Salmos 120:1 - Chuj San Sebastian Bible

¹ A yic 'ayn 'och 'a in somc'ojlal, ax 'aych Mamin Jehová ata xwal in b'a, yuj cha, in a ta'wni.

Chuj San Mateo Bible

¹ Mamin Jehová, ayic ay in och d'a somc'olal ix in avaj d'ayach, a achxo ix ach tac'vi d'ayin.

Salmos 120:1 Referans Kwoze

Salmos 18:6

A yic 'ayn 'ec' 'a scal in somc'ojlal, xwaln in b'a 'a 'aych Jehová, xin c'ann a colwal ach in Diosal. 'Ix ab'n yel waw yic 'aych 'ec' 'a yol atut, 'ix c'och waw 'a a chiquin.

Jonás 2:2

'Ix yaln 'ixtic: A wal 'a scal in yailal in 'awj 'aych Mamin Jehová. Ach ta'w 'ayin, yic 'ayn 'ec' wal 'a xab'l yich yet'l chamel. Ata in 'awj 'ayach, 'ix ab'n tas xwala.

Salmos 118:5

A yic 'ayn 'och 'a in yailal, 'ix waln in b'a 'a Jehová, 'ix yab' tas xwal 'a 'a, yuj cha, in scolni.

A Ch'an̈ Carta D'a Eb' Hebreo 5:7

A yic yec' Cristo 'a yolyib'n̈q'uinl tic, leslwnac, sc'ann tas 'a Dios. Caw 'ip leslwnac, caw wal 'o'nac. Ax Dios a 'ay spoder scoln 'el 'a yol sc'ab' chamel. Yab'jnac Dios slesl Cristo, yujto 'emmquilal yutjnac sb'a 'a 'a.

Salmos 50:15

Alc e b'a 'ayin yic 'ay e somc'ojlal, an 'oj ex in colo'. 'Ay cab' wel'ch 'a e sat, xchi Dios.

Salmos 130:1

Mamin Jehová, a wal tzwutj wab'ni a 'a yich junc lum xab' 'ayn 'eq'ui, yic tzwaln in b'a 'ayach.

Lc 22:44

Caw wal x'och pitz'n cuslal 'a spixan, yuj cha, caw yelc'ojlal xleslwi. Til wal x'el yalil, 'icha yem niwc tz'uj, 'ixta x'aj yel schic'l yaliloc, x'em 'a sat lu'um.]

Salmos 131:1

Mamin Jehová, caw man̈ b'an̈quintac in nab'en tzwab'i, man̈ chan̈oc 'ayb't in sat tzin 'eq'ui, man̈ niwc wincoc tzwutj in b'a tzin 'eq'ui, matz in 'och tza'n yuj junc tas man̈ in lajnoc yet'oc.

Salmos 125:1

A eb' tzya'ch wal sc'ojl 'a Jehová, lajn eb' 'icha lum tzaln Sión matz 'ib'x 'a yet'ul, junn̈j yet'l 'aj 'ayc' 'a smasnil tiempo.

Salmos 107:13

Palta a 'a scal somc'ojlal eb' cha, ata 'ix yal sb'a eb' 'a Jehová, ax 'ix coln 'elt eb' 'a yol sc'ab' syailal cha.

Salmos 134:1

E masnil ex schecb' Jehová, alc e wach' paxti 'a 'a. Jantc ex to 'ayx 'ec' 'a yol yatut 'a junjn 'ac'wal,

Salmos 133:1

'Iltec wali, til wal sja'l yaj eb' to yu'tac sb'a, yanb' sb'a mto snul'j sb'a yic junn̈j tzyutj eb' snab'en smasnil.

Salmos 132:1

Mamin Jehová, ach 'aych 'och quipc an̈ yin̈tl on̈ Jacob tic, na cot David yet' smasnil syailal, na cot wal sti ya'jnac 'ayach yic yaln 'ixtic:

Salmos 127:1

Toto man̈oc Jehová tzcolwj yet' eb' tzb'on junc n̈a, toto 'ixta', nab'an̈ej tzmunlj eb' tzb'on cha. Toto man̈oc tzcolwj yet' eb' tztan̈wni chon̈ab', toto 'ixta', tom 'ay jac yel'ch ewin tztan̈wni yol chon̈b' cha.

Salmos 124:1

Q'uinloc man̈toc x'och Jehová quet'ec, ¿tasm on̈ 'ajec? Ax ticnec ex wit israelal calc 'ixtic:

Salmos 122:1

Til wal sja'l xwab'i yic xyaln eb' 'ayn 'ixtic: Coyc 'a yatut Jehová, xchi eb'.

Salmos 121:1

A yic tzin laj 'at q'ueln 'a lum jolmctac witz, tzwaln 'ixtic: ¿'Aj wal 'oj cot mach tzin colni? xin chi.

Salmos 102:2

Man̈ e'l a sat 'ayin, yic 'ayn 'och 'a in cusc'ojlal. Comnoc tz'el 'a a c'ojl ab'n tas tzwala. A yic tzach wawtni, tza pacn pax 'ayn muc'uc.

Salmos 129:1

Ex wit israelal, til wal jun tzo'n̈ yailal 'ix ya'ch eb' 'ajc'ojl chi 'a quib'n̈ec yic cochc can chon̈b'al. Calc cab' 'ixtic:

Salmos 128:1

Caw wach' yic eb' yiclum tzyutj sb'a 'a Jehová, yujto 'oj scha eb' swach'c'ojlal.

Salmos 126:1

A yic sjeln Jehová snab'en 'a yib'n̈ Sión yuj tas 'aych 'a yib'an̈, 'icha ton̈j on̈ waychniec xquila.

Salmos 123:1

Mamin Jehová Yajl ach 'a satcha'an̈, a 'aych tzin q'ue q'uelan, yic tzin c'ann tas tzin nib'ej.

A Ch'an̈ B'ab'el Libro Samuel 1:20

'Ixta x'aj scuchn chan̈ 'ix yune'. Ax yic xc'och stiempoal, 'ix 'alj jun swinc 'unn 'ix, xya'n sb'ic Samuel. Xyaln 'ix 'ixtic: A win 'unn tic to c'anb'il win wuj 'a Jehová, xchi 'ix.

A Ch'an̈ B'ab'el Libro Samuel 1:27

Yuj ton win 'unn tic in leslwi cha, ax Jehová 'ix 'el 'a sc'ojl ya'n tas 'ix in c'an 'a 'a.

Salmos 50:23

A eb' tz'a'n yuj diosal 'ayin, 'ay wel'ch 'a sat eb'. A eb' tzb'eylb'an in b'eyb'al, 'oj in colcn 'el eb', xchi Dios.

Jonás 2:3

Wal 'a xab'l yich a mar in a julcn 'ati, smasnil a a tzb'eyi, 'ix yoych sb'a eb' a 'ayin. A eb' a niwc a', xmayy 'ec' a 'a wib'an̈.