Salmos 132:1 - Chuj San Sebastian Bible

^1-2 Mamin Jehová, ach 'aych 'och quipc an̈ yin̈tl on̈ Jacob tic, na cot David yet' smasnil syailal, na cot wal sti ya'jnac 'ayach yic yaln 'ixtic:

Chuj San Mateo Bible

^1-2 Mamin Jehová Te ay ip, co Diosal ach a on̈ yin̈til on̈ vin̈aj Jacob, nacot vin̈aj David yed' syaelal. Nacot sti' vin̈ ix yac' d'ayach ayic ix yalan vin̈:

Salmos 132:1 Referans Kwoze

Salmos 129:1

Ex wit israelal, til wal jun tzo'n̈ yailal 'ix ya'ch eb' 'ajc'ojl chi 'a quib'n̈ec yic cochc can chon̈b'al. Calc cab' 'ixtic:

Salmos 120:1

A yic 'ayn 'och 'a in somc'ojlal, ax 'aych Mamin Jehová ata xwal in b'a, yuj cha, in a ta'wni.

Lm 5:1

Mamin Jehová, na coti jantc wal tas x'ec' 'a quib'n̈ on̈, 'ilt wal tzon̈ 'aj quixtx on̈.

Lm 3:19

A yic tzin nan cot in cusc'ojlal, yet' yic in can in ch'ocoj; caw wal tzwab' syal si'mb'il.

Salmos 131:1

Mamin Jehová, caw man̈ b'an̈quintac in nab'en tzwab'i, man̈ chan̈oc 'ayb't in sat tzin 'eq'ui, man̈ niwc wincoc tzwutj in b'a tzin 'eq'ui, matz in 'och tza'n yuj junc tas man̈ in lajnoc yet'oc.

Salmos 130:1

Mamin Jehová, a wal tzwutj wab'ni a 'a yich junc lum xab' 'ayn 'eq'ui, yic tzwaln in b'a 'ayach.

Salmos 128:1

Caw wach' yic eb' yiclum tzyutj sb'a 'a Jehová, yujto 'oj scha eb' swach'c'ojlal.

Salmos 127:1

Toto man̈oc Jehová tzcolwj yet' eb' tzb'on junc n̈a, toto 'ixta', nab'an̈ej tzmunlj eb' tzb'on cha. Toto man̈oc tzcolwj yet' eb' tztan̈wni chon̈ab', toto 'ixta', tom 'ay jac yel'ch ewin tztan̈wni yol chon̈b' cha.

Salmos 126:1

A yic sjeln Jehová snab'en 'a yib'n̈ Sión yuj tas 'aych 'a yib'an̈, 'icha ton̈j on̈ waychniec xquila.

Salmos 125:1

A eb' tzya'ch wal sc'ojl 'a Jehová, lajn eb' 'icha lum tzaln Sión matz 'ib'x 'a yet'ul, junn̈j yet'l 'aj 'ayc' 'a smasnil tiempo.

Salmos 124:1

Q'uinloc man̈toc x'och Jehová quet'ec, ¿tasm on̈ 'ajec? Ax ticnec ex wit israelal calc 'ixtic:

Salmos 123:1

Mamin Jehová Yajl ach 'a satcha'an̈, a 'aych tzin q'ue q'uelan, yic tzin c'ann tas tzin nib'ej.

Salmos 122:1

Til wal sja'l xwab'i yic xyaln eb' 'ayn 'ixtic: Coyc 'a yatut Jehová, xchi eb'.

Salmos 121:1

A yic tzin laj 'at q'ueln 'a lum jolmctac witz, tzwaln 'ixtic: ¿'Aj wal 'oj cot mach tzin colni? xin chi.

Ex 2:24

'ix yab'n pax yoc' eb', yuj cha, 'ix snan cot strato yet' Abraham, Isaac yet' Jacob.

Gn 8:1

Ax Noé yet' eb' yico', yet' smasnil no noc' 'aych yet' 'a yol barco cha, nann̈ej eb' yuj Dios, yuj cha, 'ix ya'n cot Dios jun niwquil 'ic' 'a yib'n̈ a a cha, sec wach' tztup 'ejm a'.

Salmos 25:18

'Ilt cot in cusc'ojlal yet' in yailal, tza'n niwnc'ojlal 'ayn yuj smasnil in maysch'olnilal.