Salmos 126:1 - Chuj San Sebastian Bible

¹ A yic sjeln Jehová snab'en 'a yib'n̈ Sión yuj tas 'aych 'a yib'an̈, 'icha ton̈j on̈ waychniec xquila.

Chuj San Mateo Bible

¹ Ayic ix on̈ yic'anxi meltzaj Jehová b'aj sacleminac cajcanb'ati, ix on̈ yic'ancot d'a Sion tic, ichato ton̈ej ix on̈ vayichani.

Salmos 126:1 Referans Kwoze

Os 6:11

An̈jtona ax tic ex 'aj Judá, tox 'ix wala, tas c'ual 'oj jawc eyailal. A yic tzin nib'n wan̈tn eb' in chon̈b' 'a yol yic Efraín yet' eb' 'aj Samaria, yic tzin jeln tas 'aych 'a yib'n̈ in chon̈b' Israel,

Jl 3:1

A wal yic 'oj jawc jun c'u cha, caw 'oj wi'xq'ue'ch Judá yet' Jerusalén tic 'a swach'l jun 'ejm xo.

Salmos 85:1

Mamin Jehová, yel xo wal wach' a nab'en 'a quib'n̈ an̈ a chon̈b' on̈ tic, yuj cha, 'ix a'n meltzjoc qui tzaljc'ojlal an̈ yin̈tl on̈ Jacob tic jun 'ejm xo.

A Tas Sc'ulejnac Eb' Schecab' Jesús Hechos 12:9

Yuj cha, 'ix 'och tza'n Pedro yu'uj. 'Ix 'elt 'a jun cuarto 'aj 'aych cha. A snani, ton̈j tzwaychni. Man̈ yojcoc, toto yel tz'elta.

Salmos 120:1

A yic 'ayn 'och 'a in somc'ojlal, ax 'aych Mamin Jehová ata xwal in b'a, yuj cha, in a ta'wni.

Salmos 123:1

Mamin Jehová Yajl ach 'a satcha'an̈, a 'aych tzin q'ue q'uelan, yic tzin c'ann tas tzin nib'ej.

Salmos 53:6

A cab' wal 'a tzaln Sión tzcot qui colnb'il an̈ israel on̈c tic. A yic 'oj ya'nc pax Jehová swach'c'ojlal 'a quib'n̈ec jun 'ejm xo, caw 'oj qui tzaljec an̈ yin̈tl on̈c can Jacob tic.

Salmos 125:1

A eb' tzya'ch wal sc'ojl 'a Jehová, lajn eb' 'icha lum tzaln Sión matz 'ib'x 'a yet'ul, junn̈j yet'l 'aj 'ayc' 'a smasnil tiempo.

Salmos 124:1

Q'uinloc man̈toc x'och Jehová quet'ec, ¿tasm on̈ 'ajec? Ax ticnec ex wit israelal calc 'ixtic:

Job 42:10

A yic xlajw sleslwi can Job yuj eb' swach'c'ojl cha, 'ixta to b'i'an, 'ix ya'n pax Jehová swach'c'ojlal 'a yib'n̈ jun 'ejm xo, 'icha xon 'a yic yalan̈, 'ec'b'al to xyutj pax Dios ya'n sjel 'a 'a.

Salmos 122:1

Til wal sja'l xwab'i yic xyaln eb' 'ayn 'ixtic: Coyc 'a yatut Jehová, xchi eb'.

Salmos 121:1

A yic tzin laj 'at q'ueln 'a lum jolmctac witz, tzwaln 'ixtic: ¿'Aj wal 'oj cot mach tzin colni? xin chi.

Lc 24:41

Wach'xam tzalj eb', palta an̈j 'ijnoc matz te 'a'j 'och wal eb' 'a sc'ojol, yujto ton̈j tzsat sc'ojl eb'. Yuj cha, sc'anb'n pax Jesús 'ixtc 'a eb': —¿Mam 'a jac tas tzin c'ux 'a tic? xchi 'a eb'.

Job 9:16

Q'uinloc tzcob' wawtc in c'umc in b'a yet' 'a sat junc eb' yajal, ¿tom 'oj scha yab' tas 'oj wala'?

Lc 24:11

Palta ax eb' schecb' cha, snan ewinac to ton̈j tzyal eb' 'ix. Yuj cha, matz chaj ewin yab'i'.

Mr 16:11

A yic xyaln 'ix 'a eb' chajtlto 'ix pitzw pax Jesús, to caw xyil 'ix yet' sat, palta ma'ix schaj eb' yab' 'a 'ix.

Dt 30:3

toto 'ixta 'oj eyutc e b'a, ax Jehová qui Diosalec 'oj sjel pax snab'en 'a eyib'an̈. 'Oj 'o'x 'och sc'ojl 'ayex. Ax ex smolb'tzan cot jun 'ejm xo 'a jun tzo'n̈ nacion̈ 'aj pechb'ilx can 'at 'a 'icha presoal.

Salmos 14:7

A cab' 'a tzaln Sión, ata tzcot qui colnb'il an̈ israel on̈c tic. A yic 'oj ya'nc pax Jehová swach'c'ojlal 'a quib'n̈ec jun 'ejm xo, caw 'oj qui tzaljec an̈ yin̈tl on̈c can Jacob tic.

Salmos 85:2

'Ix ac' niwnc'ojlal qui maysch'olnilal on̈, 'ix a'n lajwc smasnil qui mul on̈.

Jeremías 29:14

'Oj in ch'oxn̈j in b'a 'ayex. An Jehová in, an tzwala to 'oj in jel tas 'aych 'a eyib'an̈, ax ex wi'n cot 'a smasnil nacion̈, yet' 'a smasnil 'ajtil sactzicnac eyajcn 'at wu'uj. 'Oj ex in molb'tzoc paxta, ax e jab'x 'a 'aj 'ayx 'eq'ui, yic eyijx 'ati.

Jeremías 33:26

An̈jtona may b'a'n̈ 'oj jelmjoc jun in trato yet' eb' yin̈tl Jacob, yet' eb' yin̈tl win in checb' David. Yowlal 'oj in sic' 'elt junc yin̈tl David cha, ax ya'n yajlil 'a yib'n̈ eb' yin̈tl Abraham, Isaac, yet' Jacob. Yujto caw tz'o'chn̈ej in c'ojl 'a eb', yuj cha, 'oj wi'xq'ue'ch eb' jun 'ejm xo, xchi Dios.