Salmos 125:1 - Chuj San Sebastian Bible

¹ A eb' tzya'ch wal sc'ojl 'a Jehová, lajn eb' 'icha lum tzaln Sión matz 'ib'x 'a yet'ul, junn̈j yet'l 'aj 'ayc' 'a smasnil tiempo.

Chuj San Mateo Bible

¹ A eb' tz'ac'anoch Jehová yipoc sc'ool, lajan eb' icha lum tzalan Sion, max ib'xilaj jab'oc, ayn̈ejec' d'a masanil tiempo, icha chi' yaj eb'.

Salmos 125:1 Referans Kwoze

Salmos 62:2

Cojn tztac' in scolni, a 'aych pax wen̈loc. Ma'oj wejm yuj eb' 'ajc'ojl cha, yujto a 'a tzin col in b'a.

Zacarías 1:17

An̈jtona', 'ix yaln pax jun ángel chi 'ayn 'ixtic: Al-l jun tzo'n̈ xo tic: A Jehová tztac' yuj smasnil, a tzaln 'ixtic: 'Oj wi'x chan̈ eb' in chon̈b' tic yet' wach'ilal. 'Oj in niwnc'ojloc Sión jun 'ejm xo. An Jehová in, 'oj wal-l jun 'ejm xo, chajtlto a Jerusalén tic, in chon̈b' to sic'b'il 'el wu'uj, xchi Dios, xchi jun ángel cha.

Salmos 34:22

A Jehová a tzcoln 'el eb' schecab'. Ma'oj 'ajxoc 'och syailal eb', yujto a 'aych yipc sc'ojl eb'.

Salmos 25:2

Ach in Diosal tzach wa'ch wal yipc in c'ojol, man̈ a cha wac' in q'uixwloc, sec matz in stzetzj eb' 'ajc'ojl yajch 'ayin.

Salmos 120:1

A yic 'ayn 'och 'a in somc'ojlal, ax 'aych Mamin Jehová ata xwal in b'a, yuj cha, in a ta'wni.

1 Cr 5:20

'Ix 'och Dios yet' eb', yuj cha, 'ix 'ajx ganar eb' agareno yet' eb' 'aych yet' eb'. 'Ix can eb' 'a yol sc'ab' eb', yujto a yic wan ya'n eb' owl cha, 'ix sc'an eb' scolwal Dios. 'Ix colwj Dios yet' eb', yujto 'ix ya'ch eb' sc'ojl 'a 'a.

Salmos 121:1

A yic tzin laj 'at q'ueln 'a lum jolmctac witz, tzwaln 'ixtic: ¿'Aj wal 'oj cot mach tzin colni? xin chi.

Salmos 62:6

A tztac' in scolni, a 'aych pax wen̈loc. Ma'oj wejm yuj eb' 'ajc'ojl cha, yujto a 'a tzin col in b'a.

Is 12:6

Ex 'aj Sión, 'el cab' eyaw yuj tzaljc'ojlal yujto a qui Diosal an̈ israel on̈c tic, atn jun Dios To Cojxni, caw 'ay smay, 'ayc' 'a qui calec, 'oj e chioc.

Salmos 122:1

Til wal sja'l xwab'i yic xyaln eb' 'ayn 'ixtic: Coyc 'a yatut Jehová, xchi eb'.

Miqueas 4:2

Caw niwn sb'isl eb' chon̈b' cha, ax yaln junjn eb' 'a 'ixtic: Cotn̈ec, q'ue coyc 'a lum tzaln 'aj 'ay yatut Jehová, atn sDiosal eb' yin̈tl Jacob, yic wach' tzon̈ sch'oxc 'a sb'eyb'al, sec tzqui b'eylb'ejec, 'oj schic eb'. Yujto a 'a tzaln Sión cha, ata 'oj 'eltoc cuynb'il yic Jehová, ax 'a Jerusalén, ata 'oj cuyxoc sley cha.

Is 51:16

An xin jen̈b't satcha'an̈, xin b'on pax lum lu'um. An pax xwac' eyal-l in paxti'. Tzex in coln pax yet' yipl in c'ab', yuj cha, xwaln 'ixtc 'a yib'n̈ Sión: A jun chon̈b'al eb' 'anma tic, caw yel wic eb', xin chi, xchi Dios.

Salmos 123:1

Mamin Jehová Yajl ach 'a satcha'an̈, a 'aych tzin q'ue q'uelan, yic tzin c'ann tas tzin nib'ej.

Salmos 27:1

A Jehová tz'a'n sacq'uinl 'ayin, in Colmal paxi. A 'a tzin col in b'a, yuj cha, man̈x 'a in xiwc'ojlal. Man̈x 'a mach 'aj tzin xiwi.

Apoc 14:1

Xlajw cha, xwilni, a jun tzcuch Calnelu, lin̈n 'ec' 'a sjolm lum tzaln Sión. 'Ay pax 144 mil eb' 'ayc' yet'oc. Ax 'a snan̈l sat junjn eb', ata tz'ib'b'il 'och sb'i jun tzcuch Calnelu cha, tz'ib'b'il pax 'och sb'i Smam.

Zacarías 1:14

Wal 'a yajn̈ej 'ix yaln jun ángel chi 'ayin, tas jun tzo'n̈ spaxti Jehová tztac' yuj smasnil, a 'ix aln 'ixtic: Caw wal tzin chamc'ojlej Jerusalén simb'il yet' tzaln Sión.

