Salmos 127:2 - Chuj San Sebastian Bible

² May jac tzca'c ganar yic tzon̈ cob' seb' 'ochc 'a qui munljel, tz'at pax c'u cob' qui meltzjec, yic cob' tzqui saynec tas tzqui c'uxu, yujto a Dios tzyac' swach'c'ojlal 'a eb' chamc'ojlb'il yu'uj, ya' sb'a to tz'ilj eb'.

Chuj San Mateo Bible

² Nab'an̈ej syixtej sb'a eb' pilan jun c'u syac' smunlaji, ste och eb' d'a ilc'olal yic tz'ilchaj svael eb', palta axo pax eb' xajan yuj Dios, junc'olal svay eb', a Dios chi' tz'ac'an tas tz'och yuj eb'.

Salmos 127:2 Referans Kwoze

Ec 5:12

Toto munljum on̈ec, toxn̈ej niwn tas tzqui c'uxec, mto ma'ay, palta tzon̈ wayc 'a tzaljc'ojlal. Ax toto rico on̈ec, matz on̈ way qui nan yuj tas 'ay 'ayn̈ec.

Salmos 4:8

Mamin Jehová, a yic tzin 'ec' c'otan, tzaljc'ojlal tzcot in wayan̈, yujto ach 'aychn̈ej 'och wet'oc, yuj cha, may tas tzin 'i'ni.

Job 11:18

'Oj a canx 'a junc'ojlal, yujto 'ay jun tas 'aych yipc a c'ojol; a Dios 'oj a tan̈wni, ax a way 'a tzaljc'ojlal.

Salmos 3:5

Tzq'uic'b'i, tzin 'e'x can c'otn in wayi, ax yic tzsacb' pax 'eli tz'elx in wayn̈ 'a tzaljc'ojlal. Tzin q'uex wa'an yujto ach tzin a tan̈wej.

Jeremías 31:26

A yic xlajw wiln jun tzo'n̈ tic, 'ix 'el in wayan̈, in 'ec' q'uel-loc, caw wach' 'aj in way xwab'i.

Ez 34:25

'Oj in b'o jun in trato yet' eb', ax scan eb' 'a junc'ojlal wet'oc, ax wi'n 'el smasnil tas 'ay smay 'a sat lum lum tic, sec tzaljc'ojlal 'oj scajx eb' lu'um, ax sway eb' 'a junc'ojlal.

Ec 1:14

Ata snachj 'el wu'uj, to a smasnil tas tzcob' qui b'oc 'a yolyib'n̈q'uinl tic, matz c'och qui c'ojlec yu'uj, 'icha wal yic tzcob' qui pechnec qui b'a yet' 'ic' yic tzcob' ca'lnoc qui yamni.

Ec 6:7

A smasnil qui munljelec tzqui b'o'o, cojn yuj yoch yopiso 'a qui niwnal, tzqui b'onec, palta may b'a'n̈ tz'och wan qui nib'nec tas tzqui nib'ej.

Ec 4:8

'Ay mach sch'ocoj, may xon junc yunnal, mto may junc yu'tac, palta matz 'ilj xon jac smunlji, matz 'och wan sayn 'ec' sricoal. May 'aj tzyec sna jac 'ixtic: ¿Mach yu'uj tzwixtn in b'a in munlji? ¿Tom 'ay mach 'aj 'oj can jun tzo'n̈ tic wu'uj? ¿Tas yuj may jac tzaljc'ojlal tzwila? tom xchi. A jun cha, nab'an̈ej.

Salmos 60:5

Ta'wan̈ 'ayn̈ on̈, coln̈ yet' a poder, col eb' 'anma tza chamc'ojlej.

Pr 10:22

Yuj swach'c'ojlal Jehová tz'och junc mach ricoal, man̈ yujoc to caw wal tzyixtj sb'a smunlji.