Salmos 126:4 - Chuj San Sebastian Bible

⁴ Mamin Jehová, 'a'x a wach'c'ojlal 'a quib'n̈ on̈ 'icha xon caj 'a pecti 'on̈. 'Icha tz'aj syaxb' pax sat lum cusltac lum yuj n̈ab' 'a lum Neguev, 'ixta cab' tzon̈ otj on̈.

Chuj San Mateo Bible

⁴ Mamin, ac'n̈ej a vach'c'olal d'a quib'an̈, icha tz'aj syaxb'i sat lum taquin̈ luum yuj a' eluma' d'a lum Neguev.

Salmos 126:4 Referans Kwoze

Salmos 85:4

Ach qui Diosal on̈, qui Colmal aji, colwjan̈ pax quet' jun 'ejm xo on̈. 'Ij 'och wan yowl a c'ojl 'a quib'n̈ on̈.

Os 1:11

'Oj lajwc cha, ax syamn sb'a smasnil eb' 'aj Judá, yet' eb' 'aj Israel, junxn̈ej syajlil eb' 'oj ya'chi. Junxn̈ej 'oj 'aj sjapx eb' wul yi'x slum jun 'ejm xo. ¡Caw niwn yel'ch jun c'u yic Jezreel!

Is 43:19

'Ay jun tas 'oj in b'o', mant 'a 'aj tzuj xoni, 'oj eyil nab'an. 'Oj in jac jun b'e 'a lum cusltac lu'um, ax wa'n b'ey yoct a a 'a sat lum tacn̈ lu'um.

Is 41:18

'Oj wac' pac'q'uet a a 'a lum jolmctac witz, ax wa'n pitzwc a spac'b'a 'a snan̈l eb' lum pan̈n 'a'lic. A lum cusltac lu'um, 'oj wa'cn 'och lum yaxlumal, ax 'a lum tacn̈ sat, 'oj wac' pac' a a 'oj b'ey yoctac.

Is 35:6

A eb' tz'em sb'eyi, 'oj b'atjoc chan̈ eb' sb'ey 'icha no c'ultquil chej, yet' eb' matz uj xon spaxtini, 'oj b'itnc chan̈ eb' yuj tzaljc'ojlal. Ax 'a lum cusltac lu'um, yet' 'a lum caw tacn̈ sat, til wal a a 'oj q'uelc pulnjoc spac' 'a eb' lu'um.

Salmos 126:1

A yic sjeln Jehová snab'en 'a yib'n̈ Sión yuj tas 'aych 'a yib'an̈, 'icha ton̈j on̈ waychniec xquila.

Josué 3:16

Span̈tzan sb'a a 'a snajtil 'el sti chon̈b' Adam, masnto 'ix c'och a ste'n sb'a 'a 'aj 'aych smuroal chon̈b' Saretán. Ax a xcan 'a yaln̈ 'ejm cha, 'ix b'eyn̈j 'at a', masnto xlajw c'och 'a a Mar Muerto. 'Ix tacj can chan̈ sb'e a cha, ya sb'a x'ec' eb' israel 'a yojl a'.

Jeremías 29:14

'Oj in ch'oxn̈j in b'a 'ayex. An Jehová in, an tzwala to 'oj in jel tas 'aych 'a eyib'an̈, ax ex wi'n cot 'a smasnil nacion̈, yet' 'a smasnil 'ajtil sactzicnac eyajcn 'at wu'uj. 'Oj ex in molb'tzoc paxta, ax e jab'x 'a 'aj 'ayx 'eq'ui, yic eyijx 'ati.

Jeremías 30:3

Yujto 'ay jun c'u 'oj jawoc, 'oj in jel tas 'aych 'a yib'n̈ in chon̈b' Israel yet' 'a Judá. An Jehová in, an tzwala to 'oj wi'x meltzjoc eb' chon̈b' 'a lum lum wa'jnac yico'oc eb' e mam e yicham, xchi Dios.