Salmos 125:5 - Chuj San Sebastian Bible

⁵ Palta ax eb' tz'atcn 'a scal tu b'eyb'al, 'at cab' can eb' yet' eb' maysch'olnil sb'eyb'al chi 'a scal yailal. ¡'Ay cab' junc'ojlal 'a qui calc an̈ israel on̈c tic!

Chuj San Mateo Bible

⁵ Axo eb' tz'elcan d'a a b'eyb'al, ac'canb'at eb' b'aj ol scha syaelal eb' sc'ulan chucal. Ayocab' co junc'olal a on̈ israel on̈ tic.

Salmos 125:5 Referans Kwoze

Is 59:8

Man̈ eyojcoc tze b'eylb'ej tas wach', may xon jac tojlal 'ayc' 'a e nab'en. Caw wal tu e b'eyb'al cha, ax eb' tzlaj 'och tza'n eyu'uj, may xon jac junc'ojlal tz'ilchj yuj eb' 'a e patic.

Pr 2:15

A 'a tu b'eyb'al ata tzya'ch eb' snab'en, tzyactn can eb' wach' b'eyb'al.

Salmos 128:6

'Oj quilc tas 'oj 'aj 'el'ch eb' quichicnec b'aq'uin̈. ¡'Ay cab' junc'ojlal 'a quib'n̈ec an̈ israel on̈c tic!

Salmos 40:4

Caw wach' yic eb' to a Jehová tzya'ch yipc sc'ojol: Matz ya'ch sb'a eb' 'a scal eb' tzb'on maysch'olnil, matz ya'ch pax sb'a eb' yet' eb' tzyac' 'ejm sb'a 'a jun tzo'n̈ comn dios.

Gl 6:16

Jantc eb' tzb'eylb'an jun tzo'n̈ cuynb'il tic, atn eb' yel israel 'a sat Dios, yujto schon̈b' yaj eb'. Ya' cab' Dios sjunc'ojlal 'a eb', tz'o'ch pax sc'ojl 'a eb'.

Jn 14:27

A ticnec, tzwa'cn junc'ojlal 'a e pixan. Atn wal in junc'ojlal tic tzwa'cn 'ayex. Man̈ 'icha'oc jac junc'ojlal tz'ilchj 'a yolyib'n̈q'uinl tic, man̈ 'ixta'oc wic tic tzwa'cn 'ayex. Man̈ eyac' somchjoc 'el e nab'en, man̈ ex xiwoc.

Mt 7:23

Palta 'oj wal 'ixtc 'a eb': Toxn man̈ ex wojcoc. 'Eln̈ec 'a in tz'ey, yujto cojn maysch'olnil xlaj e b'o', 'oj in chic 'a eb'.

Salmos 101:3

May wal b'a'n̈ 'oj wa'ch in nab'en 'a tas maysch'olnil. Matz in nib'j wil eb' tzyij 'el sb'a 'a a tz'ey, may wal junc eb' 'oj wa'ch yopiso 'a in despacho.

A Scarta San Pablo D'a Eb' Aj Filipos 2:15

Man̈ e b'o 'ixta', sec may mach 'oj alnoc, to 'ay e mul, mto e paltail. Wach'xam 'ayx 'ec' 'a scal eb' 'anma maysch'olnil, mto eb' tu snab'en, ax xo yel yunnal ex Dios, man̈x 'a maysch'olnil 'aych 'ayx yet' eb'. 'Icha jun tzo'n̈ c'anal, caw tzictzni yilx 'a q'uic'q'uinal, 'ixta ex 'a scal eb'.

A Sb'ab'el Carta San Pedro 1:2

An̈ec tic, sic'b'iln̈ec xo 'elt yuj qui Mam Dios, yujto yictax pecti', 'ixta snajnac can cujec. Yuj Yespíritu on̈ 'ajxec 'och yico'oc, sec wach' tzqui yicljec tas tzyala, sec tz'ijx 'el qui mul 'ayn̈ec yuj schic'l Jesucristo. Ya' cab' Dios swach'c'ojlal yet' sjunc'ojlal 'ayx ta'.

