Salmos 134:1 - Chuj San Sebastian Bible

¹ E masnil ex schecb' Jehová, alc e wach' paxti 'a 'a. Jantc ex to 'ayx 'ec' 'a yol yatut 'a junjn 'ac'wal,

Chuj San Mateo Bible

¹ Ex schecab' Jehová, alec vach' lolonel d'a Jehová chi'. Alec vach' lolonel d'ay mach ex tze tan̈vej stemplo tz'ec' ac'val.

Salmos 134:1 Referans Kwoze

Salmos 120:1

A yic 'ayn 'och 'a in somc'ojlal, ax 'aych Mamin Jehová ata xwal in b'a, yuj cha, in a ta'wni.

1 Cr 9:33

An̈jtona', 'ay pax eb' yajl yaj 'a eb' yin̈tl levita to tzb'itni, ata cajn eb' 'a jun tzo'n̈ cuarto yic yatut Dios cha. Matz tac' yiln eb' jun tzo'n̈ xo munljel, yujto sc'ual yac'wlil smunlj eb', witz'n eb' yuj yopiso cha.

Apoc 19:5

Xlajw cha, xwab'n yoch jun paxti 'a 'aj 'ay sdespacho Dios. 'Ix yaln 'ixtic: ¡Calc wach' paxti 'a qui Diosalec! e masnil ex tzeyac' servil 'a 'a, yet' ex tzex xiw 'a 'a, ex may wal eyel'chi, yet' ex niwn eyel'chi, xchi.

2 Cr 29:11

Yuj wal cha, ex wit chon̈ab', caw man̈ ex 'iljoc e b'on yatut Dios, yujto a Jehová ex si'n 'eli, sec 'ayx 'ec'n̈ej 'a yojltac yic tzeya'n servil, tzeya'n pax tz'a incienso 'a yojltac, xchi.

Salmos 122:1

Til wal sja'l xwab'i yic xyaln eb' 'ayn 'ixtic: Coyc 'a yatut Jehová, xchi eb'.

Lv 8:35

Yuj cha, uque c'u, uque 'ac'wl tzex can 'a yamq'uil Mantiado tic. Tzeyiclni smasnil jun tzo'n̈ schecnb'il Jehová, sec wach' ma'oj e chami, yujto 'ixta xyutj yaln 'ayin, xchi Moisés 'a eb'.

Lc 2:37

Ax ticnec, 84 ab'il xo scan 'ix sch'ocoj. Caw matz yactj can 'ix yatut Dios, sc'ual yac'wlil ya'n servil 'ix Cajlil. Tzya'n 'och sb'a 'a c'ajb'c'ojlal, tzleslwi paxi.

Salmos 121:1

A yic tzin laj 'at q'ueln 'a lum jolmctac witz, tzwaln 'ixtic: ¿'Aj wal 'oj cot mach tzin colni? xin chi.

Salmos 132:1

Mamin Jehová, ach 'aych 'och quipc an̈ yin̈tl on̈ Jacob tic, na cot David yet' smasnil syailal, na cot wal sti ya'jnac 'ayach yic yaln 'ixtic:

Salmos 131:1

Mamin Jehová, caw man̈ b'an̈quintac in nab'en tzwab'i, man̈ chan̈oc 'ayb't in sat tzin 'eq'ui, man̈ niwc wincoc tzwutj in b'a tzin 'eq'ui, matz in 'och tza'n yuj junc tas man̈ in lajnoc yet'oc.

Salmos 130:6

Caw tan̈b'il a colwal wu'uj, 'icha stan̈wni eb' tan̈m chon̈b' sacb'i, 'icha snib'n eb' sacb' cha, 'ixta 'in.

Salmos 129:1

Ex wit israelal, til wal jun tzo'n̈ yailal 'ix ya'ch eb' 'ajc'ojl chi 'a quib'n̈ec yic cochc can chon̈b'al. Calc cab' 'ixtic:

Salmos 128:1

Caw wach' yic eb' yiclum tzyutj sb'a 'a Jehová, yujto 'oj scha eb' swach'c'ojlal.

