Salmos 13:2 - Chuj San Sebastian Bible

² ¿Jantcto wal tiempo 'oj wac' cus in c'ojl 'a junjn c'u? ¿Jantcto wal tiempo 'ayn 'ec' 'a yol sc'ab' eb' 'ajc'ojl yajch 'ayin?

Chuj San Mateo Bible

² ¿Jantacto tiempo ol in te cus d'a junjun c'u? ¿Jantacto tiempo ay in ec' d'a yol sc'ab' eb' ajc'ool?

Salmos 13:2 Referans Kwoze

Jeremías 8:18

A 'in cusc'ojlal an Jeremías in tic, man̈x 'a yan̈il, caw tzlajw 'ejm in pixn yuj tzwab'i.

Jeremías 15:18

¿Tas yuj may b'a'n̈ tz'och wan in yailal 'icha wal junc lajwel may xon tz'aj yan̈txi? ¿Tom 'oj in extc 'icha junc yet'l a 'elmal a tztup cha'an̈? xin chi 'a Dios.

Lm 1:5

A eb' 'ajc'ojl yajch 'a 'a, 'ix 'ajx ganar yuj eb', a eb' 'ajc'ojl cha, caw wal tzq'ue'ch eb'. A Jehová a 'ix 'a'n 'och syailal jun chon̈b' tic, yujto caw niwn maysch'olnil 'ix sb'o'o. A eb' 'anma cajn 'a 'a, tox 'ix 'ijx 'at eb' 'icha presoal yuj eb' 'ajc'ojl cha.

Pr 15:13

A mach tzalji, tzewj sat, ax mach tzcusi, cusltac yilx sat cha.

Job 10:15

Toto 'ay in mul tz'och 'ayach, caw wal 'oltaquin; wach'xam wach' in, palta matz tac' woch 'a ojltac 'a junc'ojlal, yujto caw wal tzin q'uixw in nan cot in yailal.

A Scarta San Pablo D'a Eb' Aj Filipos 2:27

Yel toni, jab'xoj wal ma'ix cham 'a tic, palta x'o'ch sc'ojl Dios 'a 'a. Yuj cha, 'ix b'oxi. Man̈ cojnoc 'a Epafrodito tic 'ix 'o'ch sc'ojl Dios. 'Ix 'o'ch pax sc'ojl 'ayin, yic xb'ox sc'ojl cha, sec wach' man̈xtzac wach' jaw in cusc'ojlal 'a tic.

Ro 9:2

An tic, caw 'ay in cusc'ojlal. Smasnil tiempo caw tz'och pitz'n 'a in pixn in nan eb' wit israelal, yujto caw tzin nib'j tzcolchj eb'.

Jn 16:6

Ton̈j tzex caw cus chan̈ yuj jun tzo'n̈ tzwalcn 'ayx tic.

Mt 26:38

Yuj cha, xyaln 'ixtc 'a eb': —'Ijn wal tzin cham yuj cusc'ojlal, cann̈ec 'a tic. Pitzn ex cab' wet'oc, xchi 'a eb'.

Lm 1:9

A smul eb' 'anma cha, caw wal checl yaji; palta may tas tzna eb' toto 'ay tas wan sjaw 'a yib'n̈ eb'. Caw wal satjub'tac x'aj slajw 'el schon̈b' eb'; may xon mach x'a'n sniwnal sc'ojl eb'. Yuj cha, tzyaln eb' 'ixtic: Mamin Jehová, 'ilt on̈ cot yet' wal qui yailal on̈, a eb' 'ajc'ojl yajch 'ayn̈ on̈, caw wal xyac' eb' sgana on̈ satn 'el on̈, xchi eb'.

Salmos 116:3

A yailal yic chamel, in sjal 'ejm c'otan. 'Ix jaw xiwc'ojlal yic chaml chi 'a wib'an̈. A yailal yet' cusc'ojlal xin chaj in b'a yet'oc.

Salmos 74:18

Mamin Jehová, na coti chajtlto a eb' 'ajc'ojl yajch 'ayach, caw tzach stzuntzj eb', tzlaj yal eb' tu paxti 'ayach, tzach sb'uchn pax eb'.

