Salmos 137:7 - Chuj San Sebastian Bible

⁷ Mamin Jehová, na cot wal tas yaljnac eb' edomita yic yem Jerusalén, yic yaln eb' 'ixtic: Ma'c 'ejm smasnil, masnto tz'em'ch 'a 'aj 'ay yipnub'al yich, xchi eb'.

Chuj San Mateo Bible

⁷ Mamin Jehová, nacot eb' aj Edom, yujto ayic ix yamchaj chon̈ab' Jerusalén, ix yal eb' icha tic: Pojequemi, pojequemi, masanto scheclaj cimientoal yich, xchi eb'.

Salmos 137:7 Referans Kwoze

Habacuc 3:13

Ach 'elt colwjoc 'a a chon̈ab', yet' 'a win rey sic'b'il 'el o'oj, ax win syajlil eb' 'anma maysch'olnil 'ix a te'cn 'ejmi. 'Ix a satn 'el schon̈b' winac, masnto sat 'ejm yopiso winac.

Am 1:11

A Jehová tzaln 'ixtic: A wal eb' 'aj Edom, man̈x jantcoc maysch'olnil sb'o eb', yuj cha, yowlal 'oj wa'ch yailal 'a yib'n̈ eb'. Caw spech b'eyc'oc eb' smasnil eb' yican, atn eb' israel, yic tzmilx cham eb' yuj eb', may xon jac sniwnc'ojlal eb' 'a eb', tzb'on eb' tas tznib'j yet' yowl sc'ojl chi 'a eb'. Matz 'at satc'ojlal yowl sc'ojl eb' chi yu'uj.

Ez 35:2

Ach 'anma', 'ixc q'ueln 'a yib'n̈ chon̈b' Seir, tzaln can 'at jun tzo'n̈ paxti tic 'a yib'an̈.

Os 7:2

Toc tzna eb', toto nab'il smul eb' chi wu'uj. A ticnec, a smaysch'olnilal eb' chi oyn xo 'och 'a 'a, yujto checln̈ej yaj smul eb' 'a in sat.

Salmos 74:18

Mamin Jehová, na coti chajtlto a eb' 'ajc'ojl yajch 'ayach, caw tzach stzuntzj eb', tzlaj yal eb' tu paxti 'ayach, tzach sb'uchn pax eb'.

A Ch'an̈ B'ab'el Libro Samuel 15:2

'Ixtc wal yaln Jehová tztac' yuj smasnil: 'Oj in satl eb' amalecita yujto xmacx eb' in chon̈b' yuj eb' 'a yol b'e yic yelt eb' 'a Egipto.

Ex 17:14

Xlajw cha, xyaln Jehová 'ixtc 'a Moisés: —Tz'ib'j can jun tzo'n̈ tic 'a junc u'un̈, sec 'oj naxoc coti. Al 'a Josué chajtlto an 'oj in satl eb' amalecita 'a jun 'ejmn̈ej; man̈x 'a b'a'n̈ 'oj alxoc cot eb', xchi Dios.

Nehemías 6:14

Yuj cha, in leslwi 'ixtic: Ach in Diosal tza na coti, to tza'ch yailal 'a yib'n̈ Sanbalat yet' Tobías, yuj jun tzo'n̈ tas 'ix sb'o eb' cha. An̈jtona', tza nan pax cot 'ix Noadías, 'ix cob' ya'ch sb'a yaln 'el a paxti', yet' jun tzo'n̈ xo eb' tzyalch sb'a a checb'oc, yujto tzyac' eb' 'ip in xib'tni, xin chi.

Ez 35:15

Yujto a yic slajw 'el chon̈b' Israel wu'uj, caw wal tzaljnac ach, yuj cha, 'icha wal 'ajnc cha, 'ixta 'oj ach wutc ach in satn 'eli. 'Oj can eb' lum switzl Seir 'a cusltaquil, atn lum slum can Edom, 'ixta to b'i'an, ax in ojcan 'eli to an Jehová in, to cojn in ton Dios in, xchi Dios, xa chi.