Salmos 119:96 - Chuj San Sebastian Bible

⁹⁶ 'Ix wila to a smasnil tas, man̈ tz'acnoc 'a swach'il, ax pax jun tzo'n̈ a checnb'il tic, man̈x yalnb'ilc swach'l eb'.

Chuj San Mateo Bible

⁹⁶ Ix vila' to malaj junoc tas tz'ac'an vach'il, axo a checnab'il, man̈xo jantacoc svach'il.

Salmos 119:96 Referans Kwoze

Mt 24:35

'Oj lajwc 'ec' satcha'an̈ yet' yolyib'n̈q'uinl tic, ax in paxti', may b'a'n̈ 'oj lajwc 'eq'ui.

Ec 2:11

Xlaj in yamn 'och in b'eyc'ojlan in munljel xlaj in b'o', atn jun tzo'n̈ munljel teb'il b'onc wu'uj, ata xwil coti to a smasnil jun tzo'n̈ cha, may jac yel'chi. Lajn jun tzo'n̈ chi 'icha wal yic tzcob' qui pechnec qui b'a yet' 'ic' yic tzcob' ca'lnoc qui yamni. May jac tas wach' qui'nec 'a yolyib'n̈q'uinl tic.

Mt 5:18

Wal yel tzwal 'ayex, yowlal 'oj 'el'choc jantcn̈ej tas tz'ib'b'il can 'a ch'an̈ ley cha. Ya' sb'a 'ayt 'ec' yolyib'n̈q'uinl tic yet' satcha'an̈, may wal jac tas 'a Ch'an̈ Un̈ chi 'oj satli. Wach'xam junc letra, mto junc punto, may wal junc tas 'oj satoc, masnto 'oj 'el'choc jantcn̈ej tas 'ay 'a 'a.

Ro 7:14

Cojquec, a Yespíritu Dios 'a'jnac cot jun ley cha. Palta an tic, an̈ja wet' jun in tu nab'enal tic. 'Icha to chon̈b'iln 'och ya'malc servil maysch'olnil.

Ec 12:8

An alm in 'el 'ab'x tic, an tzwal jun 'ejm xo: to a smasnil jun tzo'n̈ tic, may xon jac yel'chi.

A Ch'an̈ Schab'l Libro Samuel 17:23

Palta ax xyiln win Ahitofel to ma'ix 'och yopiso snab'en xyala, 'ix ya'n 'och stzum sb'uru, 'ix pax 'a schon̈b' 'aj 'ay yatut, 'ix laj sb'onc can yaj smasnil tas 'ay 'a 'a, xlajw cha, 'ix st'un̈n q'ue sb'a, 'ix chami. Axta 'ix mucx 'a 'aj mucn smam.

A Ch'an̈ B'ab'el Libro Samuel 17:8

Xlajw cha, 'ix 'och wan lin̈n win Goliat cha, caw 'ip x'awj cot 'a eb' soldado israel, xyaln 'ixtic: —¿Tas yuj cob' tzolmtac tzeyutj 'elt e b'a 'a owal? Ya' sb'a an tic filisteo in, ax xo tic schecb' ex Saúl, si'c 'elt junc winc 'a e cal cha, yic tzwul ya'nc owl wet'oc.

A Ch'an̈ B'ab'el Libro Samuel 9:2

'Ay jun yunnal win Cis chi, Saúl sb'i. Yel xo wal wach' yilx win quelm chi 'a yib'n̈ smasnil eb' yit israelal cha. May xon junc eb' quelm chi lajn yilx yet' winac. Caw niwquil ste'il, cojn 'a squelb' win tzq'ue'ch stel eb' 'anma cha.

Mt 5:28

Palta an tzwal 'ayex, tzann̈j mach tz'och q'ueln 'a junc 'ix, tznib'n 'ochi, a jun cha, tox x'och 'ajmulal yet' 'ix 'a snab'en.

Ec 7:20

Palta may junc on̈ec caw tojl qui b'eyb'al 'a yolyib'n̈q'uinl tic, yic to may 'aj tz'och qui mulec.

A Ch'an̈ Schab'l Libro Samuel 18:17

Xlajw xoj cha, 'ix yi'n chan̈ eb' sniwnal win Absalón cha, ax 'a yojl jun jul 'a calte cha, ata 'ix sjulcn 'at eb' winac. 'Ix si'n can eb' syam sb'a q'uen q'uen 'a yib'an̈, caw niwn x'ajcn chan̈ b'uln q'uen q'uen cha. Ax smasnil eb' soldado Absalón cha, 'ix 'at eb' 'elc smasnil, 'ix pax eb' 'a yatut.

A Ch'an̈ Schab'l Libro Samuel 18:14

'Ix ta'w win Joab 'a win 'ixtic: —Nab'an̈ej tzwij 'ec' in tiempo et'oc, xchi winac. 'Ix yi'n Joab chi 'oxe q'uen cotc lanza, 'ix 'at stecnc 'och 'a spixn Absalón, yujto pitznto win 'a sc'ab' te mach' cha.

A Ch'an̈ Schab'l Libro Samuel 16:23

A Absalón, a 'a win Ahitofel 'aj sc'anb'j snab'en, 'icha ya'jnac David yujto cojxn win Ahitofel chi tztac' ya'n junc nab'en 'icha to 'a Dios tzalni.

A Ch'an̈ Schab'l Libro Samuel 14:25

A 'a scal eb' israel, may wal junc mach lajn yilx 'icha Absalón, caw wal wach' yilx sniwnal smasnil. Caw b'inab'il 'a scal eb' 'anma cha, yujto may tas palta 'a sniwnal.