Salmos 12:1 - Chuj San Sebastian Bible

¹ Mamin Jehová coln̈ 'el on̈, yujto man̈x 'a mach te'n tzyutj sb'a 'ayach, man̈x 'a pax mach yiclum 'a qui cal an̈ 'anman̈ tic.

Chuj San Mateo Bible

¹ Mamin Jehová, colon̈, yujto man̈xalaj eb' ay elc'och d'a sat, van satel eb' tzach c'anab'ajan d'a scal eb' anima.

Salmos 12:1 Referans Kwoze

Jeremías 5:1

Xyaln Jehová 'ayn 'ixtic: B'eyn̈ 'ec' 'a scayeal Jerusalén, tza maclni wal el si'mb'il. Tz'ec' a saync el 'a 'aj 'ay smasnil chon̈, tzelni toto 'ay mach caw tojl tas tzb'o'o, caw yeln̈j tas tzyala. Toto tz'ilchj junc o'oj, to 'ixta', 'oj wac' niwnc'ojlal 'a Jerusalén.

Is 57:1

A yic tzcham eb' 'anma wach' snab'en, ¡toc 'ay mach tznan eb'! A yic tzsat 'ejm eb' wach' snab'en cha, toc 'ay mach tznachj 'el yu'uj, to a yic tzcham eb' cha, to tzcolchj 'el eb' 'a yol sc'ab' smasnil yailal.

Mt 24:12

Caw 'oj niwtjoc maysch'olnilal, yuj cha, man̈x 'oj laj schamc'ojloc sb'a eb' 'anma'.

Is 63:5

In cob' 'ec' q'uel-loc, may xon mach 'ix colwj jac wet'oc; yuj cha, caw 'ix sat in c'ojl wiln jun tic, yujto may xon mach x'och wet'oc. Yuj wal yowl in c'ojol, x'och wip, atn yuj cha, sta'n in coln in chon̈ab'.

Salmos 6:1

Mamin Jehová man̈ in a tumc yet' yowl a c'ojol, man̈ a'ch in yailal yet' yowl a c'ojol.

Pr 20:6

Til wal eb' tzalni to 'ayn̈j schamc'ojlal eb' 'ayn̈ec, palta jaywn̈ej eb' tztac' ca'nec 'och yipc qui c'ojol.

Gn 6:12

'Ix yiln Dios to smasnil 'anma 'ix juw 'eli, cojxn maysch'olnil tzlaj sb'o eb'.

Mt 8:25

Yuj cha, 'ix spitzn 'el eb' scuywum chi swayan̈, 'ix yaln eb' 'a 'ixtic: —Mamin, colwjan̈ 'ayn̈ec, wal qui 'atc 'a yich a tic, xchi eb' 'a 'a.

Is 1:9

A Jehová tztac' yuj smasnil, 'ix 'el 'a sc'ojol, on̈ yactj can jaywn̈ on̈c tic. Q'uinloc ma'ay, 'icha am 'ajnc satl Sodoma yet' Gomorra, 'ixta on̈ 'ajec.

Salmos 54:1

Ach in Diosal colwjan̈ 'ayin, caw coln yet' a poder.

Salmos 6:4

Coln Mamin Jehová, coln yet' a chamc'ojlal.

Salmos 3:7

Mamin Jehová cotn̈ colwjoc wet'oc, coln ach in Diosal. Ach 'oj a ma'lajwc sat eb' 'ajc'ojl yajch 'ayin, ax a ma'n pax 'el ye eb' tzb'on maysch'olnil 'a in patic.

Mt 14:30

Palta ax 'ix yab'ni caw ow 'ic', 'ix xiwi. Yuj cha, wan 'ijn wal tz'ejm 'a yojl a', 'ix 'awj 'ixtic: —Mamin, col in, xchi.

Is 59:4

May xon junc mach tojl tas tzb'o'o, may mach tzb'oyaj sb'a 'a wach'. A tas 'aj 'aych e nab'en, atn 'a 'es yet' jun tzo'n̈ paxti man̈ yeloc. A maysch'olnil, a chi 'ayc' 'a e nab'en e b'oni, ax tz'aji, tzeya'n 'el'choc 'icha tas tze na cha.