Salmos 119:53 - Chuj San Sebastian Bible

⁵³ A eb' 'anma maysch'olnil sb'eyb'al, tzyactj can eb' a cuynb'il, yuj cha, caw tzcot wowl yuj eb'.

Chuj San Mateo Bible

⁵³ A eb' sc'ulan chucal, syactejcan a c'ayb'ub'al eb', yuj chi' ste cot voval.

Salmos 119:53 Referans Kwoze

Esdras 9:3

A yic 'ix wab'n jun cha, xin tzilnjat in pichul, xin to'n 'el xil in jolom, yet' xil in ti', yuj in ch'oxn 'el in cusc'ojlal. Xlajw cha, in 'em wocan, man̈x in 'anmac xwab'i.

Salmos 119:158

A eb' 'anma chab'sat yaji, caw tu wiln 'och eb', yujto matz yiclj eb' a paxti'.

A Scarta San Pablo D'a Eb' Aj Filipos 3:18

'Ay jun xo, til wal 'ejm waljnacx 'ayex. Ax yic tzwaln pax 'at 'ayx ticnec, caw tzin 'oq'ui. Yujto til wal eb' caw maysch'olnil tzyutj sb'eyb'al. Wach'xam xcham Cristo sjelc eb' 'a spenc culus, palta yuj sb'eyb'al eb' cha, caw 'ajc'ojl yajch eb' 'a ticnec.

Jeremías 13:17

Toto ax tic matz e chaj eyab' tas tzwala, 'oj woc' eyuj 'a c'ultaquil, yujto tzeyij chan̈ e b'a. Caw 'oj 'eltoc yal in sat eyu'uj, yujto 'oj eyijx 'at 'icha presoal, xin chi 'a eb'.

Esdras 10:6

Yajn̈ej xyi'n 'el sb'a Esdras 'a sti yatut Dios. 'Ix 'at 'a scuarto Johanán, yunnal Eliasib, ata x'ec' 'ac'wl yu'uj, may jac tas sc'uxu, may pax jac tas xyuq'uej, yujto caw tzcus sc'ojl yuj smul eb' paxncta 'a Babilonia cha.

2 Co 12:21

Tzin xiw in 'at 'ayx jun 'ejm xo, toq'ue a qui Diosal 'oj 'a'nc in q'uixwloc eyu'uj. Toq'ue caw 'oj woc' eyu'uj, yujto 'a yictax yalan̈, caw niwn ex tze b'o maysch'olnil. Caw matz eyactj can e b'on jun tzo'n̈ maysch'olnil yet' e niwnal, atn 'ajmulal yet' jun tzo'n̈ xo tas caw q'uixweltac.

Habacuc 3:16

A yic xwab'n smasnil tas 'oj jawc 'a quib'n̈ chi 'on̈, caw in xiw cha'an̈. 'Ix 'ib'x chan̈ in ti'. Smasnil in niwnal, caw man̈x 'a yip, tzanxn̈ej 'aj in telwi. Wach'xam 'ixta 'oj 'ajoc, palta caw junc'ojlaln̈ej waj in tan̈wni jun c'ual yic 'oj jawc yailal oj 'a yib'n̈ eb' tz'a'n owl quet' on̈.

Dn 4:19

Yuj cha, ax Daniel tzcuch pax Beltsasar, sictac 'ix 'aj snan jun rato, caw somchj snab'en yuj jun cha. Palta 'ix waln 'ixtc 'a 'a: Beltsasar, man̈ ach 'och 'il yuj jun in waych cha, yet' pax yuj tas tzyal 'el'chi, xin chi. 'Ix ta'w Beltsasar chi 'ixtc 'ayin: ¡'Ay, mamin rey, comnoc wal a 'a yib'n̈ eb' 'ajc'ojl yajch 'ayach, comnoc ata 'oj 'em tas tzyal 'el'ch jun a waych cha!

Salmos 119:136

Caw tzb'ey yal in sat woq'ui, yujto matz yiclj eb' 'anma jun tzo'n̈ a cuynb'il tic.

Nehemías 13:25

A yuj jun cha, xin tej in b'a yet' eb', xin catb'tzej can eb'. 'Ay eb' xin mac'a, xin to'n 'el xil sjolm eb', xwa'n pax pural eb' ya'n sti 'a Dios, to man̈xtzac yij sb'a yunnal eb', yisl eb' yet' eb' chuc chon̈b'al. An̈jtona', matz tac' pax yoch eb' 'ix chuc chon̈b'al chi yistloc eb'. 'Ix waln pax 'ixtic:

Salmos 89:30

Palta toto 'oj yactc can eb' in cuynb'il tic, toto man̈x 'oj sb'eylb'oc eb' in checnb'il,

Esdras 9:14

Toto tenmtac tzcutj qui b'a jun 'ejm xo 'a a checnb'il, junn̈j pax tzcutj qui b'a yet' jun tzo'n̈ 'anma chuc chon̈b'al maysch'olnil sb'eyb'al cha, ¿tom ma'oj cot yowl a c'ojl 'a quib'n̈ on̈, ax on̈ a satn 'eli? Smoj am man̈x 'a junc on̈ tzon̈ can 'a qui pitznal on̈.

Nehemías 5:6

A yic 'ix wab'n yaln eb' 'anma tas tz'aj eb', yuj cha, caw 'ix cot wowal.