. Aton val tzin c'ayb'ani, syac'anpax in jelanil yic vach' svac' oval.

Salmos 144:1 Referans Kwoze

Salmos 18:34

Tzin a cuy wa'n owal, tza'n pax wip in pacb'tzan in jul-lab' to nab'a bronce.

Salmos 18:2

'Icha to in n̈aq'uen aji, 'icha to in cuartel aji, in colmal ach, in Diosal ach, atn jun n̈aq'uen 'aj tzin col in b'a. Ach tzach wa'ch yipc in c'ojol, in tan̈mal aji, ach 'aych 'och wipoc, wen̈loc, yuj cha, matz in yamchj yuj eb' 'ajc'ojl yajch 'ayin.

A Ch'an̈ Schab'l Libro Samuel 22:35

A tzin cuyn wa'n owal, tzya'n wip yic tzin pacn in jul-lab' to nab'a bronce.

2 Co 10:4

Man̈oc jun tzo'n̈ tas yic yolyib'n̈q'uinl tic tzqui yamc'ab'j on̈, yic tzca'n quip on̈. Palta an̈j jun tzo'n̈ 'aj 'aych spoder Dios tzqui yamc'ab'j on̈, sec wach' a jun tzo'n̈ 'ay cob' yip, tzcan 'a yaln̈ cuj on̈.

Is 45:24

'Oj yaln eb' 'ixtic: Caw yel ton b'i'an, cojn 'a Jehová 'ay tojlal, caw 'ay pax yip, 'oj xchic eb'. Ax smasnil eb' 'ajc'ojl yajch 'ayin, 'oj q'uixwc can 'el eb'.

Salmos 60:12

A yet' Dios 'oj stac' ca'nec ganar owl cha, a 'oj te'noc can 'ejm eb' 'ajc'ojl yajch 'ayn̈ec.

Salmos 18:31

May junc xo Dios, cojxn ach Mamin Jehová. ¿Tom 'ay junc comn dios tztac' on̈ scoln 'icha ach tic?

Salmos 95:1

Cotn̈ec, b'itn coyc yet' qui tzaljc'ojlal 'a Jehová. B'itn coyc 'a qui Colmalec.

Salmos 71:3

'Ochn̈ wen̈loc 'icha junc n̈aq'ue'en, an̈j 'aych tzin col in b'a 'a junjn 'ejem. Ach aljnac to tzin a col-li, yujto 'icha cuartel, 'ixta aj 'ayin.

Is 26:4

'Ayn̈j cab' 'och Jehová yipc qui c'ojlec, yujto cojn tztac' on̈ scolnec 'a smasnil tiempo.

A Ch'an̈ Schab'il Libro Yic Yab'ixal Eb' Rey 13:16

Xlajw cha, 'ix yaln Eliseo mu'c 'a Joás 'ixtic: —Jac te ventnu 'ay 'a stojlal 'aj tzq'uel c'u 'a stojlal Siria, xchi. Xlajw sjacn win rey chi jun ventnu cha, xyaln Eliseo 'ixtic: B'o a jul-lab' yic tzach julwj yet'oc, xchi. Ya' sb'a wanto sb'on win rey sjul-lab' cha, 'ix ya'n 'at Eliseo sc'ab' 'a yib'n̈ sc'ab' winac, 'ix yaln Eliseo 'ixtic: —Julwjan̈ ticnec, xchi. 'Ix julwj win rey, 'ix 'el yaw Eliseo, 'ix yaln 'ixtic: —A jul-lab' yic Jehová, a tzch'oxn 'eli, to 'oj 'ajxoc ganar eb' sirio 'a Afec, ach 'oj a satl eb' smasnil, xchi Eliseo.

Salmos 18:3

Mamin Jehová, smoj ton wal yalx wach' paxti 'ayach. A yic tzin 'awj 'ayach, yajn̈ej tzin a coln 'el 'a yol sc'ab' eb' 'ajc'ojl yajch 'ayin.

Salmos 18:35

Mamin ach tzin a molo, tzin a coln paxi. A wal a wach' c'ab', a tzin yamn 'och wa'an. Yuj a wach' nab'enal, wach' tzin 'el'chi.