Salmos 74:10

Ach qui Diosal on̈, ¿b'a'n̈to wal 'oj 'och wan eb' 'ajc'ojl on̈ stzuntzn on̈? ¿B'a'n̈to wal 'oj 'och wan sb'uchwj eb' 'ayach?

Salmos 42:4

A wal yic tzin nan cot jun tzo'n̈ tic, caw tz'och pitzn syal 'a in c'ojol. Tzin nan cot yic 'ayn 'och 'a scal eb' 'anma', yic tzin jucb'tzan eb' 'a yic tzin c'och 'a atut yet' eb' 'a yic tz'och q'uin̈. Til wal 'aw yic tzaljc'ojlal yet' alj yuj diosal tz'och ta'.

Salmos 31:18

Sictac cab' tz'aj eb' 'a'm 'es, yujto tzyal eb' b'uchwal paxti', tzpatquiln can 'el smasnil eb' 'anma wach' snab'en.

Salmos 17:9

Coln 'el 'a eb' tu snab'en tzin 'ixtni, yet' 'a eb' 'ajc'ojl tzin sayn 'eq'ui yic tzin smiln cham eb'.

Salmos 10:18

Ach tza b'oyaj eb' meb'a 'unn chamnc smam, yet' eb' 'anma tz'ixtxi, yic wach' a eb' 'anma tu snab'en, eb' to chamlb'a yaji, man̈xtzac xib'tx eb' 'emmquilal yec' yuj eb'.

Salmos 9:6

'Ix cham eb' 'ajc'ojl cha, satcn 'el pax schon̈b' eb' yet' 'a jun 'ejmn̈ej, yujto ach xa satl eb', sec man̈xtzac nax cot eb'.

Salmos 8:2

Tza c'anlb'an eb' 'unin yet' eb' tz'ulc 'unin, yic tzyaln eb' wach' paxti 'ayach, sec wach' sictac tz'aj eb' 'ajc'ojol yet' eb' tzchichn 'och 'ayach.

Salmos 7:2

Yujto lajn eb' 'icha no león yic ch'iychtan no schib'ej. Comnoc matz in ac' sch'iychtoc 'at eb', yujto may junc xo mach tztac' in scolni.

Ester 7:6

—A jun 'ajc'ojl tu snab'en cha, atn ton win Amán tic, xchi 'ix. A wal yic xyab'n win Amán jun paxti cha, caw wal sacb'el sat win yuj xiwlal 'a yojltac win rey yet' 'a yojltac 'ix reina Ester.

Nehemías 2:2

Yuj cha sc'anb'n win rey 'ayn 'ixtic: —¿Tas yuj cusltac yilx a sat? Palta 'in may tas tzab' xon syail? Mto 'ay tas tzab' syal yet' a pixan, xchi. —Xlajw cha, in xiw cha'an̈,

A Ch'an̈ B'ab'el Libro Samuel 24:19

Wal yel may junc mach, to a yic tz'ilchj junc 'ajc'ojl yu'uj, tzlajw cha, tzya'n 'el 'a libre. Yuj cha, ¡a cab' Jehová 'oj 'a'nc spac 'aych yuj jun a wach'c'ojlal 'ayn tic!

A Ch'an̈ B'ab'el Libro Samuel 18:29

Yuj cha, caw xwach' xiw Saúl chi 'a 'a, xwach' 'och 'ajc'ojlal jun 'ejmn̈ej 'a David.

Lc 22:53

'Aynn̈ej 'ec' eyet' 'a yatut Dios 'a junjn c'u, palta ma'in eyama. Palta atn yorail tic e b'on 'icha tze nib'ej, yujto a win 'aj q'uic'q'uinl 'aych eyet'oc, xchi 'a ewinac.

Salmos 38:17

Palta jab'xoj in telw 'ejm tzwab'i, man̈xtzac 'och wan jac in yailal tic.

Salmos 6:4

Coln Mamin Jehová, coln yet' a chamc'ojlal.

Lm 5:20

¿Tas yuj xac' sat a c'ojl 'ayn̈ 'a jun 'ejmn̈ej on̈? ¿Tas yuj caw niwn xo tiempo qui can oj on̈?