Salmos 122:9 - Chuj San Sebastian Bible

⁹ Yuj in chamc'ojlal 'a yatut Jehová qui Diosalec, yuj cha, 'oj wac' 'ip in sayn 'ec' tas tz'aj yochx Jerusalén 'a wach'il.

Chuj San Mateo Bible

⁹ Yujto xajan scajnub' Jehová co Diosal vuuj, yuj chi' ol vac' vip in sayanec' tas tz'och svach'iloc Jerusalén tic.

Salmos 122:9 Referans Kwoze

Nehemías 2:10

Palta 'ay chawn̈ eb' yajal, atn Sanbalat 'aj Horón yet' Tobías yajl yaj 'a eb' 'aj Amón, a yic 'ix yab'n eb' to in c'och colwjoc 'a eb' wit israelal cha, ma'ix schaj sc'ojl eb'.

Salmos 84:10

Yel xo wach' 'ayn 'ec' junc c'u 'a yamq'uil atut, 'a yib'n̈ junc mil ab'il 'ayn 'ec' 'a junc xo lugar. Yel xo wach' tzin c'och 'a spuertail atut yic tzin 'och 'emmquilal 'aych ach in Diosal, 'a yib'n̈ to a 'a yatut eb' maysch'olnil sb'eyb'al 'aj tzin 'aj cajan.

Jn 2:17

Ax eb' scuywum, 'ix snan cot eb' tas tzyal 'a Ch'an̈ U'un̈, 'a 'aj tzyal 'ixtic: Caw pitz'n 'och 'a in c'ojl in ya'iln atut, xchi.

Salmos 69:9

Caw pitz'n 'och 'a in c'ojl in ya'iln atut, a wal yic tzb'uchwj eb' 'anma 'ayach, caw locn in tzwab' syail.

Salmos 26:8

Mamin Jehová, tzin chamc'ojlej atut 'a 'ajtil cajn ach 'eq'ui, 'a 'ajtil tzb'inax a b'i.

Ester 10:3

A Mardoqueo 'ix 'ochcn schab'loc 'a win rey cha. Caw wal niwn x'aj 'el'ch 'a scal eb' yit israelal, nib'b'il yuj smasnil eb' yit chon̈ab', yujto caw 'ix sayc' swach'l eb' yit chon̈b' cha. 'Ix yac' wal yip, yic wach' tzcan eb' 'a tzaljc'ojlal yet' 'a junc'ojlal.

Nehemías 13:14

Xwaln 'ixtc 'a in lesal: Ach in Diosal, na cot jun tzo'n̈ tas xin b'o tic. Man̈ 'at satc'ojlal o'oj, atn jun tzo'n̈ tas xin b'o yet' in chamc'ojlal 'a atut, 'a 'aj tz'och 'emmquilal 'ayach, xin chi.

1 Cr 29:3

An̈jtona', yujn̈ej pax to 'ay in niwquil chamc'ojlal 'a yatut in Diosal cha, yuj cha, tzin siyj q'uen oro, q'uen plata to mun wico', an̈jtona', 'ix in yamb'tzej can smasnil tas 'oj c'anxc 'a yatut qui Diosal cha.