Salmos 136:16 - Chuj San Sebastian Bible

¹⁶ 'A x'i'n b'ey eb' schon̈b' 'a lum cusltac lu'um. A schamc'ojlal Dios 'ayn̈j 'a smasnil tiempo.

Chuj San Mateo Bible

¹⁶ A' ic'annac b'ey eb' schon̈ab' d'a tz'inan luum, yujto ayn̈ej svach'c'olal d'a masanil tiempo.

Salmos 136:16 Referans Kwoze

Dt 8:15

Yujto a 'on̈ 'i'nec b'ey 'a lum cusltac lum caw 'ay smay, lum 'aj 'ay no chan man̈x 'a yan̈il, 'a 'aj 'ay no sina'an, 'a 'aj may a a wach' yu'xi. Palta a Jehová, a 'ix 'a'n 'eltoc a a 'a sat q'uen q'ue'en, 'ix laj cu'nec a'.

Ex 15:22

Xlajw cha, xyi'n 'elt Moisés eb' israel chi 'a sti a Chac Mar, 'ix cot eb' 'a lum cusltac lum yic Shur. 'Oxe c'u xb'ey eb', may xon 'aj 'ix 'ilchj jac a a yuj eb'.

Ex 13:18

Yuj cha, 'ix 'ec' oyyoc eb' yuj Dios 'a lum cusltac lu'um, yet' 'a sti a Chac Mar. A yic 'ix 'elt eb' israel 'a yol yic Egipto, yet' eb' syamc'ab' yic owal, 'icha yic eb' soldado.

Salmos 77:20

'Ix ej b'ey eb' a chon̈b' 'icha tzyac' no calnelu tz'ijx b'eyoc. A Moisés yet' Aarón a eb' xa c'anlb'ej.

Dt 8:2

Nac cot wal si'mb'il, chajtlto chawinc ab'il on̈ b'eyc cot 'a lum cusltac lum yuj Jehová qui Diosalec. 'Ix yac' quilc yailal, on̈ ya'lni prowal yet' qui nab'en, toto yel tzqui yicljec schecnb'il tic, mto ma'ay.

Is 49:10

Man̈x 'oj yac' eb' wejel, mto tacn̈ti'al. Man̈x 'oj yab' eb' syal yuj sc'a'l yoc c'u, yujto 'ay in chamc'ojlal 'a eb'. 'Oj in jucb'tzoc eb', ax wi'n pax 'at eb' 'a 'aj tzpac' a a'.

Nehemías 9:19

palta ach tic, yuj a niwquil chamc'ojlal, ma'ix actjcan eb' 'a lum cusltac lu'um. A jun niwquil 'asun, ma'ix 'el 'a yojltac eb' yic tz'ijx b'ey eb' 'a c'ul yu'uj, yet' jun niwquil c'ac' ma'ix 'el 'a yojltac eb' 'a 'ac'wal, yic tzictajx sb'e eb' 'ajtil tz'ati.

Nehemías 9:12

'Ix e'n b'ey eb' yet' jun niwquil 'asn 'a c'ual, ax 'a 'ac'wal, 'ix e'n b'ey eb' yet' jun niwquil c'ac', sec wach' tzictajx sb'e eb' 'ajtil tz'ati.

Dt 11:5

Nac cot wal tas on̈ yutjec 'a lum cusltac lu'um, masnto on̈ jawc yuj 'a jun lugar tic.