Salmos 138:4 - Chuj San Sebastian Bible

⁴ Smasnil eb' rey 'a yolyib'n̈q'uinl tic, 'oj yal eb' swach' paxti 'ayach yic 'oj yab'nc eb' jun tzo'n̈ a paxti tic.

Chuj San Mateo Bible

⁴ Masanil eb' rey d'a yolyib'an̈q'uinal tic, ol yal vach' lolonel eb' d'ayach ayic ol yab'an eb' tas alnaccani.

Salmos 138:4 Referans Kwoze

Salmos 102:15

Smasnil lum nacion̈ yet' eb' rey 'ay 'a sat lum lum tic, 'oj xiw chan̈ eb', ax yi'n chan̈ eb' a b'i Mamin Jehová.

Salmos 72:11

Smasnil jun tzo'n̈ xo eb' rey, 'em cab' cumn eb' 'a yojltac. 'Ajx cab' servil yuj smasnil eb' nacion̈.

Salmos 22:27

Mamin Jehová, smasnil jun tzo'n̈ niwc nacion̈, yet' yin̈tl junjn macn̈ 'anma 'a 'aj tzlajw c'och lum lum tic, 'oj a nax cot yuj eb'. 'Oj jawc eb' 'a ojltac, ax yem cumn eb' 'ayach,

Salmos 22:22

'Oj walcn 'el ab'xil 'a scal eb' wit chon̈ab'; a yic 'ay syamnil eb', 'oj ach in b'itnoc 'a scal eb', ax waln 'ixtic:

Apoc 21:24

Ax eb' 'anma 'a junjn nacion̈, 'oj b'eyc' eb' 'a scal sacq'uinl 'ay 'a jun chon̈b' cha. Ax eb' niwc yajl 'a yolyib'n̈q'uinal, 'oj c'och eb' ta'. 'Oj yi't eb' sricoal siylab'oc.

Apoc 11:15

'Ix yutz'n jun yucl ángel pax strompeta. Xlajw cha, x'och jun tzo'n̈ paxti 'a satcha'an̈. Caw 'ip 'ix yal 'ixtic: A eb' yajl yaj 'a yolyib'n̈q'uinal, wal ticnec tzcan yopiso eb' yico'oc Dios Cajlil, tzcan pax yico'oc Cristo. A 'oj 'a'nc Yajlil 'a jun 'ejmn̈ej, xchi eb'.

Is 60:16

Ax eb' nacion̈ cha, 'oj yac' eb' tas wach' 'oj e c'uxu'. 'Oj ex yac' servil eb' rey yet' tas wach' 'ay 'a 'a, 'icha tzyutj junc 'ix nunb'il ya'n chuw yune'. 'Ixta 'oj ex yutc eb' rey chi ex ya'n servil, ax eyojcan 'eli, to an Jehová in, e Diosal in to tztac' wuj smasnil, e Colmal pax waji.

Is 49:23

A ewin rey, a ewin 'oj c'uytzanc eb' one cha, ax eb' 'ix reina a eb' 'ix 'oj cuchnb'eyc'oc eb'. A eb' rey cha, 'oj yic' 'ejm sb'a eb' 'ayach. Ata 'oj nachjoc 'el o'oj, chajtlto an ton Jehová in. A eb' tzin 'a'n 'och 'a sc'ojol, ma'oj can eb' 'a q'uixwc'ojlal, xchi Dios.

Salmos 102:22

a yic 'oj syam sb'a eb' 'anma 'oj cot 'a junjn nacion̈, ax ya'n eb' 'emmquilal 'aych Mamin Jehová.

Salmos 71:18

Man̈ in actc can in ch'ocoj, wach'xam 'ichm in xo, sacx xil in jolom, palta an̈j 'ijnoc 'oj wal-l a jelnal, yet' a tojlal 'a eb' tot 'oj 'aljoc.

Salmos 51:13

Yic wach' a eb' tz'ec' 'a yib'an̈, 'oj in cuy eb' 'a a b'eyb'al, ax eb' tzb'on maysch'olnil, 'oj meltzjoc pax 'och eb' wuj 'a yol a c'ab'.

Salmos 57:9

Mamin, 'oj ach in b'itnoc 'a scal eb' chon̈ab', yet' 'a scal eb' niwc nacion̈.