Salmos 137:3 - Chuj San Sebastian Bible

³ Ax eb' on̈ 'i'nec 'at 'a 'icha presoal cha, yuj sb'uchwj eb' 'ayn̈ec, xyaln eb' to tzon̈ b'itnec 'a tzaljc'ojlal, a sb'itl Sión tzyac' eb' qui b'itnoquec.

Chuj San Mateo Bible

³ A eb' ix on̈ ic'anb'at icha d'a preso, ix b'uchvaj eb' d'ayon̈, ix yalan eb' icha tic: B'itanan̈ec d'a tzalajc'olal, a sb'ital Sion tze b'itej d'ayon̈, xchi eb'.

Salmos 137:3 Referans Kwoze

Lc 21:6

—A wal jun tzo'n̈ wan eyiln tic, 'ay jun tiempoal 'oj jawoc, c'uxn 'oj ma'xc 'ejm smasnil. May junc q'uen tusb'il tic 'oj can 'a yib'n̈ yit q'uenal, xchi 'a eb'.

Miqueas 3:12

Smulyujoc eb', ax slajw 'ejm Jerusalén, atn jun chon̈b' yic tzaln Sión, 'icha wal t'ocb'il lum 'oj 'ajcni. Jun b'uln̈ 'oj 'ajcn 'ejmi, ax lum tzaln 'aj 'ay yatut Dios, waymtac 'oj 'ajcni.

Jeremías 26:18

A 'a yol stiempoal Ezequías sreyl Judá, a Miqueas 'aj Moreset, 'ix paxtin 'el 'a sb'i Jehová 'a smasnil eb' chon̈b' 'a Judá, 'ix yaln 'ixtic: A Jehová, tztac' yuj smasnil, a tzaln 'ixtic: A chon̈b' Sión tic, 'oj cancn lum yico'oc munljel. A Jerusalén jun b'uln̈ 'oj 'aj slan̈chj can 'ejmi, ax jun tzaln 'aj b'ob'il watut, waymtac xoj 'oj 'ajcni, xchi Dios, xchi Miqueas cha.

Jeremías 9:11

'Ix wab' spacn Jehová 'ixtic: A yic 'oj lajwc in b'on jun tzo'n̈ tic, a Jerusalén yet' Judá, jun b'uln̈ 'oj wutc in ma'n 'ejm lan̈chjoc cani. Axn̈ej no 'ocs 'oj 'ec' ta', xchi Dios.

Is 35:10

A eb' colb'ilx 'el yu'uj, caw 'oj b'itn eb' 'a stzaljc'ojlal yic 'oj c'och eb' 'a Sión. 'Oj 'aj cajn eb' ta 'a tzaljc'ojlal yet' 'a jun 'ejmn̈ej. 'Oj 'ilchjoc wach'il yet' tzaljc'ojlal yuj eb', ax yailal yet' 'oq'uel, 'oj satcn 'eli.

Salmos 80:6

On̈ ac' wal tzetzxoc yuj eb' 'anma 'ay 'a qui la'nil on̈, ax eb' 'ajc'ojl yajch 'ayn̈ on̈, caw wal tzon̈ sb'uch eb' on̈.

Salmos 79:1

Ach qui Diosal on̈, 'ix wul stoc'c' eb' chuc chon̈b'al lum a lum tic. 'Ix yixtj 'el eb' atut, xlajw cha, sma'n can juwc eb' chon̈b' Jerusalén.

Salmos 65:1

Ach qui Diosal on̈, smoj wal yalx wach' paxti 'aych 'a Sión, caw smoj ca'n 'el'choc tas ta'wb'il cuj 'aych on̈.

Salmos 9:14

To 'ixta', 'oj wal-l 'a 'aj tz'och eb' 'anma 'a spuertail Jerusalén, to ach tic smoj wal yalx wach' paxti 'ayach. Caw tzin tzalj ticnec, yujto in a colcn 'eli.

Nehemías 4:2

Syamn 'och yaln b'uchwal paxti 'ayn̈ 'a sat eb' yitb'eym ajun yet'oc, yet' 'a sat eb' soldado 'aj Samaria, xyaln 'ixtic: ¿Tas wan sb'on jun tzo'n̈ israel 'a'm wejl tic? ¿Tom 'oj ya'x eb' xajmb'al jun 'ejm xo snani? ¿Tom junn̈j c'u 'oj sb'o eb' jun munljel tic snani? ¿Tzcob' sna am eb' to a 'a scal jun tzo'n̈ tz'anc q'uen tic, ata 'oj yic' 'elt eb' jun tzo'n̈ 'a't q'uen yalni? xchi eb'.

1 Cr 16:7

A 'a jun c'u cha, sb'ab'l to yaln David 'a Asaf, yet' 'a eb' 'aych yet'oc, to tzb'ab'l b'itnej eb' jun b'it tic yuj yaln eb' yuj diosal 'a Jehová:

Is 51:11

'Ixta pax 'oj 'aj smeltzj eb' colb'ilx 'el 'oj Mamin Jehová, caw 'ip sb'itn eb' yuj tzaljc'ojlal ax sjapx eb' 'a Sión. Caw wal tzetzetzn sat eb' yuj tzaljc'ojlal, yujto 'oj 'ilchjoc pax wach'l yuj eb', ax yailal yet' 'oq'uel, 'oj sat 'ejm 'a scal eb'.

1 Cr 15:27

A te pichl lino caw wach' 'aych yuj David, 'ixta pax yic eb' levita b'achjnac te caxa cha. An̈jtona', 'ixta pax yic eb' tzb'itn cha, 'ixta yic Quenanías win tzjucb'tzan eb' tzb'itni. A David 'aych pax jun schaleco nab'a lino yu'uj.

Pr 25:20

A yic tzb'itnax junc b'it eyab'i', yic 'ayx 'och 'a eyailal, lajn wal syal tzeyab' 'icha yic tz'ajx 'och vinagre 'a sat junc lajwel, mto 'icha yic tzijx 'el qui pichul yic 'ay si'ic.