Salmos 13:3 - Chuj San Sebastian Bible

³ Ach in Diosal, 'ochn̈ wal q'ueln 'ayin. 'Ac' a wach'c'ojlal 'a wib'an̈, sec matz in comn cham muc'uc.

Chuj San Mateo Bible

³ Mamin Jehová in Diosal, cotan̈ q'uelan d'ayin, tac'van̈ d'ayin, ac' a vach'c'olal d'ayin, yic vach' man̈ ol in pet chamoc,

Salmos 13:3 Referans Kwoze

Esdras 9:8

Palta a ticnec Mamin Jehová, qui Diosal ach on̈, a yuj a chamc'ojlal 'ayn̈ on̈, wach'xam jaywn̈ wal qui b'ey on̈ 'elt 'a libre tic on̈, palta tztac' qui b'on pax 'ejm qui b'a 'a sat lum lum to ec yaji. Ach qui Diosal on̈, 'ix ac' qui tzaljc'ojlal jun 'ejm xo on̈, on̈ a coln pax 'elt 'aj 'ayn̈ 'och mosoal on̈.

Salmos 18:28

Mamin Jehová in Diosal ach, ach tzac' sacq'uinl 'ayin, tze'n 'el q'uic'q'uinl 'ayin.

Jeremías 51:39

An Jehová in, an tzwala: Ya' sb'a wan sq'uixnj chan̈ eb' yuj tzaljc'ojlal, to oj wac' wa eb', ax wa'n 'u'wc 'an̈ eb', 'oj 'el yaw eb' yuj tzaljc'ojlal. 'Oj lajwc cha, ax sway eb' 'a jun 'ejmn̈ej, man̈x 'a b'a'n̈ 'oj 'el swayn̈ eb'.

Salmos 5:1

Mamin Jehová in Reyl ach, in Diosal ach, tzcham wal a maclni in paxti 'oj wal 'ayach. 'O'ch cab' a c'ojl 'ayin yic si'sni sjaw in c'ojol. Tzcham wal a maclni ab'i', yic tzwaln in b'a 'ayach, yujto a 'aych tzin leslwi.

A Ch'an̈ B'ab'el Libro Samuel 14:29

—A 'in mam, caw wal tu tas tzyij cot 'a q'uib'n̈ec. 'Ilt ticnec, caw x'och wip, yujto 'ix in lec' jab' no yal chab' tic.

A Ch'an̈ B'ab'el Libro Samuel 14:27

Palta ax Jonatán, ma'ix yab' ya'n can smam chi jun sti 'a eb' chon̈b' cha, yuj cha, 'ix scoln 'ejm win sn̈i sc'occh 'a scal no yal chab' cha, sle'n winac. Yuj wal cha, caw x'ochx yip win xyab'i.

Ef 5:14

Yuj cha, 'ay jun tzaln 'ixtic: Ach 'icha to waynac, 'ij 'el a wayan̈. Q'uen̈ wan 'a scal eb' 'icha to chamnc to. Ax Cristo 'oj 'a'nc sacq'uinl 'ayach, xchi.

Lm 5:1

Mamin Jehová, na coti jantc wal tas x'ec' 'a quib'n̈ on̈, 'ilt wal tzon̈ 'aj quixtx on̈.

Jeremías 51:57

An Rey in, Jehová tztac' wuj smasnil, 'ixtnta ton wal yalx in b'i, an tzwal 'ixtic: 'Icha wal to 'oj wac' 'u'wc 'an̈ eb' yajl 'a Babilonia, eb' 'a'm nab'en, eb' gobernador, eb' niwc yel'ch yopiso, yet' pax eb' soldado. 'Oj cotcn swayn̈ eb' 'a jun 'ejmn̈ej. Man̈x b'a'n̈ 'oj 'el swayn̈ eb', xin chi.

Salmos 119:153

'Ilt in cot 'a scal in yailal, tzin a colni, yujto ma'ix wac' sat in c'ojl 'a jun tzo'n̈ a cuynb'il tic.

Salmos 31:7

A 'a chamc'ojlal a tz'i'n cot tzaljc'ojlal 'ayin. 'In tzel in cusc'ojlal, ojc pax in somc'ojlal.

Salmos 25:19

Caw wal tzniwtj eb' 'ajc'ojl yajch 'ayin, tznib'j eb' tzin smil chamoc.

Salmos 9:13

Mamin Jehová 'o'ch cab' a c'ojl 'ayin, 'ilt wal cot in somc'ojlal 'aych yuj eb' matz in nib'ni. Coln 'el 'a yol sc'ab' chamel.

Apoc 21:23

A 'a jun chon̈b' cha, may tz'och yoc c'u, may pax tz'och yoc 'uj. Yujto a sacq'uinlal Dios yet' pax sacq'uinlal jun tzcuch Calnelu, a tzyac' sacq'uinlal 'a 'a.

Lc 2:32

A jun tic 'oj 'a'nc sacq'uinl 'a eb' man̈ israeloc, ax sb'inax chon̈b' Israel yu'uj, xchi Simeón cha.