Abdías 1:21

'Oj q'ue'choc eb' colwjum 'a lum tzaln Sión, 'oj yac' eb' yajlil 'a yib'n̈ lum slum Esaú. A yic cha, cojxn̈ej Jehová 'oj 'a'nc yajlil ta'.

Salmos 25:8

Mamin Jehová caw wach' a nab'en, tojln̈ej ach paxi; yuj cha, tza tojlb'tzej sb'eyb'al eb' tzb'on maysch'olnil,

A Sb'ab'el Carta San Pedro 1:21

Yuj Cristo, tzca'nec 'och Dios 'a qui c'ojl ticnec, yujto a 'a'jnac pitzwc pax 'a scal eb' chamnac. Caw niwn x'aj 'el'ch yu'uj. Yuj wal cha, caw ca'c 'och Dios 'a qui c'ojol, tzca'nec pax 'och yipc qui c'ojol.

Is 52:1

Ex 'aj Sión mto Jerusalén, pitzc 'el 'a e sat, te'wtzejc e b'a, 'a'c eyip, yujto schon̈b' ex Dios. Ch'oxc 'el e jelnal 'ac'b'il 'ayx yu'uj, sec man̈x 'a b'a'n̈ 'oj 'oxtoc eb' chuc chon̈b'al 'a e cal, yic tzex yi'n can 'ejm eb'.

Is 51:8

Yujto 'oj lajwc 'ejm eb' 'icha junc pichl 'aych yijal, mto 'icha junc lana pichl tzc'ux lajwc no 'ij cha. Palta a 'in tojlal yet' in colwal, 'ayc'n̈ej 'a smasnil tiempo, xchi Dios.

Is 14:32

¿Tas wal 'oj yutc eb' sta'w 'a eb' checb'il cot yuj jun nacion̈ cha? 'Oj yal eb' 'ixtic: A Jehová a 'ix 'a'n ste'nal eb' aj Sión, sec a eb' 'ay somc'ojlal 'a scal eb', 'oj 'at scol sb'a eb' 'a jun chon̈b' cha, 'oj schic eb', xchi Isaías.

Salmos 147:11

palta 'a eb' yiclum tzyutj sb'a 'a 'a, eb' tzya'ch sc'ojl 'a schamc'ojlal yic tzcoln 'el eb', caw 'ay yel'ch eb' 'a 'a.

Salmos 124:1

Q'uinloc man̈toc x'och Jehová quet'ec, ¿tasm on̈ 'ajec? Ax ticnec ex wit israelal calc 'ixtic:

Salmos 46:5

A Dios 'ayc'n̈ej 'a jun chon̈b' cha, a tz'a'n yip; a tz'och yet'oc yic tzsacb' pax 'eli.

Is 51:11

'Ixta pax 'oj 'aj smeltzj eb' colb'ilx 'el 'oj Mamin Jehová, caw 'ip sb'itn eb' yuj tzaljc'ojlal ax sjapx eb' 'a Sión. Caw wal tzetzetzn sat eb' yuj tzaljc'ojlal, yujto 'oj 'ilchjoc pax wach'l yuj eb', ax yailal yet' 'oq'uel, 'oj sat 'ejm 'a scal eb'.

2 Cr 20:20

Ax 'a sq'uin̈b'il 'a junx c'u, caw 'ix seb' q'ue wan eb', 'ix 'at eb' 'a sb'el cusltac lum 'a yol yic Tecoa. Ya' sb'a wan yel eb', 'ix 'och wan lin̈n Josafat, xyaln 'a eb' 'ixtic: 'Ab'c ex 'aj Judá yet' ex 'aj Jerusalén: Ca'c 'och qui c'ojl 'a Jehová qui Diosalec, sec wach' may tas 'oj qui'nec. Tzca'nec pax 'och eb' schecb' Dios yipc qui c'ojol, sec wach' 'oj quel'chec 'a smasnil, xchi 'a eb'.

Salmos 46:6

'Oj 'el yaw jun tzo'n̈ niwc nacion̈ yuj owal, ax laj yib'x chan̈ eb' 'aych yajlil, ax yulb'x pax 'ejm lum lum tic, yic 'oj 'ab'xoc spaxtin Dios.

Salmos 62:3

¿B'a'n̈ 'oj eyactc eya'n owl wet'oc? Tze nib'j wal tzin telw 'ejmi. Lajn xoj in 'icha yich n̈a wan yem lan̈joc e nani, mto 'icha pax junc col-l wan slan̈chji.

Salmos 62:7

A 'a Dios tzcot in colnb'il, yuj cha 'ay wel'chi; a 'aych wen̈loc, ata tzin col in b'a.

Pr 10:25

A yic tzjaw yailal 'icha junc chacxuxm 'ic', tzsatcn 'el eb' maysch'olnil sb'eyb'al yu'uj, ax eb' wach' sb'eyb'al, te'nn̈ej yaj eb' 'a jun 'ejmn̈ej.

Is 26:3

Mamin Jehová, ach tzac' sjunc'ojlal eb' to te'nn̈ej yaj snab'en, yujto cojn ach 'aych 'och yipc sc'ojl eb'.

Is 26:4

'Ayn̈j cab' 'och Jehová yipc qui c'ojlec, yujto cojn tztac' on̈ scolnec 'a smasnil tiempo.