Salmos 119:39 - Chuj San Sebastian Bible

³⁹ Yuj jun tzo'n̈ a ley caw wach', tu yaln eb' 'anma 'a in patic. Coln 'el 'a jun tzo'n̈ spaxti eb' cha, atn jun tzo'n̈ 'aj tzin xiwi.

Chuj San Mateo Bible

³⁹ Te vach' a ley d'a yol in sat, yuj chi' colinel d'a juntzan̈ lolonel stzuntzancot yoval in c'ool, to tzin xiv d'ay.

Salmos 119:39 Referans Kwoze

Tito 2:8

Tojln̈ej tzotj a cuywj 'a eb', sec wach' matz tac' yaln eb', to maysch'olnil jun chi tzac' scuy eb'. Toto 'ixta', toxn̈ej 'ay eb' tzchichni, palta 'oj q'uixwc 'el eb', yujto may junc tas tztac' yaln eb' 'a qui patquil.

1 Ti 3:7

A eb' 'ay yopiso, yowlal wach' tzyutj eb' sb'eyb'al 'a sat eb' man̈ creyenteoc, sec ma'oj b'uchxoc eb', yic ma'oj 'ajxc ganar eb' yuj win diablo.

Salmos 119:22

An tic 'ix wa'ch in nab'en 'a a checnb'il, yuj cha 'ij 'el snab'en eb' tzin patquiln can 'eli, yet' eb' tzin tzuntzni.

Apoc 19:2

Tojln̈ej tzyutj sb'eyc'ojlwi 'a yel. Yujto 'ix sb'eyc'ojlej jun 'ix yajl 'ajmul 'ix. Atn 'ix x'a'n juwc 'el eb' 'anma 'a yolyib'n̈q'uinl yuj yajmulal. A Dios 'ix 'a'n spac 'a jun 'ix cha, yujto 'ix milx cham eb' schecb' Dios yu'uj, xchi eb'.

Ro 2:2

Palta cojquec, tzann̈j mach 'ixta tzyutj sb'a, a Dios 'oj b'eyc'ojlanc 'a yel, ax ya'n 'och 'a yib'an̈.

Salmos 57:3

A yuj a chamc'ojlal yet' yuj tz'el'chn̈ej tas tzala, yuj cha, tza' cot colnb'il 'ayn 'a satcha'an̈, ax in a coln 'el 'a yol sc'ab' eb' tzin 'ixtni.

Salmos 39:8

Coln 'el 'a yaln̈ smasnil in mul, man̈ in a cha b'uchxoc yuj eb' tu snab'en.

1 Ti 5:14

Yuj cha, tzin nib'ej a eb' cob'stac 'ix chamnc yichmil, wach' tzya'ch eb' yichmil jun 'ejm xo. 'Unewoc cab' eb', munlj cab' eb' 'a yol yatut. Toto 'ixta tzyutj sb'a eb', ax eb' 'ajc'ojl yajch 'ayon̈, matz tac' sb'uchwj eb' 'ayn̈ yuj eb' 'ix.

Is 26:8

Mamin Jehová, an̈ tic on̈ caw wal tzqui b'eylb'ej jun tzo'n̈ b'eyb'al tzyal a ley. A wal tas tzqui nib'ej, to nab'ilchn̈ej cuj on̈.

Salmos 119:131

Caw wal tzin nib'j jun tzo'n̈ a checnb'il tic 'icha snib'n junc mach yu'n a a yuj tacn̈ti'al.

Salmos 119:123

Caw tzjuw yol in sat in tan̈wni wila', b'a'n̈ tzin a col-li, ¿b'a'n̈ wal tzin a col-l 'icha yaln a paxti'?

Salmos 119:75

Wojc wal si'mb'il, to a jun tzo'n̈ a ley tic caw tojl eb', yujto 'ay wal yel'chi, yuj cha, tzin a'n 'och 'a in yailal.

Salmos 119:43

May cab' b'a'n̈ tzcan waln jun tzo'n̈ a paxti to yel, yujto a jun tzo'n̈ a ley cha, a 'aych yipc in c'ojol.

Salmos 119:31

Mamin Jehová, 'ix wa'ch in nab'en 'a jun tzo'n̈ a checnb'il tic; man̈ a chach q'uixwc'ojlal 'ayin.

Salmos 119:20

'A junjn rato tzin nib'n tzwojquej 'el tas tzyal a ley.

Salmos 19:9

A 'emmquilal 'a Jehová, caw wach' tz'el'chi, 'ayc'n̈ej 'a smasnil tiempo. A sley Jehová caw tojln̈ej smasnil, yeln̈j pax tas tzyala.

A Ch'an̈ Schab'l Libro Samuel 12:14

Palta yuj jun xa b'o tic, yuj cha, tu tas tzyal eb' 'anma 'ajc'ojl yajch 'a Jehová, atn yuj jun cha, ax scham win onnal tot x'alj cha, xchi Natán.

Dt 4:8

¿Tom 'ay junc xo nacion̈ to 'ay sley mto 'ay schecnb'il tojl yalx 'icha jun wan waln can 'ayx tic?

Pr 25:10

toto ma'ay, lemb'il a eb' tz'ab'n cha, 'oj yal-l eb' e peclal, ax 'oj 'ajoc, tu 'oj e b'inaxi.