Salmos 130:5 - Chuj San Sebastian Bible

⁵ 'A smasnil in c'ojol, tzin tan̈wni a colwal Mamin Jehová, ax a paxti tzwa'ch yipc in c'ojol.

Chuj San Mateo Bible

⁵ Mamin Jehová, d'a val smasanil in c'ool tzin tan̈vej yic tzach javi in a colo'. Svac'och a lolonel yipoc in c'ool.

Salmos 130:5 Referans Kwoze

Salmos 33:20

An̈ec tic, a Jehová a 'aych yipc qui c'ojol, a tzon̈ colnec, tzon̈ stan̈wni paxi.

Is 30:18

Palta tic wal tan̈b'ilx yuj Jehová, yic tz'o'ch sc'ojl 'ayex, sec tzex ya' niwnc'ojlal. A Jehová caw tojl snab'en, a smasnil 'anma tz'a'n 'och yipc sc'ojol, caw wach' yic eb'.

Salmos 119:81

Til wal in nib'n tas wal tzin otj in a colni; yuj cha, xwa'n 'och a paxti yipc in c'ojol.

Salmos 62:5

Cojn 'a Dios 'aj tz'ilchj junc'ojlal wu'uj, cojn yipc'ojlal yaj wu'uj.

Salmos 62:1

Cojn 'a Dios 'aj tz'ilchj junc'ojlal wu'uj, a 'a tzcot in colnb'il.

Salmos 40:1

'Ix wac' techjoc in tan̈wni scolwal Jehová, 'ix smaclni yab' tas xwala.

Salmos 27:14

Ex wit 'anma'il, 'a'c pax 'och Jehová yipc e c'ojol. Te'n tzeyutj e b'a, man̈ e chab'c'ojloc e b'a. Cojxn̈ej wal Jehová tzeya'ch yipc e c'ojol.

Is 8:17

Wach'xam tzc'ub'j 'el sb'a Jehová 'a 'ayn̈ an̈ yin̈tl on̈ Jacob tic, palta an tic, tzwa'ch 'a in c'ojol, to a yipc'ojlal yaj wu'uj.

Salmos 119:74

A eb' tzyal sb'a 'ayach, caw 'oj tzaljoc eb' yic tzin yiln 'och eb', yujto a 'a paxti tzwa'ch yipc in c'ojol.

Salmos 119:114

Ach ton 'aych 'och wet'oc, in Colmal aji; a 'a paxti tic, a tzwa'ch yipc in c'ojol.

Gn 49:18

¡Mamin Jehová tzin tan̈wj in a colni!

Salmos 119:49

Na cot jun tzo'n̈ a paxti a'jnac 'ayn an a checb' in tic, atn 'a eb' 'aj xwa'ch in nab'en.

Is 26:8

Mamin Jehová, an̈ tic on̈ caw wal tzqui b'eylb'ej jun tzo'n̈ b'eyb'al tzyal a ley. A wal tas tzqui nib'ej, to nab'ilchn̈ej cuj on̈.

Salmos 119:42

Toto tzac' 'el'choc jun tzo'n̈ a paxti 'aych yipc in c'ojl cha, to 'ixta', 'oj stac' wa'n spac 'a eb' tzb'uchwj 'ayin.

A Ch'an̈ Carta D'a Eb' Hebreo 6:18

Caw ya'jnac Dios sti', slocjnac sb'i, yuj cha, a tas yaljnac, may b'a'n̈ 'oj jelxoc, yujto a Dios, matz tac' ya'n 'es. A tas yaljnac cha, caw tzyac' sniwnal qui c'ojlec, yujto ca'jnaquec qui b'a 'a 'a, tzon̈ scolni. Wan qui tan̈wniec tas 'oj yac' 'ayn̈ec, yujto a tzca'c 'och yipc qui c'ojol.

Lc 2:38

A 'a jun rato cha, 'ix c'och 'ix 'a eb', xya'n 'ix yuj diosal 'a Dios. Xlajw cha, 'ix syamn 'och 'ix yaln 'el yab'xil Jesús 'a scal jantcn̈ej eb' wan stan̈wni sjaw jun tiempoal yic 'oj colchjoc 'el chon̈b' Jerusalén.

Lc 2:25

Ax 'a jun tiempoal cha, ata 'ayc' jun winc 'a Jerusalén, Simeón sb'i. Caw tojl snab'en, an̈j 'a Dios tzyal sb'a. Caw tztan̈wj sjaw jun tiempoal, yic 'oj colchjoc eb' yit israelal. Caw 'aych pax Yespíritu Dios 'a 'a.