A Ch'an̈ Carta D'a Eb' Hebreo 10:38

Ax eb' tojl snab'en 'a in sat, pitzn eb', yujto tzin ya'ch eb' 'a sc'ojol. Palta toto tzmeltzj eb' 'a spatic, man̈x 'oj in tzalj yet' eb', xchi Dios 'a Ch'an̈.

Sofonías 1:6

An̈jtona 'oj in satl pax eb' tzyij 'el snab'en 'ayin, atn eb' matz jaw 'ayn an Jehová in tic, yic tzwul sc'anb'noc eb' junc snab'en.

Os 2:18

A 'a jun tiempoal cha, 'oj wac' in trato yet' e no calte'al noc' yuj swach'loc eb' in chon̈ab', e no ch'ic, yet' e no chan, sec man̈x 'a 'oj yutc e no eb', ax wi'n 'el jun tzo'n̈ jul-lab' 'a jun nacion̈ tic, atn lanza, yet' espada yic owal, sec 'oj 'iljoc eb' in chon̈b' tic 'a tzaljc'ojlal.

Ez 37:26

'Oj in b'o in trato eyet' 'a jun 'ejmn̈ej, ax e can 'a tzaljc'ojlal 'a jun lugar cha. 'Oj wac' q'uib' e b'isl 'a smasnil tiempo, ax wa'n b'ox watut 'aj 'oj waj cajn 'a e cal.

Jeremías 2:19

An Jehová in, tztac' wuj smasnil, an tzwala: Mun wal a e mul 'oj 'a'nc jawc yailal 'a eyib'an̈. Mun wal a e tenmtaquil, a 'oj 'a'nc 'och 'a eyib'an̈. Nachj cab' 'el eyu'uj, chajtlto caw wal man̈ wach'oc, yujto in eyactj can an Jehová e Diosal in tic. Tzwa'ch yailal 'a eyib'an̈, yujto may wel'ch xon jac 'a e sat.

Is 54:13

'Oj in cuy eb' 'a swach'il, caw wach' oj 'aj 'el'ch eb'.

Is 54:10

An Jehová in, caw yel tz'o'ch in c'ojl 'ayach. Wach'xam 'oj jelmjoc eb' lum niwc witz tic 'a yet'ul, ax scot eb' lum tzaln c'acpil, palta a 'in chamc'ojlal 'ayach, may b'a'n̈ tzjelmji, may pax b'a'n̈ 'oj in ju in trato b'ob'il wuj et'oc, yuj cha, 'ay junc'ojlal 'a qui cal, xchi Dios.

Pr 14:14

Toto tu qui nab'enec, maysch'olnil tas 'oj qui cha spacc yuj tas tzqui b'oc cha; ax toto wach' qui nab'enec, wach' tas 'oj qui chac spacoc.

Salmos 94:4

Smasnil eb' maysch'olnil tzyutj sb'a cha, tzlaj sb'an̈ sb'a eb', tzyi'n chan̈ sb'a eb' yuj tas tzlaj sb'o'.

Salmos 92:7

Wach'xam a eb' 'ajmul 'anma', mto eb' tzb'on maysch'olnil tzq'ue wan tzicnjoc 'icha sq'uib' te c'ultac, yajn̈j cha tz'och yip eb', palta jab' wal tiempo 'ixta tz'aj eb'. Tzlajw cha, tzsatx can 'el eb' 'a jun 'ejmn̈ej.

Job 23:11

An tic, a jun b'eyb'al 'aj ch'oxb'iln yu'uj, an̈jta tzin b'eyi, may 'aj tzin jel in b'eyb'al.

A Ch'an̈ Schab'l Libro Samuel 22:22

Tzin b'eylb'ej sb'eyb'al Jehová, may 'ajtil xwij 'el in b'a 'a stz'ey in Diosal yic tzin b'on stu'al.

Salmos 92:8

Ach xo tic Mamin Jehová, smasnil tiempo caw niwn el'chi.

Salmos 92:10

Palta ach tza'ch wip 'icha no simron wacax, ach 'ix ac' in tzaljc'ojlal.

Pr 21:16

A mach tzyij can 'el sb'a 'a wach' b'eyb'al, wan s'atcn 'a scal eb' chamnac.

Lc 11:25

Ax yic tzc'ochxi, tzyiln pax win jun 'anma cha, lajn 'icha junc n̈a caw mesb'il, caw wach' yilxi.