Salmos 126:1

A yic sjeln Jehová snab'en 'a yib'n̈ Sión yuj tas 'aych 'a yib'an̈, 'icha ton̈j on̈ waychniec xquila.

Salmos 123:1

Mamin Jehová Yajl ach 'a satcha'an̈, a 'aych tzin q'ue q'uelan, yic tzin c'ann tas tzin nib'ej.

Dt 10:8

Atn 'a jun tiempoal cha, ata si'jnac can 'el Jehová eb' yin̈tl Leví, sec a eb' tzb'achn b'ey te scaxail trato. A eb' x'och yac' servil Jehová, ax 'a sb'i, ata tzyal eb' wach' paxti 'a quib'n̈ qui masnil, 'icha ton yaj ticnec.

Salmos 133:1

'Iltec wali, til wal sja'l yaj eb' to yu'tac sb'a, yanb' sb'a mto snul'j sb'a yic junn̈j tzyutj eb' snab'en smasnil.

Salmos 103:21

E masnil ex 'aj satcha'an̈, alc e wach' paxti 'a Jehová, yujto wan eya'n servil 'icha tznib'ej.

Salmos 127:1

Toto man̈oc Jehová tzcolwj yet' eb' tzb'on junc n̈a, toto 'ixta', nab'an̈ej tzmunlj eb' tzb'on cha. Toto man̈oc tzcolwj yet' eb' tztan̈wni chon̈ab', toto 'ixta', tom 'ay jac yel'ch ewin tztan̈wni yol chon̈b' cha.

Salmos 125:1

A eb' tzya'ch wal sc'ojl 'a Jehová, lajn eb' 'icha lum tzaln Sión matz 'ib'x 'a yet'ul, junn̈j yet'l 'aj 'ayc' 'a smasnil tiempo.

Salmos 124:1

Q'uinloc man̈toc x'och Jehová quet'ec, ¿tasm on̈ 'ajec? Ax ticnec ex wit israelal calc 'ixtic:

1 Cr 9:23

Atn eb' yet' eb' yunnal, tz'och 'a stzol-l stan̈wni spuertail yatut Jehová, tzyal 'el'chi, atn scajnub'.

Apoc 7:15

Yuj cha, 'ayc' eb' 'a yojltac sdespacho Dios 'a yatut. Sc'ual yac'wlil ya'w servil eb'. Ax jun wocn 'ejm 'a sdespacho cha, a tztan̈wni eb', yujto 'ayc'n̈ej yet' eb'.

Salmos 130:1

Mamin Jehová, a wal tzwutj wab'ni a 'a yich junc lum xab' 'ayn 'eq'ui, yic tzwaln in b'a 'ayach.

1 Cr 9:27

A eb' tic 'ayc'n̈ej eb' 'a spatquil yatut Dios tz'ec' 'ac'wal, yujto 'aych 'a yib'n̈ eb' stan̈wni jun yatut Dios cha, tzjacn eb' 'a junjn sq'uin̈b'ial.

2 Cr 35:5

Wach' eyaj 'a yamq'uil yatut Jehová nan̈loc ex ax levita ex tic, a tzyal sb'ey stzol-l junjn macan̈, sec wach' tzex colwj 'a junjn macn̈ eb' quit israelal to yican sb'a,

Nehemías 12:9

Ax Bacbuquías yet' Uni yican sb'a eb' yet' eb', a eb' tz'och lin̈n 'a yojltac eb' yic tzb'itn eb'.

Salmos 84:5

Caw wach' yic eb' to yipc'ojlal aj yu'uj, atn eb' tznib'j tzc'och yil q'uin̈ 'a lum tzaln Sión 'aj tz'och 'emmquilal 'ayach.

Salmos 113:1

¡Alx wach' paxti 'a Jehová! An̈ schecb' on̈c Cajlil, calc wach' paxti 'a 'a.